[Unicode]

သစ်ကြမ်းပိုးခေါက်က ကျန်းမာရေးအတွက် များစွာအသုံးဝင်တာကို အားလုံးသိပြီးကြပြီဖြစ်မှာပါ။ ဒီတစ်ခါမှာတော့ ကျန်းမာရေးနဲ့ ပတ်သက်တဲ့အကြောင်းအရာမဟုတ်ဘဲ သစ်ကြမ်းပိုးခေါက်က အလှအပအတွက်ရော မီးဖိုချောင်နဲ့ အိမ်ထောင်ပရိဘောဂတွေအတွက်ပါ ဘယ်လိုအသုံးပြုနိုင်မလဲဆိုတာ ဖော်ပြပေးချင်ပါတယ်။

ဆံကေသာ ကျန်းမာသန်စွမ်းဖို့ရန်အတွက်

သစ်ကြမ်းပိုးခေါက်ဖြင့် ပေါင်းတင်ခြင်းက ဦးရေပြားကို အားဖြည့်ပေးပြီး ဆံကေသာကျန်းမာသန်စွမ်းလာအောင် ကူညီပေးနိုင်ပါတယ်။ သစ်ကြမ်းပိုးခေါက်အမှုန့်နှင့် ပျားရည်တို့ကို ဆတူရောနှောပြီးနောက် ဦးရေပြားပေါ် သုတ်လိမ်းပေးလိုက်ပါ။ ၁၅ မိနစ်ခန့်ကြာမှ မိမိအသုံးပြုနေကျ ခေါင်းလျှော်ရည်နှင့် လျှော်ပေးလိုက်ပါ။

အင်းဆက် ပိုးကောင်များ မလာအောင် ကူညီပေးခြင်း

အိတ်သေးသေးလေးထဲမှာ သစ်ကြမ်းပိုးခေါက်အချောင်း ၂ ချောင်း၊ ၃ ချောင်းခန့်နဲ့ ငရုတ်ကောင်းအပွင့် စားပွဲတင်ဇွန်း တစ်ဇွန်း၊ လေးညှင်းပွင့် စားပွဲတင်ဇွန်း တစ်ဇွန်းတို့ကို ရောထည့်ပြီးနောက် အဝတ်ဘီဒိုထဲမှာ ချိတ်ဆွဲထားပေးလိုက်ပါ။ ပိုးဟပ်များလာရောက်နိုင်တဲ့ အခြားနေရာများမှာလည်း ချိတ်ဆွဲထားနိုင်ပါသေးတယ်။

ညစာစားပွဲ အပြင်အဆင်အတွက် အသုံးတည့်ခြင်း

ညစာ စားပွဲမှာ အထူးဧည့်သည်တွေဖိတ်ထားပြီးလို့ သူတို့အတွက် စားပွဲဝိုင်းလေး ပြင်ဆင်တဲ့အခါ နာမည်ကတ်ပြားထောင်ဖို့အတွက် သစ်ကြမ်းပိုးခေါက်အချောင်းလေးကို အသုံးပြုနိုင်ပါတယ်။

ပရိဘောဂများ ခြစ်ရာ၊ ပွန်းရာ ထင်တဲ့အခါ

သစ်ကြမ်းပိုးခေါက်အမှုန့်လေးကို ထိုခြစ်ရာ ပွန်းရာ ထင်တဲ့နေရာမှာ ပွတ်တိုက်ပေးလိုက်ပါ။ အစွန်းအထင်းရာများ ပျောက်ပြီး ပရိဘောဂအသစ်တစ်လုံးရသွားသလား ထင်မှတ်သွားရပါလိမ့်မယ်။

ကားထဲမှာ ထည့်ထားမယ်

ကားထဲမှာ အနံ့အသက်ကောင်းဖို့ရန်အတွက် သစ်ကြမ်းပိုးခေါက်လေး ထည့်ထားလိုက်ပါ။ သစ်ကြမ်းပိုးခေါက်မှုန့်ရဲ့ အနံ့က စိတ်ဖိစီးမှုတွေကို ပြေပျောက်စေပြီး တက်ကြွလန်းဆန်းစေမှာပဲဖြစ်ပါတယ်။

ခြေထောက် အသားမာတက်ခြင်း၊ ခြေဖနောင့်ကွဲခြင်းတို့အတွက်

ရေ ၂၄၀ မီလီလီတာခန့် ( ၄ ခွက်ခန့်) ထဲသို့ သစ်ကြမ်းပိုးခေါက် ၁၀ ချောင်းထည့်ပြီး ကျိုချက်လိုက်ပါ။ ရရှိလာတဲ့ရေကို အအေးခံပြီးတဲ့နောက်မှာ ထိုရေနွေးထဲသို့ ခြေထောက်ထည့်ပြီး မိနစ် ၂၀ ခန့် စိမ်ထားလိုက်ပါ။ ဒီနည်းလမ်းလေးကို မိမိအလိုရှိတဲ့ အကျိုးရလဒ် မရမချင်း ပြုလုပ်ပေးနိုင်ပါတယ်။

မအီမသာဖြစ်ခြင်း၊ ပျို့အန်ခြင်းတို့အတွက်

သစ်ကြမ်းပိုးခေါက်ထဲမှာ ပါဝင်တဲ့ Antioxidants က အစာအိမ်ပြဿနာများအတွက် အထိရောက်ဆုံး ဖြေရှင်းပေးနိုင်ပါတယ်။ ရေတစ်ဖန်ခွက်ခန့် (၆၀ မီလီလီတာခန့်) ထဲသို့ သစ်ကြမ်းပိုးခေါက်တစ်ချောင်းထည့်ပြီး ဆူပွက်လာအောင် တည်လိုက်ပါ။ ဆူပွက်လာပါက သစ်ကြမ်းပိုးခေါက်ကို ဖယ်လိုက်ပြီး အအေးခံလိုက်ပါ။ ရေနွေးနွေးလေးဖြစ်သွားရင်တော့ သောက်သုံးပေးလို့ရပါပြီ။

Source: onegoodthingbyjillee.com

[Zawgyi]

သစ္ၾကမ္းပိုးေခါက္က က်န္းမာေရးအတြက္ မ်ားစြာအသံုးဝင္တာကို အားလံုးသိၿပီးၾကၿပီျဖစ္မွာပါ။ ဒီတစ္ခါမွာေတာ့ က်န္းမာေရးနဲ႔ ပတ္သက္တဲ့အေၾကာင္းအရာမဟုတ္ဘဲ သစ္ၾကမ္းပိုးေခါက္က အလွအပအတြက္ေရာ မီးဖိုေခ်ာင္နဲ႔ အိမ္ေထာင္ပရိေဘာဂေတြအတြက္ပါ ဘယ္လိုအသံုးျပဳႏိုင္မလဲဆိုတာ ေဖာ္ျပေပးခ်င္ပါတယ္။

ဆံေကသာ က်န္းမာသန္စြမ္းဖို႔ရန္အတြက္

သစ္ၾကမ္းပိုးေခါက္ျဖင့္ ေပါင္းတင္ျခင္းက ဦးေရျပားကို အားျဖည့္ေပးၿပီး ဆံေကသာက်န္းမာသန္စြမ္းလာေအာင္ ကူညီေပးႏိုင္ပါတယ္။ သစ္ၾကမ္းပိုးေခါက္အမႈန္႔ႏွင့္ ပ်ားရည္တုိ႔ကို ဆတူေရာေႏွာၿပီးေနာက္ ဦးေရျပားေပၚ သုတ္လိမ္းေပးလိုက္ပါ။ ၁၅ မိနစ္ခန္႔ၾကာမွ မိမိအသံုးျပဳေနက် ေခါင္းေလွ်ာ္ရည္ႏွင့္ ေလွ်ာ္ေပးလိုက္ပါ။

အင္းဆက္ ပိုးေကာင္မ်ား မလာေအာင္ ကူညီေပးျခင္း

အိတ္ေသးေသးေလးထဲမွာ သစ္ၾကမ္းပိုးေခါက္အေခ်ာင္း ၂ ေခ်ာင္း၊ ၃ ေခ်ာင္းခန္႔နဲ႔ င႐ုတ္ေကာင္းအပြင့္ စားပြဲတင္ဇြန္း တစ္ဇြန္း၊ ေလးညွင္းပြင့္ စားပြဲတင္ဇြန္း တစ္ဇြန္းတို႔ကို ေရာထည့္ၿပီးေနာက္ အဝတ္ဘီဒိုထဲမွာ ခ်ိတ္ဆြဲထားေပးလိုက္ပါ။ ပိုးဟပ္မ်ားလာေရာက္ႏိုင္တဲ့ အျခားေနရာမ်ားမွာလည္း ခ်ိတ္ဆြဲထားႏိုင္ပါေသးတယ္။

ညစာစားပြဲ အျပင္အဆင္အတြက္ အသံုးတည့္ျခင္း

ညစာ စားပြဲမွာ အထူးဧည့္သည္ေတြဖိတ္ထားၿပီးလို႔ သူတို႔အတြက္ စားပြဲဝိုင္းေလး ျပင္ဆင္တဲ့အခါ နာမည္ကတ္ျပားေထာင္ဖို႔အတြက္ သစ္ၾကမ္းပိုးေခါက္အေခ်ာင္းေလးကို အသံုးျပဳႏိုင္ပါတယ္။

ပရိေဘာဂမ်ား ျခစ္ရာ၊ ပြန္းရာ ထင္တဲ့အခါ

သစ္ၾကမ္းပိုးေခါက္အမႈန္႔ေလးကို ထိုျခစ္ရာ ပြန္းရာ ထင္တဲ့ေနရာမွာ ပြတ္တိုက္ေပးလိုက္ပါ။ အစြန္းအထင္းရာမ်ား ေပ်ာက္ၿပီး ပရိေဘာဂအသစ္တစ္လံုးရသြားသလား ထင္မွတ္သြားရပါလိမ့္မယ္။

ကားထဲမွာ ထည့္ထားမယ္

ကားထဲမွာ အနံ႔အသက္ေကာင္းဖို႔ရန္အတြက္ သစ္ၾကမ္းပိုးေခါက္ေလး ထည့္ထားလိုက္ပါ။ သစ္ၾကမ္းပိုးေခါက္မႈန္႔ရဲ႕ အနံ႔က စိတ္ဖိစီးမႈေတြကို ေျပေပ်ာက္ေစၿပီး တက္ၾကြလန္းဆန္းေစမွာပဲျဖစ္ပါတယ္။

ေျခေထာက္ အသားမာတက္ျခင္း၊ ေျခဖေနာင့္ကြဲျခင္းတို႔အတြက္

ေရ ၂၄၀ မီလီလီတာခန္႔ ( ၄ ခြက္ခန္႔) ထဲသို႔ သစ္ၾကမ္းပိုးေခါက္ ၁၀ ေခ်ာင္းထည့္ၿပီး က်ိဳခ်က္လိုက္ပါ။ ရ႐ွိလာတဲ့ေရကို အေအးခံၿပီးတဲ့ေနာက္မွာ ထိုေရေႏြးထဲသို႔ ေျခေထာက္ထည့္ၿပီး မိနစ္ ၂၀ ခန္႔ စိမ္ထားလိုက္ပါ။ ဒီနည္းလမ္းေလးကို မိမိအလို႐ွိတဲ့ အက်ိဳးရလဒ္ မရမခ်င္း ျပဳလုပ္ေပးႏိုင္ပါတယ္။

မအီမသာျဖစ္ျခင္း၊ ပ်ိဳ႕အန္ျခင္းတို႔အတြက္

သစ္ၾကမ္းပိုးေခါက္ထဲမွာ ပါဝင္တဲ့ Antioxidants က အစာအိမ္ျပႆနာမ်ားအတြက္ အထိေရာက္ဆံုး ေျဖ႐ွင္းေပးႏိုင္ပါတယ္။ ေရတစ္ဖန္ခြက္ခန္႔ (၆၀ မီလီလီတာခန္႔) ထဲသို႔ သစ္ၾကမ္းပိုးေခါက္တစ္ေခ်ာင္းထည့္ၿပီး ဆူပြက္လာေအာင္ တည္လိုက္ပါ။ ဆူပြက္လာပါက သစ္ၾကမ္းပိုးေခါက္ကို ဖယ္လိုက္ၿပီး အေအးခံလိုက္ပါ။ ေရေႏြးေႏြးေလးျဖစ္သြားရင္ေတာ့ ေသာက္သံုးေပးလို႔ရပါၿပီ။

Source: onegoodthingbyjillee.com