ဖရုံသီးက ကျန်းမာရေးအတွက် အကျိုးကျေးဇူးများတဲ့ အသီးဖြစ်ပေမယ့် လူစားသုံးမှုတော့ နည်းကြပါတယ်။ တချို့ကလည်း သူ့ရဲ့ ချိုအီတဲ့ အရသာကို မကြိုက်ကြပါဘူး။
ဘာကြောင့် ဖရုံသီးကို စားသင့်သလဲ
ဗီတာမင် E, C, Beta-Carotene ဓာတ်နဲ့ ဆဲလ်တွေကို ကာကွယ်ပေးနိုင်တဲ့ Antioxidants ဓာတ် တွေ ကြွယ်ဝစွာပါဝင်ပါတယ်။ ဒီဗီတာမင်ဓာတ်တွေနဲ့သတ္တုဓာတ်တွေက လေဖြတ်၊ နှလုံးရောဂါ၊ မျက်စိအတွင်းတိမ်စွဲတာနဲ့ကင်ဆာရောဂါတို့ကို ကာကွယ်ပေးပါတယ်။
ကယ်လိုရီပါဝင်မှုနည်းပြီး သတ္တုဓာတ်ပါဝင်မှုများ
ဖရုံသီး 100g မှာ ၂၈ ကယ်လိုရီ ဘဲပါဝင်တဲ့အပြင် သွားနဲ့အရိုး ကျန်းမာရေးအတွက်ကောင်းမွန်တဲ့ ကယ်ဆီယမ်၊ Phosphorus ဓာတ်တွေပါဝင်ပါတယ်။
နှလုံးရောဂါကိုကာကွယ်ပေးနိုင်တဲ့ ပိုတက်ဆီယမ်ဓာတ်တွေပါဝင်တဲ့အပြင် သွေးအတွက်ကောင်းတဲ့ သံဓာတ် နဲ့ မျက်လုံးနဲ့ အရေပြားကျန်းမာရေးအတွက်ကောင်းမွန်တဲ့ မဂ္ဂနီဆီယမ်ဓာတ်တွေပါဝင်ပါတယ်။
အရေပြား ပြဿနာတွေကိုလည်း ပျောက်ကင်းစေနိုင်
အရေပြား ကျန်းမာရေးအတွက် ဖရုံသီးကို ထောင်းပြီး မျက်နှာပေါ်မှာ ၁၀ မိနစ်လောက်ကပ်ပြီး ရေဆေးချပေးပါ။ မျက်နှာပေါ်က အညစ်အကြေးတွေ ၊ မိတ်ကပ်တွေကို စင်ကြယ်အောင် ဖယ်ရှားပေးနိုင်ပြီး အရေးအကြောင်းတွေကို ကာကွယ်ပေးပါတယ်။
အဲ့ဒီအပြင် ဆားဝက်ခြံထွက်တာနဲ့ဝက်ခြံ ထွက်တာတွေကိုလည်း သက်သာ ပျောက်ကင်းစေပါတယ်။
အိပ်ရေး၀၀နဲ့အိပ်ပျော်နိုင်
ဖရုံသီးမှာ ဗီတာမင် B ဓာတ်တွေ ကြွယ်ဝစွာပါဝင်တာကြောင့် ဗရုံသီးကို အစိမ်းစားစား၊ ဖုတ်စားစား၊ ကြော်စားစား ၊ ဟင်းချက် စားစား စားသုံးရင် ညကို အိပ်ရေး ၀၀နဲ့အိပ်ပျော်စေနိုင်ပါတယ်။ အဲ့ဒီအပြင် အစာခြေစနစ်ကို ကောင်းစေတဲ့ အမျှင်ဓာတ်၊ Pectins ဓာတ်နဲ့ တခြား အာဟာရဓာတ်တွေလည်း အများကြီးပါဝင်ပါတယ်။
