ကမ္ဘာပေါ်မှာ လူဦးရေ သန်း ၅၀၀ကျော်လောက်က အဝလွန်တဲ့ရောဂါနဲ့ရင်ဆိုင်နေရပါတယ်။

ဒါ့ကြောင့် သိပ္ပံပညာရှင်တွေက အခုနောက်ပိုင်းလူတွေဘာကြောင့် ကိုယ်အလေးချိန်တက်ရသလဲဆိုတာ လေ့လာခဲ့ကြပါတယ်။

အိမ်ထမင်း၊ အိမ်ဟင်းမစားခြင်း

အခုနောက်ပိုင်းလူတွေက တစ်ယောက်တည်းနေထိုင်တာများတာကြောင့် အိမ်မှာထမင်းချက်စားတဲ့ အလေ့အထနည်းကြပါတယ်။

ပြင်ပ အစားအစာတွေက ကိုယ်အလေးချိန်ကို ပိုတက်စေပါတယ်။ အဲ့ဒီအပြင် မိသားစုလိုက် ထမင်းစားရင် စိတ်ပိုင်းဆိုင်ရာ ခံစားဆက်နွယ်ချက်တွေက စိတ်ရော၊ကိုယ်ပါ ကျန်းမာစေပါတယ်။

တစ်ပတ်မှာမိသားစုနဲ့ ၃ ကြိမ်ထက်မနည်းစားတဲ့ ကလေးတွေက တခြားကလေးတွေထက် ကျန်းမာတဲ့အစားအစာ စားသောက်နိုင်ရနှုန်း ၂၄ ရာခိုင်နှုန်းပိုများပါတယ်။

မွေးဖွားတဲ့ နှစ်နဲ့သက်ဆိုင်

ဝစေတဲ့ ဓာတ်တွေက မျိုးရိုးဗီဇထဲမှာတောင် ရောက်ရှိနေတာကြောင့် ၁၉၄၂ ခုနှစ်နောက်ပိုင်းမွေးသူတွေက ပိုပြီး ကိုယ်အလေးချိန် တက်နိုင်ပါတယ်။

စားသောက်ဆိုင်တွေမှာရှိတဲ့ ဂန္တဝင် တေးဂီတ

စားသောက်ဆိုင်တွေမှာ ဂန္တဝင် တေးဂီတ ငြိမ့်ငြိမ့်လေးတွေ ဖွင့်ထားရင်သေချာပါတယ် သင်အစားအစာ များများစားမိပြီဘဲ။

ဂန္တဝင်တေးဂီတငြိမ့်ငြိမ့်လေး ဖွင့်ထားရင် စားသောက်ဆိုင်မှာ အချိန်ပိုဖြုန်းချင်ပြီး အစားအစာတွေပိုမှာစားမိပါလိမ့်မယ်။ သင့်ကိုလည်း ဗိုက်ပိုဆာစေပါတယ်။

ညဖက် အလုပ်လုပ်ခြင်း

ညဖက် အလုပ်လုပ်ရရင် လူသားတွေရဲ့ ဇီဝကမ္မဖြစ်စဉ်ကို ဖောက်ဖျက်ရာကျပြီး ကိုယ်အလေးချိန်ကို တက်စေပါတယ်။ အများအားဖြင့် လူသားတွေကို နေ့ဘက် အလုပ်လုပ်စေပြီး ညဘက်ကို အနားယူအောင် လုပ်ဆောင်ထားပါတယ်။ ကိုယ်အလေးချိန် လျော့စေချင်ရင် ညဘက် အလုပ်လုပ်ချိန်မှာ သိပ်မစားပါနဲ့။

အိပ်ချိန်နည်းခြင်း

အိပ်ချိန်နည်းရင် အဆီပိုဖြစ်စေပါတယ်။ လူသားတွေရဲ့ ဇီဝကမ္မဖြစ်စဉ်မှာ အိပ်စက်တာဟာ အဓိကကျပါတယ်။ အိပ်ချိန်မလုံလောက်ရင် အဆီပိုဖြစ်စေကာ အားနည်းစေပါတယ်။

သဘာဝပတ်ဝန်းကျင် ညစ်ညမ်းမှု

သဘာဝပတ်ဝန်းကျင် ညစ်ညမ်းမှုက အဝလွန်စေပါတယ်။ သဘာဝပတ်ဝန်းကျင်ညစ်ညမ်းမှုတွေက ဝစေတဲ့ တစ်ရှူးတွေပိုဖြစ်စေပါတယ်။ ညစ်ညမ်းမှုတွေက အစားအစာတွေကို အဆီဓာတ်တွေပိုများစေပါတယ်။

တီဗီကြည့်တာများခြင်း

တီဗီရှေ့မှာ ၂ နာရီကျော်အောင် ထိုင်ကြည့်ခြင်းက အဝလွန်ခြင်းကို ၂၃ ရာခိုင်နှုန်းပိုဖြစ်စေနိုင်ပါတယ်။

စိတ်ဖိစီးမှု၊ စိတ်ဓာတ်ကျမှု နဲ့ စိတ်ဂနာမငြိမ်ဖြစ်မှု

စိတ်ဖိစီးမှု၊ စိတ်ဓာတ်ကျမှုနဲ့ စိတ်ဂနာမငြိမ်ဖြစ်မှုတွေက အဝလွန်ရောဂါကို ပိုဖြစ်စေပါတယ်။ အများအားဖြင့် စိတ်ဖိစီးမှုများလာတာနဲ့စိတ်ဓာတ်ကျလာတာများလာရင် သကြားနဲ့အဆီဓာတ်ပါဝင်မှုများတဲ့ အစားအစာတွေ ပိုစားဖြစ်ပါတယ်။