ကနေဒါနိုင်ငံ ကနေဒါတက္ကသိုလ်ရဲ့ သုတေသနပြုချက်အရ ဝိုင်နီ တစ်ခွက်ကိုသောက်ပေးတာဟာ လေ့ကျင့်ခန်း ၁ နာရီစာလုပ်ပေးတာနဲ့ အကျိုးကျေးဇူးနဲ့ ညီမျှတယ်လို့ ထုတ်ပြန်ခဲ့ပါတယ်။
လေ့ကျင့်ခန်းမလုပ်နိုင်တဲ့ ဝိုင်ချစ်သူတို့အတွက်တော့ သတင်းကောင်းတစ်ခုပါပဲ။ သုတေသီတွေဟာ ဝိုင်နီမှာတွေ့ရတဲ့ ကွန်ပေါင်းတစ်မျိုးဖြစ်တဲ့ Resveratrol ဓါတ်ကိုတွေ့ရှိခဲ့ပြီး ကြွက်သားတွေကို သန်မာစေသလို ၊ နှလုံးရဲ့ လုပ်ဆောင်မှုကိုတိုးတက် ဆိုပါတယ်။
ဒါဟာ ဝိုင်နီနဲ့ ပတ်သတ်ပြီး သုတေသီတွေ ထုတ်ပြန်လိုက်တဲ့ သတင်းကောင်းတေါထဲက တစ်ခုပါ။ သုတေသီတွေဟာ ဝိုင်နီရဲ့ အကျိုးကျေးဇူးတွေကို ဖော်ပြရာမှာ
သွေးတွင်းသကြားဓါတ်ကို ထိန်းညှိပေးနိုင်တယ်
နှလုံးကျန်းမာရေးအတွက်ကောင်းမွန်တယ်
ကင်ဆာကို တိုက်ဖျက်နိုင်တယ်
ဦးနှောက်ချို့တဲ့မှုကို တားဆီးပေးနိုင်တယ် လို့ဆိုပါတယ်။
ဘယ်လောက်များများသောက်ရမလဲ
ဝိုင်နီ တစ်ခွက်က Gym ၁ နာရီစာကစားတာနဲ့ ညီမျှတယ်လို့ အကြံပြုထားတာဖြစ်ပြီး Gym လုံး၀ ကစားခြင်းမပြုဖို့လည်း အကြံပြုထားတာတော့မဟုတ်ပါဘူး။ အရက်သောက်သုံးမှုပမာဧများတာဟာ ရေရှည်အတွက် ဆိုးကျိုးဖြစ်စေပါတယ်။ ဒါ့ကြောင့်လည်း သုတေသီတွေက ဝိုင်နီ အနည်းငယ်ကသာ ခန္တာကိုယ်အတွက် ကောင်းမွန်တယ်လို့ ဆိုထားပါတယ်။
သုတေသနပြုချက်
သုတေသီတွေကို ကနေဒါကျန်းမာရေးရှာဖွေမှု အင်စတီကျု့စ်က ငွေကြေးထောက်ပံံ့ပေးခဲ့တာဖြစ်ပြီးတော့ Alberta ပြည်နယ် ဆီးချိုဝေဒနာရှင်များ အင်စတီကျူ့စ်က ဆီးချိုဝေဒနာရှင်တွေကို စမ်းသတ်ခဲ့ပါတယ်။ ဒီလိုစမ်းသတ်တဲ့အခါမှာ ဆီးချို ဝေဒနာရှင်တို့ရဲ့ နှလုံးလုပ်ဆောင်မှုဟာ ပိုမိုကောင်းမွန်လာတာကို တွေ့ရှိခဲ့ရပါတယ်။
ဝိုင်မသောက်ချင်သူတွေအတွက်
ဝိုင်မသောက်ချင်ဘူးဆိုရင်တော့ Blueberries သီးတွေ၊ စပျစ်သီးအနီရောင် နဲ့ အမဲရောင်ချော့ကလက်တို့ကို စားသုံးနိုင်ပါတယ်။
