ချစ်စရာအရောင်အသွေးနဲ့ အရသာရှိတဲ့ နှင်းသီးကို စားသုံးဖူးတယ်ဆိုရင်တော့ နှင်းသီးရဲ့ အရသာဘယ်လောက်ကောင်းတယ်ဆိုတာ ညွှန်းစရာလိုမယ်မထင်ပါဘူးနော်။
အရသာကောင်းရုံတင်မက အဟာရဓါတ်လည်း အများအပြားပါဝင်ပါတယ်။ နှင်းသီးမှာ အမျိုးအစား ၂ မျိုးထက်ပိုပြီးရှိပြီး အရသာတွေလည်းမတူပါဘူး။
အရောင်တွေ အမျိုးမျိုးရှိတဲ့ နှင်းသီး
အဖြူရောင်၊ နှင်းဆီရောင်၊ ချယ်ရီရောင်၊ အစိမ်းရောင် ဆိုပြီး အမျိုးမျိုးရှိပါတယ်။နူးညံပြီး နည်းနည်းလေး ချိုသလိုလို ချဉ်သလိုလိုပါပဲ။ ရေဓါတ်လည်းမြင့်မားစွာပါဝင်ပြီးတော့ အရှေ့တောင်အာရှမှာ အဓိကတွေ့ရတဲ့ အသီးဖြစ်ပါတယ်။
ရေဓါတ်ခမ်းခြောက်ခြင်းကို ကာကွယ်ပေးတယ်
ရေဓါတ်ကြွယ်ဝစွာပါဝင်လို့ ရေဓါတ်ခမ်းခြောက်ခြင်းကို ကာကွယ်ပေးနိုင်ပါတယ်။
မျက်လုံးကို ကျန်းမာစေတယ်
မျက်လုံးကျန်းမာရေးအတွက် အဓိကလိုအပ်တဲ့ ဗီတာမင် A ပါဝင်လို့ မျက်လုံးကိုကျန်းမာစေပါတယ်။ ကွန်ပျူတာအကြာကြီးကြည့်လို့ မျက်လုံးညောင်းတာ ကိုက်တာတွေကိုလည်း သက်သာစေပါတယ်။
အမျိုးသမီးတွေအတွက် အားဆေး
အဟာရဓါတ်များစွာပါဝင်တဲ့ နှင်းသီးဟာ ကလေးမွေးဖွားမှုနှုန်းကိုတိုးတက်စေပါတယ်။ သံဓါတ်ပါဝင်လို့လည်း ကိုယ်ဝန်ဆောင်တွေအတွက်ကောင်းမွန်သလို အမျိုးသမီးတွေ သွေးအားနည်းရောဂါဖြစ်ပွားမှုကိုလည်း ကာကွယ်ပေးနိုင်ပါတယ်။
သွားနဲ့ သွားဖုံးကျန်းမာရေး
ကယ်လ်ဆီယမ်၊ ပိုတက်ဆီယမ်ဓါတ်တွေပါဝင်ပြီး သွားနဲ့ သွားဖုံးကို ကျန်းမာစေသလို အရိုးကိုလည်း သန်မာစေပါတယ်။
ဒါတင်မကသေးပါဘူး ကိုယ်ခံအားစနစ်ကိုကောင်းမွန်စေလို့ ရောဂါအမျိုးမျိုးဝင်ရောက်ခြင်းကနေလည်း ကာကွယ်ပေးနိုင်ပါတယ်။ ဗီတာမင်C ပါဝင်လို့လည်း အသားအရေကို နုပျိုစိုပြေစေပြီး အိုမင်းရင့်ရော်မှုကို ကာကွယ်ပေးနိုင်ပါတယ်။
