ပုစွန်စားခြင်းရဲ့ ကျန်းမာရေး အကျိုးကျေးဇူး

ပုစွန်ကြိုက်နှစ်သက်သူတွေအတွက်ကတော့ သတင်းကောင်းပါပဲ။ ပုစွန်မှာ Selenium ဓာတ်၊ ဗီတာမင် B12 ၊ ပရိုတင်း၊ Phosphorus၊ ကလိုရင်း၊ ကော့ပါး၊ အိုင်အိုဒင်း၊ ဗီတာမင် B3 ၊ ဇန့်၊ ဗီတာမင် E ၊ ဗီတာမင် B6 ၊ Omega 3 အဆီဓာတ်၊ Pantothenic အက်ဆစ် နဲ့ ဗီတာမင် A စသည်တို့ ပါဝင်ပါတယ်။

ကင်ဆာရောဂါကို ကာကွယ်နိုင်

အဆုတ်ကင်ဆာကဲ့သို့ကင်ဆာမျိုးကို ပုစွန်စားရင်းနဲ့ ကာကွယ်နိုင်ပါတယ်။ ပုစွန်မှာ Selenium ဓာတ်အများဆုံးပါဝင်တာကြောင့် ဒီဓာတ်က ကင်ဆာဆဲလ်တွေကြီးထွားမှုကို တားမြစ်ပေးပါတယ်။ ပုစွန်မှာပါဝင်တဲ့ Selenium ဓာတ်ကို ခန္ဓာကိုယ်က အလွယ်တကူ စုပ်ယူနိုင်ပါတယ်။

နှလုံးရောဂါ၊ ဆီးချိုနဲ့ စိတ်ဓာတ်ကျမှုကို ကာကွယ်ပေး

ကင်ဆာလိုပါဘဲ ပုစွန်မှာပါဝင်တဲ့ Selenium ဓာတ်က နှလုံးကို ထောက်ပံ့ကူညီပေးပါတယ်။ Selenium ဓာတ်မလုံလောက်ရင် နှလုံးရောဂါဖြစ်ပွားနိုင်ပါတယ်။

အဲ့ဒီအပြင် ပုစွန်မှာပါဝင်တဲ့ အာဟာရဓာတ်တချို့က ဆီးချိုမဖြစ်ပွားအောင်လည်း ကူညီပေးပါတယ်။

စိတ်ဓာတ်ကျနေရင်လည်း ပုစွန်တွေများများစားလိုက်ပါ။ ပုစွန်မှာပါဝင်တဲ့ Selenium ဓာတ်က စိတ်ဓာတ်ကျနေတာကို သက်သာပျောက်ကင်းအောင် လုပ်ဆောင်ပေးနိုင်ပါတယ်။

Omega 3 ကြွယ်ဝစွာပါဝင်

ပုစွန်မှာ Omega-3 ဓာတ်ကြွယ်ဝစွာပါဝင်ပြီး Omega-3 ဓာတ်က ဦးနှောက်ကျန်းမာရေးနဲ့ တခြားကျန်းမာရေးတွေအတွက် ကောင်းမွန်ပါတယ်။

ပရိုတင်းဓာတ်ကြွယ်ဝ

ပုစွန်က နွားနို့၊ ကြက်ဥတို့လိုဘဲ ပရိုတင်းဓာတ်ကြွယ်ဝပါတယ်။ ပရိုတင်းဓာတ်အကြွယ်ဝဆုံးအစားအစာတွေထဲမှာ ပုစွန်ပါဝင်ပါတယ်။ ပရိုတင်းဓာတ်က ခြေသည်းလက်သည်း၊ ဆံပင်ရှည်ဖို့နဲ့ ကြွက်သားတွေ ကြီးထွားစေဖို့ အရေးကြီးပါတယ်။

ပုစွန်ရဲ့ ဆိုးကျိုး

ပုစွန်ရဲ့ ကျန်းမာရေးဆိုးကျိုးတွေက အများကြီးမရှိပါဘူး။ ပုစွန်နဲ့မတည့်တဲ့သူက စားမိရင်တော့ အလက်ဂျစ်ဖြစ်တာမျိုးတော့ ရှိတတ်ပါတယ်။ အလက်ဂျစ်ဖြစ်တတ်သူဆိုရင်လည်း ပုစွန်ကို ချင့်ချိန်စားသင့်ပါတယ်။