လေ့ကျင့်ခန်းလုပ်ပြီး ကယ်လိုရီတွေ လောင်ကျွမ်းဖို့ကိုဘဲ အာရုံစိုက်မိကြပြီး ခန္ဓာကိုယ်ထဲက အလိုအလျောက် ကယ်လိုရီလောင်ကျွမ်းပေးမှုတွေကိုတော့ အာရုံစိုက်ဖို့ မေ့နေတတ်ကြပါတယ်။
ဘယ်လို အလေ့အကျင့်တွေက ကယ်လိုရီလောင်ကျွမ်းမှုကို လျော့စေလဲဆိုတာသိရှိရင်တောင် သင့်အတွက် အကျိုးရှိပါတယ်။
ခန္ဓာကိုယ်ထဲက ဆဲလ်သေးသေးလေးတွေကတောင် ဇီဝကမ္မဖြစ်စဉ်မှာ အဓိက အခန်းကဏ္ဍကနေပါဝင်နေပါတယ်။
ဇီဝကမ္မဖြစ်စဉ်မြန်လေလေ၊ ကယ်လိုရီ ပိုပြီး လောင်ကျွမ်းလေဖြစ်ပါတယ်။
အစားပုံမှန် မစားခြင်း
လေ့လာမှုတွေအရ အစားကို ပုံမှန်စားချိန်မှာ မစားရင် ကိုယ်အလေးချိန်မြင့်တက်စေပါတယ်။ ခန္ဓာကိုယ်က ဘယ်အချိန်မှာ အစားအစာကို ရနိုင်မလဲ မသိတဲ့အတွက် ခန္ဓာကိုယ်ရဲ့ လုပ်ဆောင်ချက်တွေကို နှေးလိုက်ပါတယ်။ ဇီဝကမ္မဖြစ်စဉ်တွေ နှေးသွားပြီး ကိုယ်အလေးချိန်တက်စေပါတယ်။
ဒါ့ကြောင့် အချိန်ဇယားတစ်ခုလုပ်ထားပြီး အစားကို ပုံမှန် စားသုံးပေးပါ။
အိပ်ချိန်နည်းခြင်း
အိပ်ချိန် ပုံမှန်မရှိရင်၊ အိပ်ချိန်နည်းရင် အားမရှိသလို ခံစားရမှာပါ။ အားအင်မလုံလောက်ဘူးဆိုတာ ကယ်လိုရီအသုံးပြုမှုနည်းသွားတယ်လို့ဆိုလိုလို့ရပါတယ်။ ဒါ့ကြောင့် ကယ်လိုရီ လောင်ကျွမ်းမှုကိုလျော့ကျစေပြီး ကိုယ်အလေးချိန်တက်စေပါတယ်။
အိပ်ရေးပုံမှန်ဖြစ်အောင် အိပ်ပေးပါ။
ကယ်လိုရီလုံလောက်စွာ မစားခြင်း
ရုတ်တရပ် ကယ်လိုရီ စားသုံးမှု လျော့ချလိုက်ရင် သင့်ခန္ဓာကိုယ်က ချက်ခြင်း ဇီဝကမ္မဖြစ်စဉ်တွေကို လျော့ချလိုက်ပြီး တတ်နိုင်သမျှ အားအင်ကို ချွေတာလိုက်ပါတယ်။
ဒါ့ကြောင့် သင်ထင်ထားသလောက် ကယ်လိုရီတွေ မလောင်ကျွမ်းတော့ဘဲ ကိုယ်အလေးချိန်လည်း အများကြီး မကျပါဘူး။
ဒါ့ကြောင့် အာဟာရပညာရှင်တွေက ကယ်လိုရီ ၂၀၀ လောက်ဘဲ လျော့ချဖို့ အကြံပေးကြပါတယ်။
အချိန်အကြာကြီးထိုင်နေခြင်း
အများအားဖြင့်ထိုင်ပြီး ကွန်ပျုတာနဲ့ဘဲအလုပ်လုပ်နေမယ်ဆိုရင် ဇီဝကမ္မဖြစ်စဉ်ကို ထိခိုက်စေပါတယ်။ မိနစ် ၃၀ တစ်ခါလောက်လှုပ်ရှားတာ၊ လမ်းလျှောက်တာတို့ လုပ်ပေးသင့်ပါတယ်။
ကယ်ဆီယမ် လုံလောက်စွာ မစားခြင်း
ဇီဝကမ္မဖြစ်စဉ်နဲ့ ပတ်သက်လာရင် ကယ်ဆီယမ်လုံလောက်မှုကလည်း အရေးကြီးပါတယ်။ သင်က နွားနို့လည်း မသောက်ဖြစ်ဘူးဆိုရင် ကယ်ဆီယမ်ပါဝင်မှုများတဲ့ အစားအစာတွေကို စားပေးသင့်ပါတယ်။
ရေဓာတ်ခမ်းခြောက်ခြင်း
ခန္ဓာကိုယ်မှာ ရေဓာတ်ခမ်းခြောက်ရင် ခန္ဓာကိုယ်ရဲ့ လုပ်ငန်းစဉ်တွေကို အနှောက်အယှက်ဖြစ်စေပါတယ်။ ရေ ၁၇ အောင်စကို သောက်ရင် ဇီဝကမ္မဖြစ်စဉ် ၃၀ ရာခိုင်နှုန်းမြင့်တက်စေပါတယ်။
Photos Credit: Brightside
