ကိုယ် စားချင်တဲ့အစားအစာတွေ အကုန်လုံးကို အားရပါးရစားပြီးမှ ထိန်းမနိုင်သိမ်းမရ ဝိတ်တွေ တရစပ်တက်လာလို့ စိတ်ညစ်နေပြီလား။ ဝိတ်တက်လာတာကို သတိထားမိလာမှ ဝိတ်လျော့ဖို့ဆိုပြီး အစားအစာတွေရှောင်ကြ Gym တွေ ပြေးကြနဲ့ တော်တော်လေး ပင်ပန်းလှပါတယ်။ မပင်မပန်းဘဲနဲ့ အာဟာရပြည့်ဝတဲ့ အစားအစာတွေလည်း စားသောက်လို့ရအောင် ဘယ်လိုဝိတ်လျော့ရမလဲ။

အခုဖော်ပြပေးမယ့် ၇ ရက်အတွင်း ဝိတ်ချဖို့အတွက် စားသုံးနည်းလေးကို စမ်းသပ်ကြည့်လိုက်ပါ။ တစ်ပတ်အတွင်း ၁၅ ပေါင်ကနေ ၁၇ ပေါင်ခန့် ဝိတ်ကျသွားမှာပဲဖြစ်ပါတယ်။

ပထမ တစ်ရက်

မနက် ၈ နာရီထိုးတဲ့အခါ မနက်စာအဖြစ် ပန်းသီးတစ်လုံး၊ ဘယ်ရီသီးအနည်းငယ်နဲ့ ရေတစ်ဖန်ခွက်သောက်လိုက်ပါ။ ၁၀ နာရီခွဲသွားတဲ့အခါ ရေ တစ်ဖန်ခွက်နဲ့ သခွားမွှေးအနည်းငယ် စားသုံးပေးလိုက်ပါ။ နေ့လည် ၁၂ နာရီခွဲမှာ ဖရဲသီး ပန်းကန်လုံးတစ်လုံးစာခန့် စားသုံးပါ။ ညနေ ၄ နာရီမှာ လိမ္မော်သီးတစ်လုံးနဲ့ ရေတစ်ဖန်ခွက်သောက်ပါ။ ညနေ ၆ နာရီခွဲမှာ ဘယ်ရီသီးအနည်းငယ်၊ သခွားမွှေးအနည်းငယ်နဲ့ ရေတစ်ဖန်ခွက်သောက်ပေးရပါမယ်။ ည ၈ နာရီခွဲမှာတော့ ဖရဲသီး ပန်းကန်လုံးတစ်ဝက်စာခန့် စားပေးလိုက်ပါ။

ဒုတိယရက်

မနက် ၈ နာရီ – အာလူးပြုတ်အနည်းငယ်

မနက် ၁၀ နာရီခွဲ – သခွားသီး ပန်းကန်လုံး တစ်ဝက်စာ

နေ့လည် ၁၂ နာရီခွဲ – ဆီနည်းနည်းဖြင့် ကြော်ထားသော ဆလပ်ရွက်၊ ငရုတ်ပွ၊ ဟင်းနုနွယ်နှင့် ကညွှတ်ကြော်

ညနေ ၄ နာရီ – မုန်လာဥနီဖျော်ရည် တစ်ခွက်

၆ နာရီခွဲ – ပန်းဂေါ်ဖီစိမ်းသုပ်

၈ နာရီခွဲ – သခွားသီး တစ်လုံး

တတိယနေ့

နံနက် ၈ နာရီ – သခွားမွှေးအနည်းငယ်နှင့် ရေ ၂ ဖန်ခွက်

၁၀ နာရီခွဲ – နာနတ်သီး (သို့) သစ်တော်သီးနှင့် ရေ ၂ ဖန်ခွက်

နေ့လည် ၁၂ နာရီခွဲ – သခွားသီး၊ မုန်လာဥနီနှင့် ဆလပ်ရွက်သုပ် တစ်ပွဲနှင့် ရေ ၂ ဖန်ခွက်

ညနေ ၄ နာရီ – လိမ္မော်သီးတစ်လုံး၊ သခွားမွှေး အနည်းငယ်နှင့် ရေ ၁ ဖန်ခွက်

၆ နာရီခွဲ – ပန်းဂေါ်ဖီစိမ်း၊ ဟင်းနုနွယ်နှင့် သကြားမုန်လာသုပ်တစ်ပွဲ၊ ရေ ၂ ဖန်ခွက်

ည ၈ နာရီခွဲ – သစ်တော်သီးတစ်လုံးနှင့် ရေ ၁ ဖန်ခွက်

စတုတ္ထနေ့

နံနက် ၈ နာရီ – ငှက်ပျောသီး ၂ လုံးနှင့် နွားနို့တစ်ဖန်ခွက်

၁၀ နာရီခွဲ – ငှက်ပျောသီး ၁ လုံးနှင့် ရေ တစ်ဖန်ခွက်

၁၂ နာရီခွဲ – ငှက်ပျောသီး ၂ လုံး၊ နွားနို့ တစ်ဖန်ခွက်နှင့် ကိုကိုးမှုန့်အနည်းငယ်တို့ကို ရောနှောပြီး Milkshake ဖျော်သောက်ပါ

၄ နာရီ – ငှက်ပျောသီး ၂ လုံး

၆ နာရီခွဲ – ငှက်ပျောသီးတစ်လုံးနှင့် နွားနို့ တစ်ဖန်ခွက်

ည ၈ နာရီခွဲ – နွားနို့တစ်ဖန်ခွက်

ပဉ္စမနေ့

နံနက် ၉  နာရီ – ခရမ်းချဉ်သီး ၃ လုံး

နေ့လည် ၁၂ နာရီခွဲ – ဆန်လုံးညို၊ ၃ အောင်စခန့်ရှိသော ငါးအသားလွှာ (သို့) ဟင်းရွက်ကြော်တစ်ပွဲ

ညနေ ၄ နာရီ – ခရမ်းချဉ်သီး ၂ လုံး

၆ နာရီခွဲ – ဆန်လုံးညို တစ်ပန်းကန်၊ ခရမ်းချဉ်သီး တစ်လုံးနှင့် ဟင်းရွက်ကြော် တစ်ပွဲ

ဆဌမနေ့

နံနက် ၉  နာရီ – မုန်လာဥနီဖျော်ရည်

၁၂ နာရီ – ဆန်လုံးညို တစ်ယောက်စာရဲ့ တစ်ဝက်၊ ဟင်းရွက်ကြော် ပန်းကန်လုံးတစ်ဝက်၊ တို့ဖူး (သို့) ငါးအသားလွှာ

မွန်းလွဲ ၃ နာရီခွဲ – သခွားသီးအနည်းငယ်

ညနေ ၆ နာရီခွဲ – ဆန်လုံးညို ပန်းကန်လုံးတစ်ဝက်၊ ဟင်းရွက်ကြော် ပန်းကန်လုံးတစ်ဝက်နှင့် ကြက်သားအနည်းငယ်

သတ္တမနေ့

နံနက် ၉ နာရီ – လိမ္မော်ရည် (သို့) ပန်းသီးဖျော်ရည် တစ်ခွက်

နေ့လည် ၁၂ နာရီ – ဆန်လုံးညို ပန်းကန်လုံးတစ်ဝက်နှင့် ဟင်းရွက်ကြော်တစ်ဝက်

မွန်းလွဲ ၃ နာရီခွဲ – ဖရဲသီး (သို့) ဘယ်ရီသီးများ ပန်းကန်လုံးတစ်လုံးစာ

ညနေ ၆ နာရီခွဲ – မိမိနှစ်သက်ရာ စွပ်ပြုတ်တစ်မျိုးမျိုး

Source: Stylecraze.com