ဆီးချိုရောဂါဟာ ဒီကနေ့ ကမ္ဘာပေါ်မှာ အဖြစ်များတဲ့ ရောဂါတစ်မျိုးပါ။
ပန်ကရိယ (Pancreas) ကနေ အင်ဆူလင်ပမာဏကို မထုတ်ပေးတော့တဲ့အခါ ဒါမှမဟုတ်အလုံအလောက် မထုတ်ပေးနိုင်တော့တဲ့အခါမှာ ဖြစ်ပေါ်လာတာပါ။
ဆီးချိုရဲ့လက္ခဏာများ
ပုံမှန်ထက် ဆီးသွားများတာ
ရေအရမ်းငတ်တာ
ကိုယ်အလေးချိန်ကျတာ
လိင်အင်္ဂါတွေမှာ နာကျင်တာ
အနာအကျက်နှေးတာ
အမြင်အာရုံေ၀ဝါးတာနဲ့
ပင်ပန်းနွမ်းနယ်လွယ်တာ ဖြစ်ပါတယ်။
ဆီးချိုရောဂါအမျိုးအစား
ဆီးချိုကို တချို့တွေက သွေးချိုခေါ်ပါတယ်။ ဆီးစစ်တာကိုဆီးချို၊ သွေးစစ်တော့သွေးချို၊ အတူတူပါပဲ။ ဆီးချိုမှာ အမျိုးအစား ၂ မျိုး ပဲရှိတယ်ထင်ကြပါတယ်။ တကယ်တော့ ၃ မျိုးရှိတာပါ။
၁။ Type 1 Diabetes ကိုယ်ခန္ဓာကနေ အချိုဓါတ်ကို ထိန်းညှိပေးတဲ့ သရက်ရွက်ကနေ ထုတ်ပေးရမဲ့ Insulin ဟော်မုန်း မထုတ်နိုင်တာ။ ငယ်ရွယ်တဲ့သူတွေမှာ ဖြစ်ပါတယ်။
၂။ Type 2 Diabetes (အင်စူလင်) ဟော်မုန်းကို ခံနိုင်ရည်ဖြစ်နေတာ။ လူတွေ အများဆုံးဖြစ်တယ်။
၃။ Gestational Diabetes ကိုယ်ဝန်ဆောင်နေချိန်မှာဖြစ်ပါတယ်။
ဆီချိုအမျိုးအစား ၁ နဲ့ ၂ ကတော့ လုံးဝပျောက်သွားတယ်လို့မရှိပါဘူး။ အမျိုးအစား ၃ ကနေ ကလေးမွေးပြီးရင် ပျောက်ကင်းသွားတာများပါတယ်။ ၁ နဲ့ ၂ က လုံးဝပျောက်ကင်းမသွားပေမဲ့ ဆီးချို ပမာဏထိန်းပြီး သက်တမ်းစေ့နေထိုင်နိုင်ပါတယ်။
သရက်ရွက်ကို ပြုတ်မယ်
သရက်ရွက်အနု ၁၀ ရွက်ကနေ ၁၅ ရွက်လောက် ယူပြီး ရေတစ်ခွက်ထည့်ကာ ဆူအောင် ပြုတ်ပေးပါ။
ပြီးရင် တစ်ညလောက်သိပ်ထားပြီး မနက်ခင်း အစားမစာခင် သောက်ပေးပါ။
ဒီနည်းလမ်းကို ၂ လက် (သို့) ၃ လလောက်ဆက်တိုက်လုပ်ပေးသင့်ပါတယ်။
သရက်ရွက်ကို ရေသေချာဆေးပြီး မှောင်တဲ့နေရာမှာထားပြီး အခြောက်ထားပါ။ ပြီးရင် အရွက်ကို အမှုန့်ဖြစ်အောင်ချေလိုက်ပြီး တစ်ရက်ကို လက်ဖက်ရည်ဇွန်း တစ်ဝက်လောက်နဲ့ တစ်နေ့ ၂ ကြိမ်သောက်ပေးပါ။
သရက်ရွက်မှာ ကျန်းမာရေးကိုအထောက်အကူပြုစေတဲ့ ဗီတာမင် ၊ Antioxidant နဲ့ တခြား သတ္တုဓါတ်တွေ ကြွယ်ဝစွာပါဝင်ပါတယ်။ ဒါ့ကြောင့် အအေးမိတာ၊ ဖျားနာတာ ၊ ဝမ်းလျှောတာ၊ အိပ်မပျော်တာ၊ ပန်းနာရင်ကြပ်နဲ့ ချောင်းဆိုတာတွေကို သက်သာပျောက်ကင်းစေပါတယ်။ ဒါ့အပြင် သွေးတိုးကျစေပါတယ်။
