အိမ်မှာပဲ ထောပတ်သီးလေးတွေ သီးလာအောင် ဘယ်လို စိုက်ကြမလဲ ဆိုတဲ့ အကြောင်းလေး မျှဝေချင်ပါတယ်။ ထောပတ်ပင်ဟာ အပင်ကြီးမျိုး ဖြစ်ပြီး နေရာကျယ်ဝန်းတဲ့ နေရာတွေမှာပဲ စိုက်ကြတာ များပါတယ်။ အခုလို အိမ်မှာပဲ စိုက်လို့ရတဲ့ နည်းလေးကတော့ အင်တာနက်ကနေ တွေ့ထားတာပါ။

ထောပတ်သီးဟာ ကျန်းမာရေးနဲ့ ညီညွှတ်တဲ့ အသီးဖြစ်ပါတယ်။ ထောပတ်သီးမှာ B5, B6, ဗီတာမင်စီ၊ ဗီတာမင်ကေ၊ ဗီတာမင်အီးနဲ့ ပိုတက်စီယမ်တွေ ပါဝင်ပါတယ်။ အမျှင်ဓာတ်နဲ့ အိုမီဂါဖက်တီးအက်ဆစ်တွေ ကြွယ်ဝပြီး နှလုံးကျန်းမာရေးအတွက် သံလွင်ဆီလိုပဲ ကောင်းမွန်စေပါတယ်။

အပင်စိုက်ဖို့ ဝါသနာပါပြီး မြေနေရာ ကျယ်ကျယ်မရှိတဲ့ လူတွေအတွက် ထောပတ်သီးကို ဘယ်လိုစိုက်ပျိုးရမလဲဆိုတာ မျှဝေပါမယ်။ ကုန်ကျစရိတ် နည်းပါးပြီး လွယ်ကူပါတယ်။

ပြုလုပ်ပုံ အဆင့်ဆင့်ကတော့

၁။ ထောပတ်သီးရဲ့ အစေ့ကို ယူပြီး သွားကြားထိုးတံ ၄ချောင်းကို စိုက်ပါ။ အစေ့ရဲ့ အလယ်နေရာကို မှန်းပြီး စိုက်ပါ။ ၄ချောင်း အကွာအဝေးကို တူညီအောင် စိုက်ပါ။

a

၂။ သွားကြားထိုးတံ စိုက်ထားတဲ့ ထောပတ်သီးအစေ့ကို ရေခွက်ထဲ ထည့်ပါ။ ရေထဲ မြုပ်အောင် ပုံမှာ ပြထားတဲ့ အတိုင်း ထည့်ထားပါ။

၃။ ရေခွက်ကို နေရောင် တိုက်ရိုက်မရတဲ့ နေရာမှာ ၂ပတ်ကနေ ၆ပတ်အထိ ထားပါ။

b

၄။ အဲ့ဒီအချိန်အတွင်းမှာနပဲ အမြစ်နဲ့ အကိုင်းအခက်လေးတွေ စထွက်လာပါလိမ့်မယ်။ အကိုင်းအခက်တွေ ၆လက်မလောက် ရှည်တဲ့အခါ ၃လက်မလောက် ဖြတ်ပစ်လိုက်ပါ။ ဒါမှ ပိုပြီး သန်မာတဲ့ အကိုင်းအခက်နဲ့ အမြစ်တွေ ထပ်ထွက်လာမှာပါ။

c

၅။ အိုးတစ်လုံးထဲကို မြေဆွေးစပ်ထားတဲ့ မြေတွေ ထည့်ပါ။ အလယ်တည့်တည့်မှာ အပင်ပေါက်နေတဲ့ ထောပတ်သီးအစေ့ကို ထည့်ပါ။ ပြီးရင် အမြစ်လေးတွေကို မြေပြန်အုပ်ထားပေးပါ။

၆။ ရေအနည်းငယ်ကို နေ့စဉ်လောင်းပေးပါ။ အရွက်လေးတွေ အဝါရောင်ဖြစ်လာပြီဆိုရင် ရေပမာဏ နည်းလို့ပါ။ အညိုရောင် ပြောင်းလာပြီဆိုရင်တော့ ရေကောင်းကောင်းမရလို့ဆိုတာ သတိထားပေးပါ။

၇။ ရေပုံမှန်လောင်းပေးပြီး အပင်ကြီး ထွားလာတာကို စောင့်ပါ။

Credit: finelivingadvice