အိမ်တိုင်းမှာ အလွယ်တကူ စားသုံးဖို့ အဆင်ပြေစေမယ့် ကြက်ဥ၊ ဘဲဥတွေကို ဆောင်ထားတတ်ပါတယ်။ ဟင်းအဖြစ် အလွယ်တကူ ချက်ပြုတ်လို့ ရသလို အခြား အလှအပ၊ ကျန်းမာရေး၊ Diet Plan တို့အတွက် အစရှိသဖြင့် ရည်ရွယ်ချက် မျိုးစုံနဲ့ ကြက်ဥ၊ ဘဲဥတွေမှာ အိမ်တိုင်းနီးပါး ရှိနေခဲ့ပါတယ်။ ကြက်ဥ အတုတွေ ပေါ်တယ်ဆိုပြီး သတင်းတွေ ထွက်ခဲ့တုန်းက အတော်လေး စိတ်သောကတွေ ရောက်ရပါတယ်။
ကြက်ဥ၊ ဘဲဥတွေကို အလွယ်တကူ စားနေကြပေမယ့် အာဟာရ ပါဝင်မှုနဲ့ အကျိုးပေးပုံတွေကိုတော့ အမှတ်တမဲ့ မေ့နေတတ်ပါတယ်။ ကြက်ဥနဲ့ဘဲဥမှာ ဗီတာမင်ဓာတ်၊ သတ္တုဓာတ်နဲ့ အင်တီအောက်ဆီးဒင့်တွေ များစွာ ပါဝင်ပါတယ်။
ကြက်ဥ၊ဘဲဥ အနှစ်တွေမှာ ဗီတာမင် ဘီကိုလင်းဓာတ် ပါဝင်တဲ့ အတွက် ဦးနှောက်ရဲ့ လုပ်ဆောင်ချက်တွေကို ကောင်းမွန်စေနိုင်ပါတယ်။
ကိုလင်းဓာတ်ဟာ ကိုယ်ဝန်ဆောင် မိခင်တွေမှာ မရှိမဖြစ် အရေးပါတဲ့ အတွက် ကြက်ဥ၊ ဘဲဥ စားပေးရတာပါ။ ကလေးရဲ့ ဦးနှောက်ဖွံ့ဖြိုးမှုအတွက် အရေးပါတဲ့ အတွက်ပါ။
ကြက်ဥ၊ ဘဲဥ စားခြင်းဟာ အဆာပြေလွယ်ပြီး တော်ရုံလည်း ပြန်မဆာတော့ပါဘူး။ ဒါကြောင့် ကိုယ်အလေးချိန် လျှော့ချလိုသူတွေ အတွက် အရေးပါပါတယ်။
ရင်သားကင်ဆာနဲ့ ဆက်နွယ်ပြီး တွေ့ရှိချက်တစ်ခုကတော့ တစ်ပတ်မှာ ကြက်ဥ၊ ဘဲဥ နှစ်လုံး အနည်းဆုံး စားခြင်းခြင်းဖြင့် ရင်သားကင်ဆာကို ကာကွယ်နိုင်ပါတယ်။
တစ်ပတ်မှာ တစ်လုံး စားပေးရင်တော့ နှလုံးကျန်းမာရေးကို ကောင်းမွန်စေပြီး လေဖြတ်လေဖြန်းခြင်းတို့ကို ကာကွယ်ပြီးသား ဖြစ်စေမှာပါ။
ပရိုတင်းဓာတ်တွေ ပါဝင်တဲ့အတွက် မျက်စိကျန်းမာရေးကို ကောင်းမွန်စေနိုင်ပြီး အသားအရေကိုလည်း ကျန်းမာစေနိုင်ပါတယ်။
လူတင်းနှင့် ဇီယာဇီသင်းခေါ် အင်တီအောက်ဆင့်ဒင့်တွေပါလို့ မျက်စိရောဂါများဖြစ်တဲ့ အတွင်းတိမ်နှင့် အသက်ကြီးလာလို့ဖြစ်တတ်တဲ့ မြင်လွှာနဲ့ဆိုင်တဲ့ရောဂါတွေကိုပါ ကာကွယ်ပေးနိုင်စွမ်းရှိပါတယ်။ ဒါကြောင့် တစ်ပတ်မှာ အနည်းဆုံး ကြက်ဥ သို့မဟုတ် ဘဲဥကို တစ်လုံးလောက်တော့ ပုံမှန် စားပေးသင့်ပါတယ်။
Featured Image Source: kbc.co.ke
