၀နေသူတွေ ပိန်ချင်ကြသလို ပိန်နေသူတွေလည်း ဝချင်ကြပါတယ်။ ဝချင်တယ်ဆိုပေမယ့် ကျန်းမာရေးနဲ့အညီ ဝလာဖို့က အားလုံးရဲ့ဆန္ဒ ဖြစ်မယ်ထင်ပါတယ်။ ဝိတ်ချသူတွေလိုပဲ Diet Plan တွေကို စားပေးလို့ ရပါတယ်။ Weight Gain ဟာလည်း အချို့အစားအစာတွေဟာ ကိုယ်နဲ့ အဆင်ပြေမှု ရှိမရှိ ကိုယ်က နဂိုအခံ ကျန်းမာရေး အားနည်းချက်တွေ ရှိမယ်ဆိုရင် ဆရာဝန်နဲ့ အရင်ဦးဆုံး တိုင်ပင်သင့်ပါတယ်။
Weight Gain Plan
Source: Medical News Today
တစ်နေ့မှာ ကယ်လိုရီ ၅၀၀- ၁၀၀၀ ကြား ပိုပြီး စားပေးခြင်းဟာ တစ်ပတ်မှာ ၂ပေါင် အနည်းဆုံး တက်စေပါတယ်။ Diet ပညာရှင် Elena ရဲ့ ဆောင်းပါးမှာတော့ အရွယ်ရောက်ပြီး အမျိုးသမီး တစ်ယောက်ဟာ တစ်နေ့ကို ၁၆၀၀ – ၂၄၀၀ စားပေးဖို့ လိုအပ်ပြီး Weight Gain Plan မှာတော့ ၂၁၀၀ – ၃၄၀၀ အတွင်း စားပေးရပါမယ်။ တစ်ဦးနဲ့ တစ်ဦး ဖွဲ့စည်းပုံ မတူညီတဲ့ အတွက် တက်လာတဲ့ ကိုယ်အလေးချိန်ကတော့ တစ်ယောက်နဲ့ တစ်ယောက် တူမှာ မဟုတ်ပါဘူး။
အရေးအကြီးဆုံး အချက်ကတော့ တစ်နေ့မှာ ၃ကြိမ် စားနေတာကို ၆ကြိမ် အဖြစ် ပြောင်းရပါမယ်။
မနက်စာ
မနက်ပိုင်းဟာ သင့်အတွက် အလွန်အရေးကြီးတဲ့ အချိန်ပါ။ မနက်စာကို ကျန်းမာရေးနဲ့ အညီ စားသုံးပြီး ဝိတ်တက်အောင် လုပ်ပေးပါ။
– Low Fat Milk တစ်ခွက် နဲ့ Oatmeal ကို ရောစားပါ
– Almonds ၁၂ ခု ထပ်ထည့်ပါ
– စပျစ်သီးခြောက် စားပွဲတင်ဇွန်း ၃ဇွန်း
အားလုံးပေါင်းရင် ကယ်လိုရီ ၄၆၀ ရှိပါတယ်။
– လိမ္မော်ရည် တစ်ခွက်
– ပေါင်မုန့်မီးကင် ၁ချပ်ကို Peanut Butter နဲ့ သုတ်စားပါ။
– ၁၀၀% အသီးဂျယ်လီစားပါ။
အားလုံးပေါင်းရင် ကယ်လိုရီ ၄၅၀ ရှိပါတယ်။
မနက်စာကို ကြိုက်နှစ်သက်တဲ့ Plan တစ်ခုကို စားပါ။
နေ့လည်စာ
အသီးတွေနဲ့ ဟင်းသီးဟင်းရွက်တွေကိုစားပါ။ သူတို့ဟာ ကယ်လိုရီနည်းနည်းပဲ ပါတာ မှန်ပေမယ့် ကျန်းမာရေးနဲ့ ညီညွှတ်စေမယ့် အာဟာရဓာတ်တွေ ပါဝင်တာကြောင့် စားပေးရပါမယ်။ နေ့လည်စာကို
– ကြက်သား ၃အောင်စ ပါအောင် စားပါ။
– Swiss Cheese ၁အောင်စ
– ခရမ်းချဉ်သီး၊ ဆလပ်ရွက်၊ကြက်သွန်နီ၊ ပဲ၊ သံလွင်ဆီနဲ့ သုပ်ပါ။
ကယ်လိုရီ ၄၇၅ ရှိပါတယ်။
ထမင်းနဲ့ ဟင်းစားမယ်ဆိုရင်လည်း အသီးအရွက်နဲ့ ကြက်သားကို ပါအောင်စားပါ။ ဆီကိုတော့ လျှော့ပါ။ ကျန်းမာပြီး ဝလာအောင် လုပ်မှာဖြစ်လို့ မလိုအပ်တဲ့ အဆီတွေကို မပါစေချင်ပါဘူး။
ညစာ
ကြက်ဥ၊ ပဲ၊ ချိစ် နဲ့ ပင်လယ်စာတွေကို အဆင်ပြေသလို တစ်ပတ်လုံးမှာ ပြောင်းစားပါ။ ညစာမှာ အာလူးကင် ၁လုံးစားပေးပါ။ တူနာငါး ဘူးဝက်စားပါ။ နွားနို့တစ်ခွက်သောက်ပါ။ ကယ်လိုရီ ၅၂၀ ရှိပါတယ်။
ဒီကြားထဲမှာ ကယ်လိုရီ ၂၀၀-၃၀၀ ကြားရှိမယ့် အစားအစာတွေကို စားပေးပါ။ တစ်နေ့ကို ၆ကြိမ်စားပါ။ အခြား အသီးအနှံတွေကိုလည်း စားလို့ရပါတယ်။ ဒါပေမယ့် ဗီတာမင်စီ ပါဝင်တဲ့ ရှောက်သီး၊ လိမ္မော်သီး၊ ရှောက်ချိုသီး၊ ကျွဲကောသီးတွေကိုတော့ သိပ်အများကြီး မစားပါနဲ့။
Source: livestrong
