ကျန်းမာရေးနဲ့ညီညွတ်မျှတမှုရှိဖို့အတွက် အစားအသောက်စားသုံးတဲ့အခါမှာ ခက်ခက်ခဲခဲ ဝေးဝေးလံလံတွေ စဉ်းစားနေစရာမလိုပါဘူး။ ရိုးရိုးရှင်းရှင်းလေးနဲ့ ကိုယ်လည်းတတ်နိုင်တဲ့ အစားအစာလေးတွေကို သေချာစနစ်တကျ ရွေးချယ်မယ်ဆိုရင် ကိုယ်လည်းပဲ ကျန်းမာရေးနဲ့ ညီညွတ်သောသူတစ်ယောက် ဖြစ်လာနိုင်ပါတယ်။ ဒါကြောင့် လက်ရှိမှာ ကျန်းမာရေးနဲ့ညီညွတ်တဲ့သူတွေက ဘယ်လိုမျိုးအစားအစာတွေကို မနက်စာအနေနဲ့ စားနေသလဲဆိုတာသိရှိရအောင် ဖော်ပြပေးလိုက်ရပါတယ်။

၁။ ထောပတ်သီး ကြက်ဥကြော်ပေါင်မုန့်

ပရိုတင်းနဲ့ ဟင်းသီးဟင်းရွက်အဆီတွေကြွယ်ဝပြီး အရသာရှိတဲ့ဒီမနက်စာက သင့်နှလုံးကို သဘောတွေ့စေမှာပါ။

Oven ကို 200°C (392°F) ဖြင့် ကြိုတင်အပူပေးပါ။ ထောပတ်သီးများကို ထက်ခြမ်းခြမ်းပြီး အစေ့ထုတ်ကာ အသားကို စားပွဲတင်ဇွန်းနှစ်ဇွန်းစာခပ်ယူပါ။ အလယ်တစ်ခုချင်းစီကို ကြက်ဥဖောက်ထည့်၊ ခရမ်းချဉ်သီး၊ ဆား၊ ငရုတ်ကောင်းတို့ထည့်ကာ မိနစ် ၂၀ ကြာဖုတ်ပေးပါ။

၂။ အသီးနဲ့ ပေါင်မုန့်အသားညှပ်

ပေါင်မုန့်ကို မြေပဲထောပတ်သုတ်ထားပြီး အမဲသားအူချောင်းအသားညှပ်ထားသည့် ဆန်းဒဝှချ်ပုံစံမနက်စာကို ကြိုက်နှစ်သက်ရာ အသီး၊ ကော်ဖီတို့နဲ့ တွဲဖက်စားသုံးခြင်းပါ။

၃။ ကြက်ဥ၊ ထောပတ်သီးပေါင်မုန့်မီးကင်နှင့် ဘလူးဘယ်ရီသီးများ

ပေါင်မုန့်မီးကင်၊ ထောပတ်သီးအထောင်း၊ မီးအေးအေးမှာ ကြော်ထားသည့် ကြက်ဥကြော်တို့ပေါင်းစပ်ထားသည့် မနက်စာတစ်မျိုးပါ။ ငရုတ်ကောင်းအနည်းငယ်ဖြူးပေးပြီး Antioxidant ကြွယ်ဝသည့် ဘလူးဘယ်ရီသီးများနဲ့ ပေါင်းစပ်စားသုံးသည့်အခါ အလွန်တရာကို အရသာရှိပြီး ကျန်းမာရေးနဲ့ ညီညွတ်လှပါတယ်။

၄။ ဘလူးဘယ်ရီနှင့် ဂျင်းဖျော်ရည်

ပရိုတင်း၊ အဆီများနှင့် ကာဗိုဟိုက်ဒရိတ်တို့ အချုးအစားညီမျှစွာပါဝင်တဲ့ ဒီမနက်စာဟာ မျက်လုံးနဲ့ ကိုယ်ခံအားအတွက် ဗီတာမင်တွေအများကြီးထောက်ပံ့ပေးပါတယ်။

၅။ အသီး၊ ဟင်းသီးဟင်းရွက်နဲ့ အာဟာရကြွယ်ဝတဲ့ ပေါင်မုန့်မီးကင်

ပေါင်မုန့်မီးကင်ကို အယ်လ်မွန်ထောပတ်သုတ်ထားပြီး၊ ထောပတ်သီးအထောင်း၊ နေကြာစေ့၊ နှမ်းစေ့တို့အစုံပါတဲ့ ဒီမနက်စာကို သစ်သီးဖျော်ရည်တစ်ခွက်နဲ့ ပေါင်းစပ်စားသုံးမယ်ဆိုရင် လိုအပ်သမျှ အာဟာရဓာတ်တွေကို ရရှိနိုင်မှာပါ။

၆။ ကြက်ဥခေါက်မွှေကြော်နဲ့ Arugula အရွက်

အစိမ်းရောင်အရွက်တွေနဲ့ ကြက်ဥခေါက်ကြော်ကို မနက်စာအနေနဲ့ ပူးတွဲစားသုံးမယ်ဆိုရင် ပရိုတင်းနဲ့ဗီတာမင်ဓာတ်များ အပြည့်အဝရရှိမှာဖြစ်ပါတယ်။

၇။ ထောပတ်သီးဖျော်ရည်

မနက်ခင်းကတည်း လှုပ်ရှားသွားလာနေရသူများအတွက် အသင့်တော်ဆုံးသော မနက်စာတစ်မျိုးပါ။

ထောပတ်သီးတစ်ခြမ်း၊ ခွက်တစ်ခွက်ရဲ့ နှစ်ပုံတစ်ပုံရှိတဲ့ ဒိန်ချဉ်၊ နို့တို့နဲ့ ဗနီလာအနည်းငယ်၊ ဒေါက်ခွရွက်လက်တစ်ဆုပ်စာတို့ကို ကြိတ်စက်ထဲရောထည့်ကြိတ်ကာ အရသာရှိရှိသောက်သုံးနိုင်ပါတယ်။

၈။ ကျန်းမာရေးနဲ့ညီညွတ်တဲ့ ပန်ကိတ်များ

ပရိုတင်းအမှုန့် စားပွဲတင်ဇွန်း ၁ ဇွန်း၊ ကြက်ဥအကာ၊ ခွက်တစ်ခွက်ရဲ့ နှစ်ပုံတစ်ပုံခန့်ရှိသည့် ဖိခြေပြီးသား ငှက်ပျောသီး၊ ထောင်းထားသော နှမ်းကြတ်စေ့များပေါင်းစပ်ထားသည့် ပန်ကိတ်တစ်ပွဲဟာဆိုရင် Green Tea တစ်ခွက်နဲ့ အလွန်လိုက်ဖက်ကာ ပရိုတင်းနဲ့ အာဟာရဓာတ်တွေလည်း အထူးကြွယ်ဝပါတယ်။

၉။ ထောပတ်သီး၊ ဆယ်လ်မွန်ငါးတို့နဲ့ ကြက်ဥခေါက်ကြော်

ဗိုက်လည်းပြည့်ပြီး ပရိုတင်းကြွယ်ဝတဲ့ မနက်စာစားသုံးရန်အတွက် ကြက်ဥကြော်ကို ထောပတ်သီး၊ ဆယ်လ်မွန်ငါးအတုံးလေးများနဲ့ တွဲဖက်ပေးနိုင်ပါတယ်။

၁၀။ ကြက်ဥပြုတ်များ

မနက်စာအနေဖြင့် ကယ်လိုရီပါဝင်မှုနည်းပါးသည့် ကြက်ဥပြုတ်တွေကို စားသုံးပေးခြင်းက ကိုယ်အလေးချိန်ကျဆင်းမှုကို နှစ်ဆမြန်ဆန်စေပါတယ်။ အချိန်အကြာကြီးလည်း ဗိုက်ပြည့်နေစေတာကြောင့် တနေ့လုံးစားသုံးမယ့်အစားအစာပမာဏကို လျော့ကျသွားစေပါတယ်။

Credit: BrightSide