နဂါးမောက်သီးကတော့ ကျွန်မတို့ မြန်မာလူမျိုးတွေနဲ့ ရင်းနှီးပြီးသားအသီးတစ်မျိုးပါပဲ။ ချိုပြီး အရသာရှိလို့လည်း လူကြိုက်များတယ်။
နဂါးမောက်သီးရဲ့အကျိုးကျေးဇူးများ
ကင်ဆာ
နဂါးမောက်သီးမှာ အာဟာရဓါတ်တွေအများအပြားပါဝင်ပြီး ကင်ဆာရောဂါကိုကာကွယ်ပေးနိုင်ပါတယ်။ ကင်ဆာရောဂါ ကာကွယ်ပေးနိုင်တဲ့ အသီးအဖြစ်လည်း လူသိများပါတယ်။ ချိုပြီး အရည်ရွှမ်းတဲ့ နဂါးမောက်သီးဟာ ကယ်လိုလီပါဝင်မှုနည်းပါးပြီး ကျန်းမာရေးအတွက် မရှိမဖြစ်လိုအပ်တဲ့ အဟာရဓါတ်တွေပါဝင်နေပါတယ်။
ကိုယ်အလေးချိန်
နဂါးမောက်သီးမှာ ကယ်လိုရီပါဝင်မှုနည်းပါးတာကြောင့် ဝမ်းဗိုက်ကအဆီတွေ လျှော့ချရာမှာဖြစ်ဖြစ် ကိုယ်အလေးချိန်လျှော့ချရာမှာဖြစ်ဖြစ် အသုံးဝင်ပါတယ်။ ၁၉၈ ဂရမ်လေးတဲ့ နဂါးမောက်သီးတစ်လုံးမှာတောင် ကယ်လိုရီပမာဏက ၆၀ ပဲရှိတာပါ။ ၁ ဂရမ်မှာဆို ဝ.၃ ကယ်လိုရီပဲပါဝင်ပါတယ်။
အမျှင်ဓါတ်
နဂါးမောက်သီးမှာ အမျှင်ဓါတ်တွေကြွယ်စွာပါဝင်လို့ အစာချေစနစ်ကို ကောင်းမွန်စေပါတယ်။ ဒါ့အပြင် ကင်ဆာဖြစ်စေနိုင်တဲ့ အဆိပ်အတောက်တွေ ကိုလည်း ဖယ်ရှားပေးနိုင်ပါတယ်။ ဒါ့ကြောင့် တစ်နေ့ကို နဂါးမောက်သီး ၂၀ ဂရမ်ကနေ ၃၇ ဂရမ်ထိ စားပေးသင့်ပါတယ်။
Antioxidant
နဂါးမောက်သီးမှာ ဓါတ်တိုးဆန့်ကျင်ပစ္စည်းတွေဖြစ်တဲ့ ဗီတာမင် C နဲ့ Beta Carotene ကြွယ်ဝစွာပါဝင်ပါတယ်။ အဲဒီဓါတ်တိုးဆန့်ကျင်ပစ္စည်း Antioxidant က ဆဲလ်တွေပျက်ဆီးခြင်းကနေကာကွယ်ပေးပြီး တခြားရောဂါတွေ ဝင်ရောက်မှုကနေလည်း ကာကွယ်ပေးနိုင်ပါတယ်။
