သင်ဟာ ဟင်းသီးဟင်းရွက် ကြိုက်သူဖြစ်စေ၊ မကြိုက်သူဖြစ်စေ ဟင်းသီးဟင်းရွက်တွေက ကျန်းမာရေးအတွက် ကောင်းတယ်ဆိုတာ သိထားမှာပါ။ တခါတလေ ဟင်းသီးဟင်းရွက်တွေရဲ့ ချက်ပြုတ်ပုံနည်းစနစ်တွေ မကောင်းရင် ဟင်းသီးဟင်းရွက်တွေထဲမှာရှိနေတဲ့ အာဟာရဓာတ်တွေ အများကြီး ရရှိမှာမဟုတ်ပါဘူး။
တချို့က အစိမ်းစားတာပို အရသာရှိတယ်လို့ထင်ကြပါတယ်။ တချို့ ဟင်းသီးဟင်းရွက်မှာ ဟင်းချက်လိုက်မှ အပူချိန်က ဟင်းသီးဟင်းရွက်ရဲ့ အပေါ်ဆုံး အလွှာကို ဖျက်ဆီးလိုက်တာကြောင့် ခန္ဓာကိုယ်က အာဟာရဓာတ်တွေကို အလွယ်တကူ စုပ်ယူနိုင်ပါတယ်။
အာဟာရပညာရှင် Elaine Magee က “Spinach အရွက်နဲ့ မုန်လာဥနီတို့ကို ချက်ပြုတ်ပြီး Antioxidant တစ်မျိုးဖြစ်တဲ့ Beta Carotene ဓာတ်တွေအများကြီး ရရှိပြီး ခန္ဓာကိုယ်ထဲရောက်ရင် ဗီတာမင် A အဖြစ်နဲ့ ပြောင်းလဲသွားကြောင်း လေ့လာချက်အရ သိရှိရတယ်” လို့ ပြောပါတယ်။
ဟင်းသီးဟင်းရွက်တွေကို ချက်ပြုတ်ပြီး စားသုံးရင် ဗီတာမင်ဓာတ်သာမကဘဲ သတ္တုဓာတ်၊ ကယ်ဆီယမ်၊ မဂ္ဂနီဆီယမ်နဲ့ သံဓာတ်တွေကို ပိုပြီး ရရှိနိုင်တယ်လို့ သူမက ထည့်သွင်းပြောပါတယ်။
ပေါင်းပြီးချက်ပါ
ဟင်းလျာတွေကိုချက်ရင် အချိန်များများပေးပြီး မီးနည်းနည်း နဲ့ ရေနည်းနည်းနဲ့ ချက်တာ အကောင်းဆုံးပါဘဲ။ ဒါကြောင့် ပေါင်းတဲ့ ချက်နည်းက ဟင်းသီးဟင်းရွက်တွေကို ချက်ပြုတ်တဲ့နေရာမှာ အကောင်းဆုံးပါဘဲ။
ပန်းဂေါ်ဖီက ကင်ဆာရောဂါကို ကာကွယ်ပေးနိုင်တဲ့ ဟင်းသီးဟင်းရွက်တစ်မျိုးဖြစ်ပြီး သူ့မှာ Beta Carotene ဓာတ်တွေအများကြီးပါဝင်ပါတယ်။ ၂၀၀၉ ခုနှစ်မှာ ပြုလုပ်ခဲ့တဲ့ လေ့လာချက်အရ ပေါင်းတဲ့ချက်နည်းက ပန်းဂေါ်ဖီမှာပါဝင်တဲ့ အာဟာရဓာတ်တွေ အများဆုံး ရရှိတဲ့ ချက်နည်းဖြစ်ပါတယ်။
အများအားဖြင့် အသီးအရွက်တွေပြုတ်လိုက်ရင် အသီးအရွက်ထဲမှာပါဝင်တဲ့ အာဟာရဓာတ်တွေဖြစ်တဲ့ ဗီတာမင် C, B1 နဲ့ Folate ဓာတ်တွေက ရေထဲကို ပျော်ဝင်သွားပါတယ်။ အဲ့ဒီအရည်တွေကို ဟင်းချိုအနေနဲ့သောက်ရင် တော့ ကောင်းပါတယ်။ ဒါပေမယ့် တော်တော်များများက ပြုတ်ထားတဲ့အရည်တွေကို သွန်ပစ်လိုက်တာကြောင့် တကယ့် အာဟာရရှိတဲ့ ဓာတ်တွေက အရည်ထဲမှာပါဝင်သွားပြီး အာဟာရဓာတ်တွေ အလဟသ ဖြစ်စေပါတယ်။
ဟင်းသီးဟင်းရွက်တွေကို မလှီးဘဲ ချက်ပါ
ဥပမာ မုန်လာဥနီဆိုရင် လှီးပြီးမှ ပြုတ်ပြီး (သို့) ပေါင်းပြီး ချက်တာဟာ တစ်ခုလုံး မလှီးဘဲ ချက်တာထက် ရရှိတဲ့ အာဟာရဓာတ်က ၂၅ ရာခိုင်နှုန်း လျော့ပါတယ်။
ဟင်းသီးဟင်းရွက်တွေကို ဈေးထဲကနေ ဝယ်လာပြီးရင် ချက်ခြင်းရေမဆေးဘဲ ရေခဲသေတ္တာထဲမှာထည့်ပါ။ရေဆေးပြီး သိမ်းရင် ဘက်တီးရီးယား ပိုးတွေ ပေါက်ပြီး ဟင်းသီးဟင်းရွက်တွေ အလွယ်တကူနွမ်းစေပါတယ်။
ကြော်ရင် အပူချိန်များများနဲ့ မြန်မြန်ကြော်ပါ
ဆီများများနဲ့ အချိန်ကြာကြာကြော်ရင် အဆီဓာတ်တွေက အစားအစာတွေနဲ့ ဟင်းသီးဟင်းရွက်တွေထဲကို ဝင်ရောက်သွားပါတယ်။ ဒါကြောင့် ကျန်းမာရေးနဲ့ညီညွတ်တဲ့ သံလွင်ဆီလို ဆီမျိုးနဲ့ မြန်မြန်ကြော်ပါ။
အရသာကို ပိုကောင်းစေရုံသာမက ကျန်းမာရေးနဲ့ညီညွတ်တဲ့ အာဟာရဓာတ်တွေဖြစ်တဲ့ Phenols နဲ့ Cartoenes တို့ကိုပါ အစားအစာထဲဝင်ရောက်စေပါတယ်။
ကင် ခြင်း
ဟင်းသီးဟင်းရွက်တွေကို သံလွင်ဆီနည်းနည်းသုတ်ပြီး ကင်လိုက်ရင် အရသာလည်းရှိပြီး ကျန်းမာရေးအတွက်လည်းကောင်းပါတယ်။
ကညွှတ်၊ ပန်းဂေါ်ဖီ၊ ကြက်သွန်၊ တရုတ်နံနံပင် တို့ကို သံလွင်ဆီနည်းနည်းသုတ်ပြီးကင်ရင် အရသာရော အာဟာရဓာတ်ရော ပိုရှိပါတယ်။
ခရမ်းချဉ်သီးကို မီးဖုတ်ပြီး စားသုံးသင့်ပါတယ်။ အပူဓာတ်က ဆဲလ်နံရံတွေကို ဖြိုခွဲပေးတာကြောင့် ရောဂါမျိုးစုံကို ကာကွယ်ပေးနိုင်တဲ့ Lycopene Antioxidants ဓာတ်တွေကို ခန္ဓာကိုယ်က အလွယ်တကူစုပ်ယူနိုင်ပါတယ်။
ဒီဆောင်းပါးကို ခနောကြက်သားမှုန့်က ကူညီပံ့ပိုးပေးထားပါတယ်။
ခနောကြက်သားမှုန့်
ခနောကြက်သားမှုန့်က ဟင်းသီးဟင်းရွက်တွေကို အရသာ ရှိပြီး ကျန်းမာရေးနဲ့ ညီညွတ်အောင် ကူညီပေးနိုင်ပါတယ်။
ခနောကြက်သားမှုန့်သုံးရင် ဆားအသုံးပြုစရာတောင် မလိုတော့ပါဘူး။
ခနောက်ကြက်သားမှုန့်မှာ အိုင်အိုဒင်း ဆား၊ သကြား နဲ့ MSG တို့ အချိုးကျပါဝင်ပါတယ်။ MSG ကို သဘာဝနည်းနဲ့ ပြောင်းဖူးနဲ့ ကြံတို့ကနေ ထုတ်လုပ်ထားပါတယ်။
ကျန်းမာရေးကို ထိခိုက်စေတဲ့ ဓာတုဓာတ်ပစ္စည်းတွေမပါဝင်ပါဘူး။ အခြောက်ခံနေစဉ်အတွင်းမှာလည်း ကြာရှည်ခံတဲ့ ဓာတု ဓာတ်ပစ္စည်းတွေမသုံးထားပါဘူး။
ခနောကြက်သားမှုန့်ကို အရွယ်ရောက်ပြီးသား ကြက်တွေနဲ့ဘဲ သန့်ရှင်းစွာ ထုတ်လုပ်ထားပါတယ်။ ခနောကြက်သားမှုန့်က သင့် ဟင်းလျာတွေကို အနံ့အရသာနဲ့ ပြည့်စုံအောင်ကူညီပေးနိုင်ပါတယ်။
