သိသင့်တဲ့ ဗီတာမင်ဓာတ်အမျိုးမျိုးရဲ့ အကြောင်းများ

ဗီတာမင်ဓာတ်တွေက ခန္ဓာကိုယ်ကျန်းမာရေးအတွက် ကောင်းမွန်တယ်လို့အကြမ်းဖျင်းသိထားကြပါတယ်။ ဒါပေမယ့်ဘယ်အစားအစာတွေမှာ ဘယ်လို ဗီတာမင်ဓာတ်တွေပါဝင်လဲဆိုတာ ရောထွေးနေတတ်ကြပါတယ်။

ဗီတာမင် A

ဗီတာမင် A က အသားအရေတွေ နုပျိုစေပြီး၊ ဆံသားကျန်းမာရေး၊ လက်သည်းကျန်းမာရေး၊ အမြင်အာရုံကို ကောင်းစေပြီး အရိုးတွေကို သန်မာစေပါတယ်။

ဗီတာမင် A ကို မုန်လာဥနီ၊ သံပုရာသီး၊ ချီစ်၊ နွားနို့၊ ကြက်ဥ၊ ငါး၊ နံနံပင်၊ Spinach နဲ့ အသည်းတွေမှာ ပါဝင်ပါတယ်။

ပျက်စီး

ဗီတာမင် A ပါဝင်တဲ့ အစားအစာတွေကို မီးပြင်းပြင်းနဲ့ချက်တာ၊ ကြာရှည်သိုလှောင်တာတို့လုပ်ရင် ဗီတာမင် A ဓာတ်တွေပျက်စီးတတ်ပါတယ်။

နေ့စဉ် ဗီတာမင် A ဓာတ် 0.4 -1 mg လိုအပ်ပါတယ်။

ဗီတာမင် B1

ဗီတာမင် B1 က ဦးနှောက် ကျန်းမာဖို့၊ ကောင်းမွန်စွာ အစာခြေနိုင်ဖို့၊ ကျန်းမာတဲ့ ကြွက်သားတွေရရှိဖို့၊ နှလုံးကျန်းမာရေးနဲ့ကောင်းမွန်စွာ အိပ်စက်နိုင်ဖို့အရေးကြီးပါတယ်။

ဝက်သား၊ အခွံမာအသီး၊ အုတ်ဂျုံ စသည်တို့မှာ ဗီတာမင် B1 ကြွယ်ဝစွာပါဝင်ပါတယ်။

ပျက်စီး

ကြာရှည်သိုလှောင်ထားရင်၊ ဟင်းချက်တဲ့နေရာမှာ ဆားထည့်ထားရင် နဲ့ ကော်ဖီသောက်ရင်း ထမင်းစားရင် ဗီတာမင် B1 ကို ပျက်စီးစေပါတယ်။

ဗီတာမင် B1 1.3-2.6 mg ကြားလိုအပ်ပါတယ်။ ဝက်သား Steak တစ်တုံးစားရင် ဒီ ပမာဏကို ရရှိပါတယ်။

ဗီတာမင် B2

ဆဲလ်တွေကို ပြန်လည် သန်စွမ်းစေပြီး၊ အမြင်အာရုံအတွက်ကောင်းစေကာ ကြွက်သားတွေ ကျန်းမာစေပါတယ်။

နွားနို့၊ Almonds စေ့၊ ကြက်ဥ၊ မှို၊ ချီစ်နဲ့အသားတွေမှာ ဗီတာမင် B2 ကြွယ်ဝစွာပါဝင်ပါတယ်။

ပျက်စီး

အလင်းဓာတ်ပြင်းပြင်းနဲ့ ကြာရှည်ထိရင် ဗီတာမင် B2 ပျက်စီးတတ်ပါတယ်။

ဗီတာမင် B2 ကိုနေ့စဉ် 1.3-3mg ကြားလိုအပ်ပါတယ်။ ဒီပမာဏကို ရရှိဖို့ ကြက်ဥ ၂လုံးဘဲ စားဖို့လိုအပ်ပါတယ်။

ဗီတာမင် B5

ဗီတာမင် B5 က မှတ်ဉာဏ်တွေကောင်းစေပြီး၊ စိတ်ကိုပျော်ရွှင်စေပါတယ်။ နလန်ထမြန်ပြီး နှလုံးကျန်းမာရေးအတွက်လည်း ကောင်းပါတယ်။

အသားအမျိုးမျိုး၊ ကြက်သား၊ ကြက်ဥအနှစ်၊ နို့ထွက်ပစ္စည်း၊ အခွံမာအသီး၊ အုတ်ဂျုံ၊ ဆန် နဲ့ပန်းဂေါ်ဖီစိမ်းတို့မှာ တွေ့ရှိရပါတယ်။

ပျက်စီး

ရေခဲသေတ္တာထဲမှာ ခဲလိုက်၊ အပြင်ထုတ်လိုက်၊ ပြန်ခဲလိုက်ဆိုရင် ဗီတာမင် B5 တွေပျက်စီးနိုင်ပါတယ်။ တစ်နေ့ကို ဗီတာမင် B5 5mg လိုအပ်ပြီး ဝက်အသည်း၁၀၀ ဂရမ်စားတာနဲ့ညီမျှပါတယ်။

ဗီတာမင် B6