ကွမ်းယာက ကျန်းမာရေးကို ထိခိုက်စေပေမယ့် ကွမ်းရွက်ချည်းဘဲကတော့ ကျန်းမာရေးကို အကျိုးပြုတဲ့အချက်တွေ အများကြီးရှိပါတယ်။

သွားကျန်းမာရေးအတွက် ကောင်းမွန်

ကွမ်းရွက်က ခံတွင်း ပိုးဝင်တာတွေကို ကာကွယ်ပေးပါတယ်။ သွားတွေကို ခိုင်မာစေပါတယ်။ ဒါပေမယ့် ခဏခဏစားရင်တော့ ကွမ်းရွက်ကထွက်တဲ့ အနှစ်တွေက ခံတွင်းနဲ့ လည်ချောင်းကင်ဆာကို ဖြစ်စေပါတယ်။

အနာကို ကျက်စေ

အနာတွေ ရလာရင် ကွမ်းရွက်ကပ်ပေးပါ။ ကွမ်းရွက်မှာ Antioxidant သတ္တိတွေပါဝင်ပြီး အနာအကျက်မြန်စေတဲ့ ဓာတ်တွေလည်း ပါဝင်ပါတယ်။

ချောင်းဆိုးတာကို လျော့ချပေး

ကွမ်းရွက်က ချောင်းဆိုးတာကို သက်သာ ပျောက်ကင်းစေပါတယ်။ ကွမ်းရွက်ကို မုန်ညှင်းဆီမှာ စိမ်ပြီး အဆုတ်နား ရင်ဘတ်ပေါ်မှာ ကပ်ပေးရင် ချွဲထတာတွေကို သက်သာစေပါတယ်။