(Unicode)

လူတိုင်း လူတိုင်းက မိမိအိမ်ကို သန့်သန့်ရှင်းရှင်းသပ်သပ်ရပ်ရပ်လေးနဲ့ အင်းဆက်ပိုးမွှားများ ကင်းစင်စေချင်ကြပါတယ်။ ဒါပေမဲ့လည်း ဓာတုပိုးသတ်ဆေးတွေ အသုံးပြုမယ်ဆိုရင်တော့ ကျန်းမာရေးကို ထိခိုက်စေနိုင်ပါတယ်။ ထိုပိုးသတ်ဆေးတွေကို အစားအစာတွေပေါ်မှာ မတော်တဆ ပက်ဖြန်းမိမယ်ဆိုရင် အသက်အန္တရာယ်ကိုတောင် ထိခိုက်စေနိုင်ပါတယ်။

ဒါဆိုရင် အိမ်တွင်းမှာ သောင်းကျန်းနေတဲ့ အင်းဆက်ပိုးမွှားတွေကို ဘယ်လိုဖယ်ရှားကြမလဲ။

အခုဖော်ပြပေးမယ့် သဘာဝပစ္စည်းတွေ အသုံးပြုပြီး နှိမ်နင်းပေးလိုက်ပါ။

အိမ်ထဲမှာ ပိုးဟပ်တွေ သောင်းကျန်းနေတယ်ဆိုရင်

ကြက်သွန်နီ တစ်ဥကို ခပ်ပါးပါးလှီးဖြတ်ပြီးနောက် မုန့်ဖုတ်ဆိုဒါ လက်ဖက်ရည်ဇွန်း တစ်ဇွန်းနဲ့ သမအောင် ရောနှောလိုက်ပါ။ ထို့နောက် အိမ်နံရံရဲထောင့်စွန်းတွေမှာ ဖြူးထားလိုက်ပါ။ နေ့စဉ်နေ့တိုင်း ဖြူးထားပေးမယ်ဆိုရင် ရက်အတော်ကြာတဲ့အခါ ပိုးဟပ်များ ဝေးဝေးပြေးသွားပါလိမ့်မယ်။

သင်က ပင့်ကူတွေကို ကြောက်တတ်တဲ့သူလား

စပရေးဘူးထဲသို့ ရေ ၂၀၀ မီလီလီတာထည့်လိုက်ပါ။ ထို့နောက် ဆပ်ပြာရည် လက်ဖက်ရည်ဇွန်း လေးပုံတစ်ပုံ ထပ်ထည့်လိုက်ပါ။ ပက်ပါမင့် ၅ စက်မှ ၁၀ စက်ခန့် ထပ်ထည့်ပြီးနောက် စပရေးဘူးကို ကောင်းစွာ လှုပ်ခါပေးလိုက်ပါ။ ထို့နောက် ပင့်ကူများ ရှိနေတတ်တဲ့နေရာမှာ စပရေးဘူးကို ဖြန်းပေးလိုက်ပါ။
တစ်ပတ်ကို တစ်ကြိမ်ခန့် ဖြန်းပေးလိုက်မယ်ဆိုရင် သင့်အိမ်မှာ ပင့်ကူနဲ့ ပင့်ကူအိမ်တွေကို တွေ့မြင်ရတော့မှာ မဟုတ်ပါဘူး။ တကယ်လို့ ပက်ပါမင့်အဆီ မသုံးချင်ဘူးဆိုရင် လာဗန်ဒါအဆီ (သို့) Tea Tree အဆီတို့ကို အစားထိုး အသုံးပြုနိုင်ပါတယ်။

ပုရွက်ဆိတ်များကို ဝေးဝေးပြေးစေချင်တယ်ဆိုရင်

သစ်ကြမ်းပိုးခေါက်အမှုန့်လေးတွေကို ပုရွက်ဆိတ်များ သွားသွားလာလာရှိတတ်သော နေရာတစ်ဝိုက်မှာ ဖြူးထားလိုက်ပါ။ ပုရွက်ဆိတ်တွေက သစ်ကြမ်းပိုးခေါက်မှုန့်ရဲက အနံ့ကို အလွန်မုန်းကြပါတယ်။

သင့်ဥယျာဉ်ခြံအတွင်းက သစ်ပင်ပန်းမာန်လေးတွေထဲမှာ အင်းဆက်ပိုးကောင်တွေ ကျနေလို့ စိတ်ညစ်နေပါသလား

ငရုတ်ပွ ၉၀ ဂရမ်ကို ပါးပါးလှီးလိုက်ပါ။ ကြက်သွန်ဖြူ (သို့) ကြက်သွန်နီကိုလည်း ပါးပါးလှီးလိုက်ပါ။ ထို့နောက် သစ်သီးဖျော်စက်ထဲထည့်ပြီး အနှစ်များ ရလာသည်အထိ မွှေပေးလိုက်ပါ။ ထို့နောက် ရေနွေး ၅၀၀ မီလီလီတာနဲ့ ရောနှောပြီး နွေးတဲ့နေရာမှာ ၂၄ နာရီခန့် ထားထားလိုက်ပါ။ ထို့နောက် စပရေးဘူးထဲထည့်ပြီး ပိုးကောင်တွေ ကျနေတဲ့ သစ်ပင်ပန်းမာန်လေးတွေပေါ်မှာ ပက်ဖြန်းပေးလိုက်ပါ။
ဒါဆိုရင်တော့ သစ်ပင်ပန်းမာန်လေးတွေက ပိုးကောင်လေးတွေကင်းပြီး လှပနေမှာပဲဖြစ်ပါတယ်။

Source: Brightside.me

(Zawgyi)

လူတိုင္း လူတိုင္းက မိမိအိမ္ကို သန္႔သန္႔ရွင္းရွင္းသပ္သပ္ရပ္ရပ္ေလးနဲ႔ အင္းဆက္ပိုးမႊားမ်ား ကင္းစင္ေစခ်င္ၾကပါတယ္။ ဒါေပမဲ့လည္း ဓာတုပိုးသတ္ေဆးေတြ အသံုးျပဳမယ္ဆိုရင္ေတာ့ က်န္းမာေရးကို ထိခိုက္ေစႏိုင္ပါတယ္။ ထိုပိုးသတ္ေဆးေတြကို အစားအစာေတြေပၚမွာ မေတာ္တဆ ပက္ျဖန္းမိမယ္ဆိုရင္ အသက္အႏၲရာယ္ကိုေတာင္ ထိခိုက္ေစႏိုင္ပါတယ္။

ဒါဆိုရင္ အိမ္တြင္းမွာ ေသာင္းက်န္းေနတဲ့ အင္းဆက္ပိုးမႊားေတြကို ဘယ္လိုဖယ္ရွားၾကမလဲ။

အခုေဖာ္ျပေပးမယ့္ သဘာဝပစၥည္းေတြ အသံုးျပဳၿပီး ႏွိမ္နင္းေပးလိုက္ပါ။

အိမ္ထဲမွာ ပိုးဟပ္ေတြ ေသာင္းက်န္းေနတယ္ဆိုရင္

ၾကက္သြန္နီ တစ္ဥကို ခပ္ပါးပါးလွီးျဖတ္ၿပီးေနာက္ မုန္႔ဖုတ္ဆိုဒါ လက္ဖက္ရည္ဇြန္း တစ္ဇြန္းနဲ႔ သမေအာင္ ေရာေႏွာလိုက္ပါ။ ထို႔ေနာက္ အိမ္နံရံရဲေထာင့္စြန္းေတြမွာ ျဖဴးထားလိုက္ပါ။ ေန႔စဥ္ေန႔တိုင္း ျဖဴးထားေပးမယ္ဆိုရင္ ရက္အေတာ္ၾကာတဲ့အခါ ပိုးဟပ္မ်ား ေဝးေဝးေျပးသြားပါလိမ့္မယ္။

သင္က ပင့္ကူေတြကို ေၾကာက္တတ္တဲ့သူလား

စပေရးဘူးထဲသုိ႔ ေရ ၂၀၀ မီလီလီတာထည့္လိုက္ပါ။ ထို႔ေနာက္ ဆပ္ျပာရည္ လက္ဖက္ရည္ဇြန္း ေလးပံုတစ္ပံု ထပ္ထည့္လိုက္ပါ။ ပက္ပါမင့္ ၅ စက္မွ ၁၀ စက္ခန္႔ ထပ္ထည့္ၿပီးေနာက္ စပေရးဘူးကို ေကာင္းစြာ လႈပ္ခါေပးလိုက္ပါ။ ထို႔ေနာက္ ပင့္ကူမ်ား ရွိေနတတ္တဲ့ေနရာမွာ စပေရးဘူးကို ျဖန္းေပးလိုက္ပါ။

တစ္ပတ္ကို တစ္ႀကိမ္ခန္႔ ျဖန္းေပးလိုက္မယ္ဆိုရင္ သင့္အိမ္မွာ ပင့္ကူနဲ႔ ပင့္ကူအိမ္ေတြကို ေတြ႔ျမင္ရေတာ့မွာ မဟုတ္ပါဘူး။ တကယ္လို႔ ပက္ပါမင့္အဆီ မသံုးခ်င္ဘူးဆိုရင္ လာဗန္ဒါအဆီ (သို႔) Tea Tree အဆီတို႔ကို အစားထိုး အသံုးျပဳႏိုင္ပါတယ္။

ပုရြက္ဆိတ္မ်ားကို ေဝးေဝးေျပးေစခ်င္တယ္ဆိုရင္

သစ္ၾကမ္းပိုးေခါက္အမႈန္႔ေလးေတြကို ပုရြက္ဆိတ္မ်ား သြားသြားလာလာရွိတတ္ေသာ ေနရာတစ္ဝိုက္မွာ ျဖဴးထားလိုက္ပါ။ ပုရြက္ဆိတ္ေတြက သစ္ၾကမ္းပိုးေခါက္မႈန္႔ရဲက အနံ႔ကို အလြန္မုန္းၾကပါတယ္။

သင့္ဥယ်ာဥ္ၿခံအတြင္းက သစ္ပင္ပန္းမာန္ေလးေတြထဲမွာ အင္းဆက္ပိုးေကာင္ေတြ က်ေနလို႔ စိတ္ညစ္ေနပါသလား

ငရုတ္ပြ ၉၀ ဂရမ္ကို ပါးပါးလွီးလိုက္ပါ။ ၾကက္သြန္ျဖဴ (သို႔) ၾကက္သြန္နီကိုလည္း ပါးပါးလွီးလိုက္ပါ။ ထို႔ေနာက္ သစ္သီးေဖ်ာ္စက္ထဲထည့္ၿပီး အႏွစ္မ်ား ရလာသည္အထိ ေမႊေပးလိုက္ပါ။ ထို႔ေနာက္ ေရေႏြး ၅၀၀ မီလီလီတာနဲ႔ ေရာေႏွာၿပီး ေႏြးတဲ့ေနရာမွာ ၂၄ နာရီခန္႔ ထားထားလိုက္ပါ။ ထို႔ေနာက္ စပေရးဘူးထဲထည့္ၿပီး ပိုးေကာင္ေတြ က်ေနတဲ့ သစ္ပင္ပန္းမာန္ေလးေတြေပၚမွာ ပက္ျဖန္းေပးလိုက္ပါ။

ဒါဆိုရင္ေတာ့ သစ္ပင္ပန္းမာန္ေလးေတြက ပိုးေကာင္ေလးေတြကင္းၿပီး လွပေနမွာပဲျဖစ္ပါတယ္။

Source: Brightside.me