ငုံးဥလို့ ပြောလိုက်တာနဲ့ တစ်ထောင်ဖိုး ၃ထုပ်နဲ့ လိုက်ရောင်းနေတဲ့ ကားဂိတ်က ချာတိတ်အချို့ကို ပြေးမြင်မိကြပါလိမ့်မယ်။
ငုံးဥကို မြန်မာပြည်မှာတော့ သရေစာ အနေနဲ့သာ စားကြတာ များပြီး အခြားဟင်းတစ်ခုခုမှာ ထည့်တဲ့ ဖြည့်စွက်စာ အနေနဲ့ ထည့်ပြီး စားကြတာများပါတယ်။ ဟင်းအနေနဲ့ ချက်စားကြတာ နည်းပါတယ်။ ငုံးဥကို မသိသူ ရှားပေမယ့် သူ့ရဲ့ အာဟာရသတ္တိတွေ အကြောင်းတော့ သိသူ နည်းပါလိမ့်မယ်။
ငုံးဥမှာ ပါဝင်တဲ့ အာဟာရဓာတ်တွေဟာ ကြက်ဥနှစ်လုံးစာနဲ့ ညီမျှတယ်လို့ ဆိုကြပါတယ်။ ငုံးဥမှာ ပရိုတင်း၊ ကောင်းမွန်တဲ့ အဆီဓာတ်၊ သံဓာတ်၊ ဗီတာမင်အေ၊ ဗီတာမင်B1,B2၊ ကယ်လ်ဆီယမ်၊ မီးစုန်းဓာတ်၊ ဆိုဒီယမ်၊ မဂ္ဂနီဆီယမ်၊ သတ္တုဓာတ်တွေ များစွာ ပါဝင်ပါတယ်။
ငုံးဥကို အာဟာရ မြန်မြန်ပြည့်ဝဖို့ လိုတဲ့ နာလန်ထ လူမမာတွေ စားသုံးဖို့ အသင့်တော်ဆုံးဖြစ်ပြီး အသက်အရွယ် ကြီးရင့်သူတွေနဲ့ သွေးအားနည်းသူတွေ စားသုံးသင့်ပါတယ်။
ငုံးဥကို ရေခဲသေတ္တာထဲ ထည့်သိမ်းမယ်ဆိုရင် ၂ပတ်လောက်ထိပဲ အကြာဆုံး ထားသင့်ပါတယ်။ ငုံးဥကို လတ်လတ်ဆတ်ဆတ် ဝယ်စားရင်တော့ အကောင်းဆုံးပါပဲ။
ငုံးဥဟာ အဆုတ်နဲ့ အူလမ်းကြောင်းတို့ကို ကောင်းမွန်စေဖို့ ကူညီပါတယ်။ သရက်ရွက်ကို အားကောင်းစေပြီး ဆီးချိုရောဂါ ကုသရာမှာလည်း ကူညီပါတယ်။
ငုံးဥဟာ သွေးကြောတွေကို ကောင်းမွန်စေပြီး နှလုံးသွေးကြောမပိတ်စေဖို့ အထောက်အကူ ဖြစ်စေပါတယ်။ အစာအိမ် အားနည်းသူတွေကတော့ နွားနို့နဲ့ ငုံးဥကို တွဲစားပေးကြပါတယ်။
အသည်းနဲ့ ကျောက်ကပ်ရဲ့ လိုအပ်တဲ့ အာဟာရကို ငုံးဥက ဖြည့်တင်းနိုင်ပြီး ပန်းသေပန်းညိုးခြင်းကိုလည်း ပြန်လည်ကောင်းမွန်စေဖို့ ကူညီပါတယ်။
Credit: paleomagazine
Featured Image Source: CBC.ca
