ပဲပင်ပေါက်ကို အိမ်မှာ ဘယ်လိုဖောက်မလဲ။

ပဲပင်ပေါက်စိုက်တဲ့ နည်းက လွယ်ကူပြီး ဈေးလည်း သက်သာပါတယ်။ အိမ်မှာပဲ စားပင်လေးတွေ ကိုယ်တိုင်စိုက်ပျိုးတာကိုကြိုက်နှစ်သက်သူတို့ စမ်းကြည့်သင့်တဲ့နည်းလမ်းပါ။

ပဲပင်ပေါက်

ပဲပင်ပေါက်ဆိုတာ ပဲစေ့ကနေ အတက်ပေါက်လာတာပါဘဲ။ ပဲစေ့တွေ အစိုပြန်လာရင် တဖြည်းဖြည်းနဲ့ အတက်ပေါက်လာပြီး အပင်အသေးလေးတွေဖြစ်လာပါတယ်။

လိုအပ်သည့် ပစ္စည်းများ

ဇရားအရွယ်ရှိတဲ့ ဖန်ပုလင်းတစ်လုံး
ဇကာ တစ်ခု
ဇကာကိုထည့်ပြီး အုပ်လို့ရတဲ့အဖုံး။ (Wide-Mouth Canning Ring)

ဒီလိုအဖုံးမျိုးမရှိလည်း ကိစ္စမရှိပါဘူး။ အဖုံးကို အပေါက်သေးသေးလေးတွေ၊ အစေ့ထွက်မကျတဲ့ အရွယ်လောက်ဖောက်လိုက်ပါ။

ပဲတီစေ့ ကြီးကြီးနဲ့ ကောင်းကောင်း သန့်သန့်လေးတွေရွေးဝယ်လိုက်ပါ။ ရေထဲစိမ်ကြည့်လိုက်ရင် ရေအောက်မြှပ်နေတဲ့ အစေ့တွေကိုဘဲယူပါ။

အစေ့တွေကို ရေစိမ်ထားပါ

နေ့လည်လောက်မှာ ပဲတီစေ့ စားပွဲတင်ဇွန်း ၃ဇွန်းကို အချိန် ၈ နာရီလောက်စိမ်ထားပါ။ နေတိုက်ရိုက်မထိတဲ့ ခြောက်သွေ့ပြီး အေးမြတဲ့နေရာမှာ စိမ်ထားပါ။

အကယ်၍ ညဘက်မှာ လုပ်မယ်ဆိုရင် အစေ့တွေကို စားပွဲတင်ဇွန်း ၃ ဇွန်းလောက်ယူလိုက်ပြီး ပုလင်းထဲထည့်ပါ။ ရေ ၂ခွက်လောက် လောင်းထည့်လိုက်ပါ။ ဇကာနဲ့ အဖုံးနဲ့ အုပ်လိုက်ပါ။ အစေ့တွေအားလုံးကို အောက်ရောက်သွားအောင် ပုလင်းကိုလှုပ်လိုက်ပါ။ ပြီးရင် ရေတွေကို ဇကာကနေတစ်ဆင့်ပြန်သွန်လိုက်ပါ။

နောက်ထပ် ခွက် ၂ခွက်၊ ၃ခွက်လောက် ထည့်ပြီး ထောင်ကာ မနက်အထိထားပါ။

အစေ့တွေကို ရေစစ်ပြီး ဆေးပါ