Soft Drink လို့ခေါ်တဲ့ အချိုရည်တွေဟာ သင့်ရဲ့ ဇီဝဖြစ်စဉ်ကို ဆိုးကျိုးဖြစ်စေသလို ကိုယ်အလေးချိန်လည်း တက်စေပါတယ်။ ဒါ့ကြောင့် အဲဒီ Soft Drink တွေကိုသာ သင်လုံးဝမသောက်တော့ဘူးဆိုရင် ကိုယ်အလေးချိန်လည်း လျှော့ချပြီးသားဖြစ်သွားမှာပါ။
သကြားပါဝင်မှုများတဲ့ အချိုရည်တွေဟာ ကျန်းမာရေးနဲ့မညီညွှတ်မှန်း လူတိုင်းသိကြပါတယ်နော်။ အဲဒီအချိုရည်တွေ မသောက်တော့ရင် ဘယ်လိုအကျိုးကျေးဇူးတွေရှိလာမလဲဆိုတာ မျှဝေပေးပါမယ်။
၁။ အားအင်ပိုရှိလာသလို ခံစားရမယ်
အချိုရည်တွေဟာ သွေးတွင်းသကြားဓာတ်ကို မြင့်တက်စေနိုင်ပါတယ်။ ဒါ့အပြင် ပင်ပန်းနွမ်းနယ်မှုကို ဖြစ်စေပြီး သင့်ကို စိတ်ပိုင်းဆိုင်ရာရော ရုပ်ပိုင်းဆိုင်ရာမှာပါ ဆိုးကျိုးသက်ရောက်စေပါတယ်။ ဒါ့ကြောင့် အချိုရည်ကို လုံးဝမသောက်တော့ဘူးဆိုရင်တော့ အားအင်ပိုရှိလာသလို ခံစားရစေမှာဖြစ်ပါတယ်။
၂။ သွားကျန်းမာရေးအတွက်လည်း ကောင်းမွန်တယ်
အချိုရည်တွေမှာပါတဲ့ အက်ဆစ်ဓာတ်တွေ၊ ပြုပြင်ထားတဲ့ သကြားတွေဟာ သင့်သွားကျန်းမာရေးအတွက် ဆိုးကျိုးဖြစ်စေပါတယ်။ ဒါ့ကြောင့် သွားကိုလည်း ဝါစေနိုင်ပြီး သွားပိုးစားတာမျိုးဖြစ်စေနိုင်ပါတယ်။ ဒါ့ကြောင့် အချိုရည်တွေသာမသောက်တော့ဘူးဆိုရင်တော့ သင်သွားကျန်းမာရေးကို ကောင်းမွန်လာစေမှာဖြစ်ပါတယ်။
၃။ ကိုယ်အလေးချိန် အလိုလိုကျသွားမယ်
နောက်ထပ် စိတ်ဝင်စားစရာကောင်းတဲ့အချက်ကတော့ အချိုရည်တွေမသောက်တော့ဘူးဆိုရင် ကိုယ်အလေးချိန် ကျသွားမှာ အသေအချာပါပဲ။
၄။ အရိုးကိုလည်း ကျန်းမာစေတယ်
အချိုရည်တွေဟာ ကာဘွန်နိတ်ပါဝင်တာကြောင့် သင့်အရိုးကျန်းမာရေးအတွက် မကောင်းပါဘူး။ ဒါ့အပြင် Phosphorous နဲ့ ဓာတုပစ္စည်းပါဝင်တာကြောင့် ကယ်လ်ဆီယမ်ဓာတ်ကို စုပ်ယူမှု အားနည်းစေပြီး အရိုးကျန်းမာရေးကို ထိခိုက်စေပါတယ်။
၅။ အစာချေစနစ် ပိုကောင်းလာမယ်
အချိုရည်တွေဟာ သင့်အစာချေစနစ်ကို အဟန့်အတားဖြစ်စေပါတယ်။ ဒါ့ကြောင့် အချိုရည်တွေကို လုံးဝမသောက်တော့ဘူးဆိုရင်တော့ အစာချေစနစ်ကို ပိုမိုကောင်းမွန်စေမှာဖြစ်ပါတယ်။
၆။ အသားအရေလည်းပိုကောင်းလာမယ်
သကြားပါဝင်မှုများတဲ့အချိုရည်တွေမှာ ဓာတုပစ္စည်းပါဝင်မှုများပြီး အသားအရေကို အိုမင်းရင့်ရော်စေပါတယ်။ ဒါ့ကြောင့် အချိုရည်တွေကိုသာ သင်မသောက်တော့ဘူးဆိုရင်တော့ အသားအရေလည်း ပိုပြီး ကောင်းမွန်လာမှာဖြစ်ပါတယ်။
၇။ ကျောက်ကပ်ကျန်းမာရေးကို ပိုမိုကောင်းမွန်လာစေပါတယ်
ကျောက်ကပ်အတွင်း ကျောက်တည်တာကို လျှော့ချပေးနိုင်ပါတယ်။ သကြားပါဝင်မှုများတဲ့အချိုရည်တွေဟာ ကာဘွန်နိတ်ပါဝင်တဲ့အပြင် တခြား ဓာတုပစ္စည်းတွေလည်း ပါဝင်လို့ ကျောက်ကပ်ကျန်းမာရေးကိုပ ထိခိုက်စေပါတယ်။
