ရင်သွေးငယ်တွေကို အစားစားခိုင်းဖို့ဆိုတာ အင်မတန်ကိုခက်ခဲတဲ့အလုပ်တစ်ခုဖြစ်ပြီး အထူးသဖြင့် အစားအသောက်ချေးများသည့် ကလေးတွေဆိုရင် ပိုလို့တောင်ဆိုးရွားပါသေးတယ်။
ထို့ကြောင့် ကလေးတိုင်း အစာစားချိန်မှန်ကန်ကာ နှစ်ခြိုက်စွာစားသုံးနိုင်စေရန် လုပ်ဆောင်နိုင်မယ့် နည်းလမ်းကောင်းလေးတွေကို ဖော်ပြပေးလိုက်ရပါတယ်။
၁။ ကလေးများကြိုက်နှစ်သက်မည့်အစာတွေကိုပြုလုပ်ပါ။
ဟိုအစားဒီအစားရွေးချယ်စားသောက်မည်ဆိုလျှင် ချက်ထားသမျှဟာ အလကားဖြစ်သွားမှာဖြစ်ပြီး လုံလောက်သည့်အာဟာရဓာတ်ကို ကလေးများရရှိနိုင်တော့မည်မဟုတ်ပေ။
၂။ ရွေးချယ်မှုတွေပေးပါ။
ရွေးချယ်စရာပိုရှိလာမယ်ဆိုရင် အစားပိုစားနိုင်မယ့်အခွင့်အရေးလည်း ပိုများလာနိုင်ပါတယ်။ ဥပမာအနေဖြင့် ကြက်သားဟင်းချက်သည့်အခါမှာ အခြားအမျိုးအမယ်များနှင့် ရောစပ်ချက်ပေးပါ။
၃။ ကလေးတွေမည်သည့်အစားအစာကြိုက်သလဲ သိအောင်လုပ်ပါ။
သူတို့ဘာအစားအစာတွေကြိုက်သလဲ သို့မဟုတ် ညစာအတွက် ဘာစားချင်သလဲဆိုတာတွေကို ကြိုတင်မေးပြီး ပြင်ဆင်ပါ။
၄။ ရောစပ်ပစ်ပါ။
တူညီသည့်အစားအစာကို စားသောက်တယ်ဆိုစေကာမူ ကွဲပြားသည့်ဟင်းလျာအသစ်ဖြင့် ပြောင်းလဲချက်ကြည့်ပါ။ ဥပမာအနေဖြင့် တနေ့ကအမဲသားနှင့်ထမင်းစားခဲ့သည်ဆိုလျှင် ဒီနေ့အတွက် အမဲသားနှင့် ပန်းဂေါ်ဖီစိမ်း သို့မဟုတ် ဆော့စ်တစ်မျိုးမျိုးနှင့် ပေါင်းစပ်ချက်ပြုတ်ပေးနိုင်ပါတယ်။
၅။ ကျန်းမာရေးနှင့်ညီညွတ်မည့် အရာများကိုသာရွေးချယ်ပါ။
ကလေးများလည်း ကြိုက်နှစ်သက်ပြီး ကျန်းမာရေးအတွက်လည်း ကောင်းကျိုးပေးစွမ်းနိုင်မည့် အစားအစာများ၊ ချက်ပြုတ်နည်းများကို ရွေးချယ်ပေးခြင်းက အဖက်ဖက်မှကြည့်လျှင် အကောင်းဆုံးပဲဖြစ်ပါတယ်။
