ဟင်းအနံ့နဲ့ အရသာ ပိုကောင်းသွားစေဖို့ အတွက် ဟင်းခတ်အမွှေးအကြိုင်တွေကို သုံးလေ့ ရှိကြပါတယ်။ အထူးသဖြင့် မြန်မာအစားအစာတွေနဲ့ အိန္ဒိယ အစားအစာ၊ ချစ်တီးဟင်းတေတွမျာ သုံးကြတာ များပါတယ်။ အနံ့ရတာနဲ့ စားချင်စဖွယ် ဖြစ်လာတဲ့အထိ ဆွဲဆောင်မှုရှိကြပါတယ်။
ဈေးချိုပြီး အရွယ်အစားငယ်ပေမယ့် အစွမ်းကတော့ မငယ်ပါဘူး။ သူတို့တွေထဲကမှ အသုံးများပြီး အကျိုးလည်းများစေမယ့် ဟင်းခတ်အမွှေးအကြိုင်တွေကို မျှဝေပေးလိုက်ပါတယ်။
၁။ ဂုံဂမံ (ကုံကုမံ)
ဒံပေါက်တွေထဲမှာ ထည့်ချက်လေ့ ရှိပါတယ်။ စိတ်ကျရောဂါ မဖြစ်ပွားအောင် ကာကွယ်ပေးနိုင်ပြီး ကိုယ်တွင်းက ဆဲလ်တွေကို အဟောင်းအသစ် ထိန်းညှိပေးပါတယ်။ သွေးဆုံးခါနီး အမျိုးသမီးတွေ စားသုံးရင်တော့ သွေးဆုံးကိုင်တာကို ကာကွယ်ပေးပါတယ်။ ဆေးတောင့်အဖြစ်လည်း ထုတ်ဝေတာတွေ ရှိပါတယ်။
၂။ စမုံစပါး
ချိုပြီး ဈေးဖက်ဝင်တဲ့ အမွှေးအကြိုင်အမျိုးအစားပါ။ ကွမ်းယာတွေထဲမှာလည်း ထည့်စားကြသလို ဟင်းတွေထဲမှာလည်း ထည့်ပါတယ်။ အစာကြေစေပြီး လေနိုင်ပါတယ်။ ကလေးမွေးကာစ မိခင်တွေ နို့ထွက်နည်းခြင်းကိုလည်း ကူညီပေးနိုင်ပါတယ်။ နှာစေး၊ ချောင်းဆိုး ရောဂါတွေကို သက်သာနိုင်တဲ့အပြင် အစာအိမ်အတွက်လည်း ဆေးတစ်ပါးပါပဲ။
၃။ သစ်ကြံပိုးခေါက်
သွေးလည်ပတ်မှုကို ကောင်းစေပါတယ်။ အမျှင်ဓာတ်တွေ ရနိုင်တဲ့ အကောင်းဆုံးတစ်ခုလို့ ဆိုရပါမယ်။ ကြွက်သားတွေ နာကျင်မှုကိုလည်း ကုသနိုင်ပါတယ်။
၄။ ဇီရာစေ့
ဇီရာစေ့ဟာ ဟီမိုကလိုဘင် လယ်ဗယ်ကို ထိန်းပေးနိုင်စွမ်း ရှိပါတယ်။ အစာအိမ်အူလမ်းကြောင်းက ကပ်ပါးပိုးတွေကို တိုက်နိုင်တဲ့ အစွမ်းရှိပြီး စိတ်ကစဉ့်ကလျား ဖြစ်ခြင်းကနေလည်း ကာကွယ်ပေးနိုင်ပါတယ်။
၅။ ဇာတိပ္ဖိုလ်သီး
အဆစ်အမြစ်တွေကို ကောင်းမွန်စေပြီး ဒူးနာခြင်းကို မဖြစ်ပွားစေနိုင်ပါဘူး။ ကိုယ်တွင်းအစာကြေစနစ်ကို ကောင်းမွန်စေနိုင်တဲ့ အပြင် မကောင်းတဲ့ အဆိပ်တွေကိုပါ ဖယ်ရှားပေးနိုင်ပါတယ်။
၆။ နနွင်း
နေ့စဉ် စားသုံးနေကြဖြစ်တဲ့ ဟင်းခတ် တစ်မျိုးပါ။ အသားအရေကောင်းမွန်စေရုံမက ကင်ဆာဆဲလ်တွေကိုပါ မပြန့်ပွားအောင် တားဆီးပေးနိုင်ပါတယ်။ အစာအိမ်အတွက် ကောင်းမွန်စေပြီ အစာကြေလေနိုင်စေပါတယ်။
Ref: Zeenews
