[Unicode]

လူသားတိုင်းကတော့ အိုမင်းမစွမ်းဖြစ်လာမှာကို မလိုလားကြပါဘူး။ အထူးသဖြင့် အမျိုးသမီးတွေက သူတို့ရဲ့ ရှိရင်းစွဲအသက်ထက် ပိုပြီး အသက်ကြီးလာမှာကို မလိုလားကြပါဘူး။ ဒါ့ကြောင့်လည်း အလှကုန်ပစ္စည်းအမျိုးမျိုးနဲ့ အလှပြင်ကြ၊ Skincare ပစ္စည်းတွေနဲ့ အသားအရေကို ထိန်းသိမ်းကြနဲ့ အလုပ်ရှုပ်နေကြတာပါ။ ဒါပေမဲ့ သူတို့က အစားအသောက်ရဲ့ အရေးပါမှုကိုတော့ မေ့နေတတ်ကြပါတယ်။

အိုမင်းရင့်ရော်မှုကို တားဆီးပေးနိုင်တဲ့ အစွမ်းထက် အစားအစာတချို့ ရှိပါတယ်။ ဒီဆောင်းပါးထဲမှာတော့ ထိုအစားအစာတွေအကြောင်းကို ဖော်ပြပေးသွားမှာပဲဖြစ်ပါတယ်။

သံလွင်ဆီ

ဟင်းလျာတွေ ချက်ပြုတ်ပြင်ဆင် ကြော်လှော်တဲ့အခါ၊ အသုပ် သုပ်စားတဲ့အခါ သဘာဝသံလွင်ဆီ စစ်စစ်ကို အသုံးပြုခြင်းက သင့်ကို အမြဲတမ်း ငယ်ရွယ်နုပျိုစေနေမှာပဲဖြစ်ပါတယ်။ သံလွင်ဆီထဲမှာ ပါဝင်တဲ့ အိုမီဂါ သရီးဓာတ်က အသားအရေပျက်စီးခြင်းမှ ကာကွယ်ပေးပြီး Antioxidants ကတော့ အရေးအကြောင်းနဲ့ ပါးရေတွန့်ခြင်းတို့ကို ဖယ်ရှားပေးမှာပဲဖြစ်ပါတယ်။

ခရမ်းချဉ်သီး

ရေဓာတ်ကြွယ်ဝစွာ ပါဝင်တဲ့ဟင်းသီးဟင်းရွက်တွေထဲမှာတော့ ခရမ်းချဉ်သီးက တစ်ခုအပါအဝင်ပဲဖြစ်ပါတယ်။ ခရမ်းချဉ်သီးက အသားအရေကို တောက်ပစေပြီး အရေးအကြောင်းတွေကိုလည်း ဖယ်ရှားပေးမှာပဲဖြစ်ပါတယ်။ လေ့လာတွေ့ရှိချက်တစ်ခုအရ ခရမ်းချဉ်သီးအနှစ်ကို စားသုံးခြင်းက နေလောင်ဒဏ်ကို ကာကွယ်ပေးတဲ့အပြင် ခရမ်းလွန်ရောင်ခြည်ဒဏ်ကြောင့် အိုမင်းရင့်ရော်ခြင်းမှလည်း ကာကွယ်ပေးပါသေးတယ်။

ရေမုန်ညှင်း

Source: Shutterstock

အသုပ် သုပ်စားမယ်လို့ တွေးမိလိုက်တာနဲ့ ရေမုန်ညှင်းသုပ်လေး သုပ်စားလိုက်ရအောင်။ ဘာ့ကြောင့်လဲဆိုတော့ ရေမုန်ညှင်းထဲမှာ ဗီတာမင် အေ၊ ဗီတာမင် B1 ၊ ဗီတာမင် B2 ၊ ဗီတာမင် B6 ၊ ဗီတာမင် စီ၊ ဗီတာမင် အီးနဲ့ ဗီတာမင် ကေ တို့အပြင် အခြား သတ္တုဓာတ်များနဲ့ Antioxidants များ ကြွယ်ဝစွာ ပါဝင်လို့ပါပဲ။ ထိုကဲ့သို့ ပြည့်စုံလုံလောက်တဲ့ အာဟာရဓာတ်များက အသားအရေအတွက် ကောင်းကျိုးအမြောက်အမြား ပေးစွမ်းနိုင်မှာပဲဖြစ်ပါတယ်။

ချောကလက်

ချောကလက် တစ်ခဲ စားသုံးခြင်းက သွေးပေါင်ချိန်ကို လျော့ချပေးနိုင်တယ်ဆိုတာကို သင် ကြားဖူးကောင်း ကြားဖူးပါလိမ့်မယ်။ ချောကလက်စားသုံးခြင်းရဲ့ ကောင်းကျိုးကတော့ ဒီတစ်ခုတည်းတင် မဟုတ်ပါဘူး။ ကိုးကိုးမှုန့်နဲ့ ပြုလုပ်ထားတဲ့ ချောကလက်က ငယ်ရွယ်နုပျိုမှု ရေရှည်တည်တံ့ခိုင်မြဲအောင် ကူညီပေးနိုင်ပါတယ်။ သင့်အသားအရေကို ခရမ်းလွန်ရောင်ခြည်ဒဏ်မှလည်း ကာကွယ်ပေးနိုင်ပါသေးတယ်။

ဆော်လမွန်ငါး

အိုမီဂါသရီးဓာတ် ကြွယ်ဝစွာပါဝင်တဲ့ ဆော်လမွန်ငါးကို တစ်ပတ်ကို ၅ အောင်စခန့် စားသုံးပေးမယ်ဆိုရင်တော့ အသားအရေလျော့တိလျော့ရဲဖြစ်ခြင်းမှ ကာကွယ်ပေးပါသေးတယ်။ နောက်ထပ်ကောင်းကျိုးတစ်ခုကိုရော သိချင်ပါသေးလား။ ဆော်လမွန်ငါးထဲမှာ ပါဝင်တဲ့ ဗီတာမင် ဒီက အရိုးအဆစ်ကျန်းမာရေးနဲ့ သွားကျန်းမာရေးအတွက်လည်း အထောက်အကူဖြစ်စေပါသေးတယ်။

ဒိန်ချဉ်

ဒိန်ချဉ်ကတော့ အသားအရေထဲက အညစ်အကြေးနဲ့ အဆိပ်အတောက်များကို ဖယ်ရှားပေးရာမှာ နာမည်ကြီးပါတယ်။ ဒိန်ချဉ် မှန်မှန်စားသုံးပေးပါက အသားအရေလေး ကြည်လင်လာပါလိမ့်မယ်။

Grapefruit သီး

အချဉ်ဓာတ်ကြွယ်ဝတဲ့ အသီးတွေကတော့ သင့် အသားအရေအလှအပအတွက် အထွေအထူးပြောနေစရာတောင် မလိုတော့ပါဘူး။ ဗီတာမင် စီဓာတ် ကြွယ်ဝတဲ့ Grapefruit သီးကို စားသုံးပေးမယ်ဆိုရင် အသားအရေကို တင်းရင်းစေမှာပဲဖြစ်ပါတယ်။

သရက်သီး

သရက်သီးတွေ လှိုင်လှိုင်ပေါနေတဲ့ အခုလိုမိုးတွင်းကာလမှာ သရက်သီးကို မှန်မှန်စားသုံးခြင်းက အသားအရေပျက်စီးခြင်းမှ ကာကွယ်ပေးနိုင်ပါတယ်။

အခုဖော်ပြပေးတဲ့အစားအစာလေးတွေအပြင် ကြက်ဥ၊ ဟင်းနုနွယ်၊ ကြက်ရိုး (သို့) ဝက်ရိုး (သို့) အမဲရိုးပြုတ်ရည်၊ ဘလူးဘယ်ရီသီးများ၊ ကြက်သွန်နီ၊ တရုတ်နံနံ၊ ပန်းသီး၊ ဒိန်ခဲ စတဲ့အစားအစာလေးတွေကလည်း သင့်ကို အမြဲတမ်း ငယ်ရွယ်နုပျိုနေအောင် ကူညီပေးမှာပဲဖြစ်ပါတယ်။

Source: eatthis.com

[Zawgyi]

လူသားတိုင္းကေတာ့ အိုမင္းမစြမ္းျဖစ္လာမွာကို မလိုလားၾကပါဘူး။ အထူးသျဖင့္ အမ်ိဳးသမီးေတြက သူတို႔ရဲ႕ ႐ွိရင္းစြဲအသက္ထက္ ပိုၿပီး အသက္ႀကီးလာမွာကို မလိုလားၾကပါဘူး။ ဒါ့ေၾကာင့္လည္း အလွကုန္ပစၥည္းအမ်ိဳးမ်ိဳးနဲ႔ အလွျပင္ၾက၊ Skincare ပစၥည္းေတြနဲ႔ အသားအေရကို ထိန္းသိမ္းၾကနဲ႔ အလုပ္႐ႈပ္ေနၾကတာပါ။ ဒါေပမဲ့ သူတို႔က အစားအေသာက္ရဲ႕ အေရးပါမႈကိုေတာ့ ေမ့ေနတတ္ၾကပါတယ္။

အိုမင္းရင့္ေရာ္မႈကို တားဆီးေပးႏိုင္တဲ့ အစြမ္းထက္ အစားအစာတခ်ိဳ႕ ႐ွိပါတယ္။ ဒီေဆာင္းပါးထဲမွာေတာ့ ထိုအစားအစာေတြအေၾကာင္းကို ေဖာ္ျပေပးသြားမွာပဲျဖစ္ပါတယ္။

သံလြင္ဆီ

ဟင္းလ်ာေတြ ခ်က္ျပဳတ္ျပင္ဆင္ ေၾကာ္ေလွာ္တဲ့အခါ၊ အသုပ္ သုပ္စားတဲ့အခါ သဘာဝသံလြင္ဆီ စစ္စစ္ကို အသံုးျပဳျခင္းက သင့္ကုိ အၿမဲတမ္း ငယ္ရြယ္ႏုပ်ိဳေစေနမွာပဲျဖစ္ပါတယ္။ သံလြင္ဆီထဲမွာ ပါဝင္တဲ့ အိုမီဂါ သရီးဓာတ္က အသားအေရပ်က္စီးျခင္းမွ ကာကြယ္ေပးၿပီး Antioxidants ကေတာ့ အေရးအေၾကာင္းနဲ႔ ပါးေရတြန္႔ျခင္းတို႔ကို ဖယ္႐ွားေပးမွာပဲျဖစ္ပါတယ္။

ခရမ္းခ်ဥ္သီး

ေရဓာတ္ၾကြယ္ဝစြာ ပါဝင္တဲ့ဟင္းသီးဟင္းရြက္ေတြထဲမွာေတာ့ ခရမ္းခ်ဥ္သီးက တစ္ခုအပါအဝင္ပဲျဖစ္ပါတယ္။ ခရမ္းခ်ဥ္သီးက အသားအေရကို ေတာက္ပေစၿပီး အေရးအေၾကာင္းေတြကိုလည္း ဖယ္႐ွားေပးမွာပဲျဖစ္ပါတယ္။ ေလ့လာေတြ႔႐ွိခ်က္တစ္ခုအရ ခရမ္းခ်ဥ္သီးအႏွစ္ကို စားသံုးျခင္းက ေနေလာင္ဒဏ္ကို ကာကြယ္ေပးတဲ့အျပင္ ခရမ္းလြန္ေရာင္ျခည္ဒဏ္ေၾကာင့္ အိုမင္းရင့္ေရာ္ျခင္းမွလည္း ကာကြယ္ေပးပါေသးတယ္။

ေရမုန္ညွင္း

Source: Shutterstock

အသုပ္ သုပ္စားမယ္လို႔ ေတြးမိလိုက္တာနဲ႔ ေရမုန္ညွင္းသုပ္ေလး သုပ္စားလိုက္ရေအာင္။ ဘာ့ေၾကာင့္လဲဆိုေတာ့ ေရမုန္ညွင္းထဲမွာ ဗီတာမင္ ေအ၊ ဗီတာမင္ B1 ၊ ဗီတာမင္ B2 ၊ ဗီတာမင္ B6 ၊ ဗီတာမင္ စီ၊ ဗီတာမင္ အီးနဲ႔ ဗီတာမင္ ေက တို႔အျပင္ အျခား သတၱဳဓာတ္မ်ားနဲ႔ Antioxidants မ်ား ၾကြယ္ဝစြာ ပါဝင္လို႔ပါပဲ။ ထိုကဲ့သုိ႔ ျပည့္စံုလံုေလာက္တဲ့ အာဟာရဓာတ္မ်ားက အသားအေရအတြက္ ေကာင္းက်ိဳးအေျမာက္အျမား ေပးစြမ္းႏိုင္မွာပဲျဖစ္ပါတယ္။

ေခ်ာကလက္

ေခ်ာကလက္ တစ္ခဲ စားသံုးျခင္းက ေသြးေပါင္ခ်ိန္ကို ေလ်ာ့ခ်ေပးႏိုင္တယ္ဆိုတာကို သင္ ၾကားဖူးေကာင္း ၾကားဖူးပါလိမ့္မယ္။ ေခ်ာကလက္စားသံုးျခင္းရဲ႕ ေကာင္းက်ိဳးကေတာ့ ဒီတစ္ခုတည္းတင္ မဟုတ္ပါဘူး။ ကိုးကိုးမႈန္႔နဲ႔ ျပဳလုပ္ထားတဲ့ ေခ်ာကလက္က ငယ္ရြယ္ႏုပ်ိဳမႈ ေရ႐ွည္တည္တံ့ခိုင္ၿမဲေအာင္ ကူညီေပးႏိုင္ပါတယ္။ သင့္အသားအေရကို ခရမ္းလြန္ေရာင္ျခည္ဒဏ္မွလည္း ကာကြယ္ေပးႏိုင္ပါေသးတယ္။

ေဆာ္လမြန္ငါး

အိုမီဂါသရီးဓာတ္ ၾကြယ္ဝစြာပါဝင္တဲ့ ေဆာ္လမြန္ငါးကို တစ္ပတ္ကို ၅ ေအာင္စခန္႔ စားသံုးေပးမယ္ဆိုရင္ေတာ့ အသားအေရေလ်ာ့တိေလ်ာ့ရဲျဖစ္ျခင္းမွ ကာကြယ္ေပးပါေသးတယ္။ ေနာက္ထပ္ေကာင္းက်ိဳးတစ္ခုကိုေရာ သိခ်င္ပါေသးလား။ ေဆာ္လမြန္ငါးထဲမွာ ပါဝင္တဲ့ ဗီတာမင္ ဒီက အ႐ိုးအဆစ္က်န္းမာေရးနဲ႔ သြားက်န္းမာေရးအတြက္လည္း အေထာက္အကူျဖစ္ေစပါေသးတယ္။

ဒိန္ခ်ဥ္

ဒိန္ခ်ဥ္ကေတာ့ အသားအေရထဲက အညစ္အေၾကးနဲ႔ အဆိပ္အေတာက္မ်ားကို ဖယ္႐ွားေပးရာမွာ နာမည္ႀကီးပါတယ္။ ဒိန္ခ်ဥ္ မွန္မွန္စားသံုးေပးပါက အသားအေရေလး ၾကည္လင္လာပါလိမ့္မယ္။

Grapefruit သီး

အခ်ဥ္ဓာတ္ၾကြယ္ဝတဲ့ အသီးေတြကေတာ့ သင့္ အသားအေရအလွအပအတြက္ အေထြအထူးေျပာေနစရာေတာင္ မလိုေတာ့ပါဘူး။ ဗီတာမင္ စီဓာတ္ ၾကြယ္ဝတဲ့ Grapefruit သီးကို စားသံုးေပးမယ္ဆိုရင္ အသားအေရကို တင္းရင္းေစမွာပဲျဖစ္ပါတယ္။

သရက္သီး

သရက္သီးေတြ လႈိင္လႈိင္ေပါေနတဲ့ အခုလိုမိုးတြင္းကာလမွာ သရက္သီးကို မွန္မွန္စားသံုးျခင္းက အသားအေရပ်က္စီးျခင္းမွ ကာကြယ္ေပးႏိုင္ပါတယ္။

အခုေဖာ္ျပေပးတဲ့အစားအစာေလးေတြအျပင္ ၾကက္ဥ၊ ဟင္းႏုႏြယ္၊ ၾကက္႐ိုး (သို႔) ဝက္႐ိုး (သို႔) အမဲ႐ိုးျပဳတ္ရည္၊ ဘလူးဘယ္ရီသီးမ်ား၊ ၾကက္သြန္နီ၊ တ႐ုတ္နံနံ၊ ပန္းသီး၊ ဒိန္ခဲ စတဲ့အစားအစာေလးေတြကလည္း သင့္ကို အၿမဲတမ္း ငယ္ရြယ္ႏုပ်ိဳေနေအာင္ ကူညီေပးမွာပဲျဖစ္ပါတယ္။

Source: eatthis.com