နှမ်းကို မြန်မာတွေကတော့ လက်ဖက်သုပ်ထဲ ထည့်စားကြတာများပါတယ်။ နှမ်းနဲ့လုပ်တဲ့ အခြားသရေစာမုန့်တွေကိုလည်း စားကြပါတယ်။ နှမ်းဟာ ဆိမ့်တဲ့အရသာ ရှိပြီး အနည်းငယ် ခါးသက်ပါတယ်။ နှမ်းဆီဟာ ဆေးဖက်ဝင်တဲ့အတွက် အိမ်တိုင်းလိုလို ဆောင်ထားတတ်ကြပါတယ်။ သူ့မှာ ဗီတာမင်နဲ့သတ္တုဓာတ်တွေ ပေါင်းစပ်ပြီး ပါဝင်ပါတယ်။
နှမ်းဟာ နေ့စဉ် အိမ်သုံးလို ဖြစ်နေတာကြောင့် သူနဲ့ ပတ်သက်ပြီး ကျန်းမာရေး အကျိုးတွေကို သတိမမူမိကြပါဘူး။ နှမ်းဟာ အစာချေစနစ်ကို အကောင်းဆုံး ပံ့ပိုးပေးပြီး အမျှင်ဓာတ် များစွာ ပါဝင်တဲ့အစားအစာပါ။ နှမ်းကို ကလေးငယ်တွေ ရင်တောင့်တဲ့အခါ အစာမကြေတဲ့အခါ ဗိုက်ကို လိမ်းပေးကြပါတယ်။ ဒီထက်မက အကျိုးပြုပုံတွေ ရှိပါသေးတယ်။
အသားအရေအတွက် ကောင်းမွန်
နှမ်းမှာ ဇင့်ပါဝင်မှု မြင့်မားပြီး ကိုလက်ဂျင်ထုတ်ပေးနိုင်မှုကို ကူညီပေးပါတယ်။ ပျက်ဆီးသွားတဲ့ ဆဲလ်အသေတွေကို အသစ်နဲ့ ပြန်လဲပေးနိုင်တဲ့ အစွမ်း ရှိပါတယ်။ အသားအရေဟာ ပိုပြီး ကြည်လင်လာစေပါတယ်။
အမဲစက်တွေကို မဖြစ်အောင် ကာကွယ်နိုင်
နှမ်းစေ့တွေဟာ နေလောင်ခြင်းကြောင့် ဖြစ်ပေါ်စေတဲ့ အမဲစက်တွေနဲ့ အညိုကွက်တွေကို မဖြစ်အောင် ကာကွယ်နိုင်ပါတယ်။ နှမ်းဆီ
ကို ခပ်ပါးပါး လိမ်းပေးလို့လည်း ရပါတယ်။
သွေးအားနည်းရောဂါကို သက်သာစေနိုင်
သွေးအားနည်းခြင်းရဲ့ အဓိက တရားခံဟာ သံဓာတ်မပြည့်ဝခြင်းပါ။ ဒီအခြေအနေကို နှမ်းက ဖြည့်စွမ်းပေးပါတယ်။ နှမ်းဟာ သံဓာတ်ကြွယ်ဝတဲ့ အမျိုးအစားထဲမှာ ပါဝင်ပါတယ်။
အရိုးအတွက် ကောင်းမွန်
အရိုးကျန်းမာရေး အတွက် လိုအပ်တဲ့ သတ္တုဓာတ်တွေဟာ နှမ်းမှာ ပါဝင်ပါတယ်။
Ref: zeenews
