မုန်လာဥနီဖျော်ရည်သည် ကင်ဆာရောဂါကို ကာကွယ်နိုင်သလား။

အရောင်တောက်သည့် လိမ္မော်ရောင်ရှိသည့် မုန်လာဥနီမှာ အာဟာရဓာတ်တွေအများကြီးပါဝင်တာ သင်သိပါသလား။

မုန်လာဥနီတွေကို အစိမ်းလည်းစားလို့ရသလို၊ ဖျော်ရည်ဖျော်သောက်တာ သို့ ကြော်စားလည်း ရပါတယ်။

သတ္တုဓာတ်၊ Antioxidants ၊ အမျှင်ဓာတ်တွေနဲ့ ဗီတာမင်ဓာတ်တွေလည်း ကြွယ်ဝစွာပါဝင်တာကြောင့် ကျန်းမာရေး၊ အရေပြားနှင့် ဆံသားကိုလည်း ကောင်းမွန်စေပါတယ်။

သုတေသနများအရ မုန်လာဥနီမှာ Antioxidants ဓာတ်တွေအများကြီးပါဝင်တာကြောင့် နှလုံးရောဂါနှင့် ကင်ဆာရောဂါဖြစ်ပွားမှုနှုန်းကို ကျဆင်းစေပါတယ်။

အဆုတ်ကင်ဆာ

ဆေးလိပ်သောက်တတ်သူတွေဟာ တစ်ပတ်ကို တစ်ခါလောက် မုန်လာဥနီ၁လုံး ကြီးကြီးကို စားသုံးပေးလျှင် မစားသုံးသူတွေထက် အဆုတ်ကင်ဆာဖြစ်ပွားနိုင်ချေ ၃၃ ရာခိုင်နှုန်းလျော့ကျစေပါတယ်။

အူမကြီး ကင်ဆာ

Beta-Carotene ဓာတ်ကြွယ်ဝသည့် မုန်လာဥနီကိုပုံမှန်စားပေးရင် အူမကြီး ကင်ဆာဖြစ်ပွားနိုင်ချေကို လျော့ကျစေပါတယ်။

သွေးကင်ဆာ

၂၀၁၁ ခုနှစ်မှာ ပြုလုပ်ခဲ့တဲ့ သုတေသနအရ မုန်လာဥနီဖျော်ရည်ဟာ ကင်ဆာဆဲလ်တွေကို ဖယ်ရှားပေးပြီး သွေးကင်ဆာကို အဓိက ကာကွယ်ပေးပါတယ်။

ဆီးကျိတ်ကင်ဆာ

ဟားဗတ် တက္ကသိုလ်၊ ပြည်သူ့ကျန်းမာရေးဌာနက ပြုလုပ်ခဲ့တဲ့ သုတေသနများအရ Beta-Carotene ဓာတ်ကြွယ်ဝသည့် အမျိုးသားတွေမှာ ဆီးကျိတ်ကင်ဆာ ဖြစ်ပွားနိုင်ချေနည်းပါးတာကို တွေ့ခဲ့ရပါတယ်။