ဂျင်းက ဇီဝကမ္မဖြစ်စဉ်ကို ၂၀ ရာခိုင်နှုန်းလောက် ပိုမြန်စေတဲ့ ဓာတ်တွေ ရှိပါတယ်။ ဇီဝကမ္မဖြစ်စဉ်ပိုမြန်လေလေ ကယ်လိုရီလောင်ကျွမ်းအားတွေလည်း ပိုကောင်းလေဖြစ်ပါတယ်။
ဒါ့ကြောင့် နေ့စဉ် ဂျင်းအနည်းငယ်စားပေးရုံနဲ့ အဝလွန်ရောဂါကို ကာကွယ်ပေးပြီး ကိုယ်အလေးချိန်ကို ကျဆင်းစေပါတယ်။
ဂျင်းမှာ Antioxidant တွေနဲ့ အူလမ်းကြောင်း ကျန်းမာရေးကို ကောင်းစေတဲ့ ဓာတ်တွေအများကြီးပါဝင်နေပါတယ်။
နေ့စဉ် ဂျင်း လက်မ ဝက်လောက်ကို ဟင်းလျာချက်ပြုတ်ရာမှာ သို့ ဖျော်ရည်ဖျော်ရာမှာ အသုံးပြုနိုင်ပါတယ်။
ဂျင်း ရေနွေးကြမ်းနဲ့ ကိုယ်အလေးချိန် ချရအောင်
ပါဝင်ပစ္စည်းများ
ဂျင်း လက်မဝက်
ပျားရည် လက်ဖက်ရည်ဇွန်း ၁ ဇွန်း
ရေ ဖန်ခွက် ၁ ခွက်စာ
ပြုလုပ်နည်း
ရေ ဖန်ခွက် ၁ ခွက်စာကို မီးဖိုပေါ်မှာ ပွက်ပွက် ဆူအောင် တည်လိုက်ပါ။
ဂျင်းကို ထောင်းပြီးတော့ ပွက်ပွက်ဆူနေတဲ့ ရေထဲကို ထည့်ပါ။
၂ မိနစ်လောက် ထားပါ။
မီးဖိုပေါ်ကနေ ချပါ။ ပျားရည်ထည့်ပါ။
သေချာမွှေပြီး နွေးနွေးလေး သောက်ပါ။
သတိထားရမယ့်အချက်
ဂျင်းကို အများကြီးမထည့်ပါနဲ့။ ဂျင်းများသွားရင် အော့အန်တာ၊ အစာအိမ် ဂက်စ်ထတာတို့ဖြစ်တတ်ပါတယ်။ နေ့စဉ် တစ်နေ့တစ်ခွက်ပုံမှန် သောက်ပေးပါ။
အကျိုးကျေးဇူး
ဂျင်းက အူလမ်းကြောင်း ကျန်းမာရေးအတွက် ကောင်းပြီး အစာအိမ်ဟောင်းထဲက အဆိပ်အတောက်တွေကို ဖယ်ရှားပေးပြီး အဆီတွေကို ဖြိုခွဲအားကောင်းစေပါတယ်။
ပျားရည်နည်းနည်းထည့်တာဟ အရသာ ပိုကောင်းစေပြီး ကိုယ်ခံအားနစ်ကို တက်စေပါတယ်။
