အမာရွတ်ကင်းပြီး ပြစ်မျိုးမှဲ့မထင်အသားအရေအကို လူတိုင်းပိုင်ဆိုင်ချင်ကြပါတယ်။
အထူးသဖြင့်တော့ အမျိုးသမီးတွေအများစုဟာ မျက်နှာအလှအပအတွက် ဈေးကြီးတဲ့ ကုန်ပစ္စည်းတွေကို အသုံးပြုကြပါတယ်။ ဇာတိပ္ဖိုလ်သီးက ကျန်းမာရေးအတွက်သာမက အလှအပအတွက်ပါ သိပ်ကိုအသုံးဝင်ပြီး အရေးပြားဆိုင်ရာ ပြဿနာတွေကို ဖြေရှင်းပေးနိုင်ပါတယ်။ မျက်နှာပေါ်ကအညစ်အကြေးတွေကို ဖယ်ရှားပေးမှာဖြစ်လို့ ဝက်ခြံထွက်မှာ စိတ်ပူစရာမလိုတော့ဘဲ ဝင်းမွတ် လှပလာစေမှာပါ။
ပါဝင်ပစ္စည်း
ဇာတိပ္ဖိုလ်သီးမှုန့် (Nutmeg) လက်ဖက်ရည်ဇွန်း ၁ ဇွန်း
ပျားရည် လက်ဖက်ရည်ဇွန်း ၁ ဇွန်း
လတ်ဆတ်တဲ့ သံပုယိုရည် (သံပုယိုသီးကိုညစ်ပါ) လက်ဖက်ရည်ဇွန်း ၁ ဇွန်း
သစ်ကြံပိုးခေါက် လက်ဖက်ရည်ဇွန်း ၁/၂ ဇွန်း
ဘယ်လိုလုပ်မလဲ
ပြင်ဆင်ခြင်း ပါဝင်ပစ္စည်းအားလုံးရောရောလိုက်ပါ။ တကယ်လို့ အသားအရေက Sensitive (ထိလွယ်ရှလွယ်ဖြစ်တဲ့) အသားအရေမျိုးဆိုရင် သံပုယိုသီးကို မထည့်ဘဲ ပျားရည်ကိုသာ ပိုထည့်ပေးပါ။ ပျားရည်နဲ့လည်း ဓါတ်မတည့်ဘူးဆိုရင် အဖြူ (သို့) အစိမ်းရောင်ရွှံ့စေးကို အသုံးပြုနိုင်ပါတယ်။ အရေက အရမ်းကိုပျစ်နေရင် ရေနည်းနည်းထည့်ပေးပါ။
ဘယ်လိုသုံးမလဲ
လုပ်ထားတဲ့ အရည်ကို မျက်နှာပေါ်မှာလိမ်းလိုက်ပါ။ မျက်လုံးနဲ့ နှုတ်ခမ်းနား တဝိုက်ကို ရှောင်လိမ်းပါ။ ပြီးရင် နာရီဝက်လောက်ထားပေးပါ။ ( ၁၀ မိနစ်လောက်ကြာရင် စပ်ဖျင်းဖျင်းဖြစ်လာတာကို ခံစားရပါလိမ့်မယ်) နော်ကဆုံးအနေနဲ့တော့ မျက်နှာကို ရေနွေးနဲ့ သစ်ချပေးရမှာဖြစ်ပြီး မျက်နှာလိမ်းခရင်မ်လိမ်းပေးထားရမှာပါ။ နှစ်ရက်လောက် ဆက်တိုက်လုပ်ပေးလိုက်တာနဲ့ နူးညံ့လာတာကို ခံစားရပါလိမ့်မယ်။
မှတ်ချက် ။ ။ စပ်ဖျင်းဖျင်းလို့ပြောပေမဲ့ စိုးရိမ်စရာမလိုပါဘူးနော်။ နောက် ၅ မိနစ်လောက်ဆိုရင် အဆင်ပြေသွားမှာပါ။
Credit: healthyfoodproteam
