မိုးရာသီဟာ စိုထိုင်းလှတဲ့ အတွက် ခြင်တွေ ပေါက်ဖွားလို့ အကောင်းဆုံး ရာသီပါ။ ကလေး၊ လူကြီး မရွေး ဖြစ်တတ်တဲ့ ငှက်ဖျား၊ တုပ်ကွေးရောဂါတွေဟာ ခြင်ကနေ တဆင့် ကူးစက်တာကြောင့် မိုးတွင်းဟာ ခြင်အန္တရာယ် ဂရုစိုက်ရမယ့် လပါ။ ခြင်ကိုက်သွားတဲ့အခါမှာလည်း အချိန်အတော်ကြာ ယားယံပြီး အဖုအပိန့်လေးတွေ ထွက်လာတဲ့ အခါ ကုတ်ဖဲ့ကြရင်း အမာရွတ်တွေ ဖြစ်ပြီး အလှတွေ လျှော့ရပြန်ပါတယ်။
အိမ်မှာပဲ အလွယ်တကူ ရှိတဲ့ အစားအစာတွေနဲ့ ခြင်ကိုက်နာတွေကို သက်သာအောင် ပြုလုပ်လို့ ရပါတယ်။ မခက်ခဲတဲ့ နည်းလမ်းကောင်းလေးတွေကို မျှစေပါရစေ။
၁။ လက်ဖက်စိမ်း အထုပ်လေးတွေကို ရေခဲသေတ္တာထဲ ခဏထည့်ထားပါ။ အေးလာရင် ခြင်ကိုက်ဖုတွေပေါ် ခဏတင်ထားလိုက်ပါ။ အအေးက အယားသက်သာစေပြီး လက်ဖက်စိမ်းကတော့ အမာရွတ်မဖြစ်အောင် ကာကွယ်ပေးပါလိမ့်မယ်။
၂။ ပျားရည် တစ်စက်လောက်ကို အကိုက်ခံရတဲ့ နေရာပေါ် ခပ်ပါးပါး လိမ်းပေးထားပါ။ အယားသက်သာပြီး အရေပြားကို မထိခိုက်စေဘဲသက်သာသွားပါမယ်။
၃။ အိမ်သုံးဆားကို နည်းနည်းယူပြီး ပွတ်ပေးပါ။ ဒါမှမဟုတ် သနပ်ခါးနဲ့ ရောသွေးပြီး လိမ်းပေးပါ။ အယားသက်သာပြီး ရောင်ရမ်းသာ သက်သာစေပါတယ်။
၄။ ရှားစောင်းလက်ပတ်ကို ခွဲပြီး ကိုက်ခံရတဲ့ နေရာတွေကို အုံပေးပါ။ အပင်မရှိရင် ရှားစောင်းလက်ပတ် ၉၉ % ပါဝင်တဲ့ Cream တစ်ခုခု လိမ်းပေးထားပါ။
၅။ အလွယ်ဆုံးက ရေခဲပါ။ ရေခဲတုံးလေးတွေကို အကိုက်ခံရတဲ့ အပေါ် ပွတ်ပေးပါ။ အယားသက်သာစေပြီး အဖုအပိန့်တွေ သက်သာသွားပါလိမ့်မယ်။
၆။ သံပုသီးကို ခြမ်းပြီး အဖုတွေပေါ်ကို ခပ်ဖွဖွ ပွတ်ပေးပါ။
၇။ ငှက်ပျောသီး အခွံနဲ့ လည်း ပွတ်ပေးရင် သက်သာပါတယ်။
၈။ မုန့်ဖုတ်ပေါင်ဒါကို ရေနဲ့ ရောပြီး လိမ်းပေးရင်လည်း ရပါတယ်။
၉။ ပန်းသီးဗင်နီကာကို ကိုက်ခံထားရတဲ့ နေရာပေါ် တို့ပေးပါ။
Credit: zeenews
