အူမကြီးနဲ့ အူလမ်းကြောင်းထဲက အဆိပ်အတောက်တွေ ဖယ်ရှားနိုင်ဖို့

အူမကြီးနဲ့ အူလမ်းကြောင်းထဲက အဆိပ်အတောက်တွေ ဖယ်ရှားတဲ့နည်းလမ်းက ရောမခေတ်ကတည်းက ခေတ်စားလာတဲ့နည်းလမ်းပါ။

အမေရိကန်ပြည်ထောင်စုမှာတော့ ၁၉ ၂၀ ပြည့်နှစ်ဝန်းကျင်ကနေ စတင်ကျင့်သုံး လာခဲ့ကြပါတယ်။

အူမကြီးနဲ့ အူလမ်းကြောင်းထဲမှာ အစာမကြေတဲ့ အသားတွေနဲ့ တခြား အစားအစာတွေကစုပုံလာတာကြောင့် ခန္ဓာကိုယ်ထဲမှာ အဆိပ်အတောက်တွေ ဖြစ်လာပါတယ်။

အဲ့ဒီအဆိပ်အတောက်တွေများလာရင် ခေါင်းကိုက်၊ ကိုယ်အလေးချိန် မမှန်တာ၊ ပင်ပန်းနွမ်းနယ်တာတွေ ခံစားရလာပါလိမ့်မယ်။

ဒါ့ကြောင့် အူမကြီးနဲ့အူလမ်းကြောင်းက အဆိပ်အတောက်တွေ ဖယ်ရှားဖို့အတွက် ဟင်းသီးဟင်းရွက်နဲ့ အသီးအနှံတွေကို အခြေခံပြီး စားသောက်ဖို့ လိုအပ်ပါတယ်။

သူတို့မှာ ဗီတာမင်ဓာတ်၊ အမျှင်ဓာတ်တွေနဲ့ အာဟာရဓာတ်တွေ ကြွယ်ဝစွာပါဝင်နေပါတယ်။

ပန်းသီးမှာ ချေဖျက်လို့မရတဲ့ အမျှင်ဓာတ်ပါဝင်ပြီး အဲ့ဒီအမျှင်ဓာတ်တွေက ဝမ်းချုပ်တာကို သက်သာပျောက်ကင်းစေပါတယ်။

နောက်ထပ်အကောင်းဆုံး အဆိပ်အတောက်တွေ ဖယ်ရှားပေးနိုင်တဲ့ အစေ့က နှမ်းကြတ်စေ့ (Flax Seeds) ဖြစ်ပြီး သူ့မှာ အမျှင်ဓာတ်တွေနဲ့ အစာအိမ်နဲ့ အူလမ်းကြောင်းကို လှုပ်ရှားခိုင်းစေနိုင်တဲ့ ဓာတ်တွေပါဝင်ပါတယ်။ ဒီနှမ်းကြက်စေ့က အစာကြေလွယ်ပြီး အူမကြီး ကင်ဆာ မဖြစ်အောင်ကူညီပေးနိုင်ပါတယ်။

အူမကြီး ကို သန့်စင်ပေးနိုင်တဲ့ ဆေးနည်း

နှမ်းကြတ်စေ့ (Flax Seeds) လက်ဖက်ရည်ဇွန်း ၁ ဇွန်း

ပန်းသီး ၁လုံး

ရေ ဖန်ခွက် ၁ ခွက်

ပျားရည် လက်ဖက်ရည်ဇွန်း ၁ဇွန်း

ချီယာ စေ့ (Chia Seeds) လက်ဖက်ရည်ဇွန်း ၁ ဇွန်း

ပြုလုပ်နည်း

ချီယာစေ့ (Chia Seeds) ကလွဲပြီး ပါဝင်ပစ္စည်းတွေအားလုံးကို ဖျော်စက်ထဲထည့်ဖျော်ပြီး ကြေညက်အောင် ကြိတ်ပါ။ ပြီးရင် ကြိတ်ထားတဲ့အရည်ကို ဖန်ခွက်ထဲထည့်ပါ။ ချီယာစေ့ (Chia Seeds) ကို ထည့်ပြီး ချီယာစေ့ ပွလာတာကို ၅ မိနစ်လောက်စောင့်ပြီး မွှေပြီး သောက်သုံးနိုင်ပါပြီ။

ဒီဖျော်ရည်ကို သောက်နေချိန်မှာ ရေများများသောက်ပေးဖို့လိုအပ်ပါတယ်။ ဒါမှ ဆီး၊ဝမ်းရွှင်ပြီး ခန္ဓာကိုယ်ထဲက အဆိပ်အတောက်တွေကို ဖယ်ရှားပေးနိုင်မှာပါ။