မင်္ဂလာပါနော်။ အခုတလော ညညအိပ်မပျော်ဘူးဖြစ်နေလားရှင့်။
အိပ်မပျော်လို့ မနက်စောစောမထနိုင် လုပ်စရာရှိလို့ အတင်းကုန်းရုန်းထရပေမဲ့ တစ်နေကုန်ဘာလုပ်လုပ်အဆင်မပြေဖြစ်နေလား။ အိပ်မပျော်ပါဘူးဆို Facebook ကြည့်လိုက် ဂိမ်းဆော့လိုက်နဲ့မို့ ပိုပြီး အိပ်မပျော်ဖြစ်နေလား။ ဒါဆိုရင်တော့ တစ်ခုခုလုပ်ဖို့လိုပါပြီ။
အိပ်မပျော်ခြင်း
အိပ်မပျော်တာဟာ စိတ်ဖိစီးမှု စိတ်ဓါတ်ကျမှု စိုးရိမ်ပူပန်မှုတွေနဲ့ တခြား လူမှုရေး စီးပွားရေးပြဿနာတွေကြောင့် ဖြစ်နိုင်ပါတယ်။ အိပ်ယာဝင်ချိန်မှာ အဲဒီအကြောင်းအရာတွေ စဉ်းစားမိရင်း ပိုပိုလို့ ညည့်နက်လာလေလေ အိပ်မပျော်လေလေပါပဲ။
ကဲဘယ်လိုဖြေရှင်းကြမလဲ
အဓိကရှောင်ရမဲ့အချက်တွေကို အရင်ပြောပြပါမယ်။ TV မကြည့်ပါနဲ့။ အိပ်ယာအဝင်ခင် ၁ နာရီလောက်အတွင်း ကွန်ပျူတာနဲ့ အလုပ်မလုပ်ပါနဲ့။ ဒါတွေက အိပ်ပျော်ဖို့အတွက် များစွာအထောက်အကူဖြစ်မှာပါ။ သီချင်းအေးအေးလေးတွေ နားထောင်ပါ။ နားထောင်တဲ့အခါ အာရုံစူးစိုက်ပြီး အဓိပ္ပာယ်ဖော်ပြီးနားထောင်ပေးပါ။
သဘာဝနည်းလမ်းနဲ့လည်း ပြုလုပ်ကြည့်မယ်
ဆား လက်ဖက်ရည်ဇွန်း ၁ ဇွန်း
သကြားအညို လက်ဖက်ရည်ဇွန်း ၅ ဇွန်း
ပြုလုပ်နည်း
ပါဝင်ပစ္စည်းတွေကိုရောပြီး အဲဒီရောထားတဲ့ ဆားနဲ့သကြား လက်ဖက်ရည်ဇွန်း တစ်ဝက်လောက်ကို လျှာအောက်မှာထားပါ။ မကြာခင်မှာ အရည်ပျော်သွားမှာဖြစ်ပါတယ်။ အဲဒါကို မျိုချနိုင်ပါတယ်။ ဆားနဲ့ သကြားပမာဏကို ၁ : ၅ ထည့်ဖို့လိုပါတယ်။
အိပ်ရေးဝလို့ အိပ်မက်လှလှမက်ကြပါစေ။
