ပိန္နဲသီး၏ ကျန်းမာရေး အကျိုးကျေးဇူးများ

၁ ။ ကိုယ်ခံအားစံနစ်ကို အားကောင်းစေခြင်း ( Strengthen Immune System )

ပိန္နဲသီး မှာ ဗီတာမင် စီ များစွာပါဝင်သဖြင့် ဘက်တီးရီးယား နှင့် ဗိုင်းရပ် ပိုးများကို ကာကွယ်ပါသည် ။ ဗီတာမင်စီက သွေးဖြူဥများ၏လုပ်ငန်းကို အားပေးပါသည် ။

၂ ။ ကင်ဆာရောဂါကာကွယ်ခြင်း (Protect against Cancer)

ပိန္နဲသီးတွင် ဖိုင်တိုနူးထြိရင့် ( Phytonutrients ) များဖြစ်သော လစ်ဂနမ် ( Lignans ) ၊ အိုင်ဆိုဖလေဘုန်း ( Isoflavones ) ၊ ဆက်ပိုနင် ( Saponins ) များ ပါဝင်ပါသည် ။ ၎င်းဓါတ်များက ကင်ဆာ နှင့် အိုမင်းခြင်းကို ကာကွယ်ပေးသည့် သတ္တိရှိပါသည် ။

၃ ။ အစာချေခြင်းကို ကူညီခြင်း ( Aids in Healthy Digestion )

ပိန္နဲသီးမှာ အစာအိမ်အနာ ပျောက်စေသည့် သတ္တိရှိပြီး၊ အစာချေ လုပ်ငန်းများကို ကောင်းမွန်စေပါသည်။ ဖိုင်ဘာဓါတ် ကြွယ်ဝသဖြင့် အစာလမ်းကြောင်း လှုပ်ရှားမှုကောင်းစေသဖြင့် ဝမ်းချုပ်ခြင်းကို ကာကွယ်ပေးပါသည် ။ ဖိုင်ဘာဓါတ်က အူလမ်းကြောင်းတွင်းမှ ကင်ဆာဖြစ်စေမည့် အဆိပ်အတောက်များကို စွန့်ပယ်ရန် အကူအညီ ပေးပါသည် ။

၄ ။ မျက်စိနှင့် အရေပြားကျန်းမာရေး ( Maintain a Healthy Eye and Skin )

ဗီတာမင် အေ ကြွယ်ဝစွာ ပါဝင်သဖြင့် မျက်စိ ကျန်းမာရေး အတွက်ရော အရေပြား ကျန်းမာရေးအတွက်ပါ ကောင်းမွန်ပါသည်။

၅ ။ အားတိုးစေခြင်း ( Boost Energy )

ပိန္နဲသီးတွင် ဖရပ်တို့ ( Fructose ) နှင့် ဆူကရို့ ( Sucrose ) ပါဝင်သဖြင့် စွမ်းအင် ချက်ခြင်း တိုးစေပါသည် ။

၆ ။ သွေးတိုးကျစေခြင်း ( Lower High Blood Pressure )

ပိုတက်ဆီယမ် ( Potassium ) ပါဝင်သောကြောင့် သွေးတိုး ကျစေသည့်ပြင် နှလုံးရောဂါ ( Heart Attack ) နှင့် လေဖြတ်ခြင်း ( Stroke ) ဖြစ်ခြင်းကိုပါ ကာကွယ်ပေးပါသည် ။

၇ ။ ရင်ကြပ်ပန်းနာ ( Control Asthma )

ပိန္နဲပင်အမြစ်ပြုတ်က ပန်းနာရောဂါ သက်သာပျောက်ကင်းစေပါသည်။

၈ ။ အရိုးသန်မာစေခြင်း ( Strengthen the Bone )

ကယ်လဆီယမ် စုပ်ယူရာတွင် အရေးပါသည့် မဂ္ဂနီဆီယမ်ဓါတ် ကြွယ်ဝစွာပါဝင်ပြီး ၎င်းဓါတ်က ကယ်လဆီယမ်နှင့် ပူးတွဲလုပ်ကိုင်သဖြင့် အရိုးပွရောဂါ (Osteoporosis) ကို ကာကွယ်ပြီး ၊ အရိုးများကို သန်မာစေပါသည် ။