သခွားသီး Detox ရေက ခန္ဓာကိုယ်ထဲက အဆိပ်အတောက်တွေကို ဖယ်ရှားပေးနိုင်တာကြောင့် အခုခေတ်မှာ တော်တော်များများ သောက်သုံးကြပါတယ်။
သခွားသီး Detox ရေက ဗီတာမင် စီ၊ Beta-Carotene၊ Manganese၊ Molybdenum နဲ့ တခြား Antioxidants ဓာတ်တွေ အများကြီးပါဝင်နေပါတယ်။
သခွားသီး ရေကို ဘယ်လိုလုပ်မလဲ။
သခွားသီး၁လုံးလုံးကို သန့်ရှင်းပြီး ပါးပါးလှီးလိုက်ပါ။ ခရားတစ်လုံးထဲမှာ ရေအေးအေးနဲ့ သခွားသီးကိုထည့်ထားပါ။ ရေခဲထပ်ထည့်ပါ။ သခွားသီးတွေအားလုံးကို ရေနဲ့ လုံးဝ ဖုံးအုပ်နေအောင်ထားပါ။ ၁၀ မိနစ်၊ ၁၅ မိနစ်လောက်ထားပြီး သောက်ပါ။ ၂၄ နာရီအတွင်း ရေကုန်သွားရင် ပြန်ဖြည့်ပြီးသောက်လို့ ရပါတယ်။
အသားအရေကို ထိန်းသိမ်းပေး
Antioxidants တွေအများကြီးပါဝင်တာကြောင့် အရေးအကြောင်းတွေ၊ အစက်အပြောက်တွေ၊ အသားအရေ တွဲကျတာတွေကို ဖြစ်စေနိုင်တဲ့ Free Radicals တွေကို ဖယ်ရှားပေးနိုင်ပါတယ်။
ကိုယ်အလေးချိန်ကို လျော့ချပေး
သခွားသီးကို စားထားရင် ဝမ်းဗိုက်ကို အလွယ်တကူပြည့်စေပါတယ်။ ကိုယ်အလေးချိန်လျော့ချတဲ့နေရာမှာ သခွားသီးကို ထည့်စားသင့်ပါတယ်။ ဒါမှ ဝမ်းဗိုက်ကိုပြည့်စေပြီး အစားခဏခဏမစားမိတာကြောင့် ကိုယ်အလေးချိန်ကို လျော့ချပေးပါတယ်။
နှလုံးရောဂါ
သခွားသီးစိမ်ထားတဲ့ ရေကိုသောက်ရင် ခန္ဓာကိုယ်ထဲက ပိုတက်ဆီယမ် အဆင့်ကို မြှင့်တင်ပေးပြီး ကျန်းမာရေးအတွက် ကောင်းမွန်စေပါတယ်။ ပိုတက်ဆီယမ်ဓာတ်က သွေးဖိအားကိုလျော့ချပေးတာကြောင့် နှလုံး ရုတ်တရပ် ရပ်တန့်တာ (Heart Attacks) ၊ လေဖြတ်ရောဂါနဲ့ တခြား နှလုံးရောဂါတွေကို ကာကွယ်ပေးပါတယ်။
အရိုးသိပ်သည်းမှု
အသက်ကြီးလာလို့ အရိုးပွမှာ စိုးရိမ်နေရင် ဒီသခွားသီး ရေကို သောက်လို့ရပါတယ်။ Silica ၊ Manganese တို့ပါဝင်ပါတယ်။ ဒီဓာတ်တွေက အရိုးပွတာကို ကာကွယ်ပေးပြီး သန်မာစေပါတယ်။
ကင်ဆာ
သခွားသီးမှာ Cucurbitacin ဓာတ်ပါဝင်ပြီး အားကောင်းတဲ့ Antioxidant တစ်မျိုးပါ။ ဒီဓာတ်က ဆီးကျိတ်ကင်ဆာနဲ့ တခြား ကင်ဆာတွေ ဖြစ်ပွားနိုင်ချေကို လျော့ချပေးပါတယ်။
