မနက်အိပ်ယာထပြီး မနက်စာမစားရသေးခင်မှာ ကြက်သွန်ဖြူနဲ့ ပျားရည်ကိုတွဲပြီးစားပေးရင် ကျန်းမာရေးအတွက် အကျိုးကျေးဇူးတွေ ရှိနေပါတယ်။ သူတို့နှစ်ခုလုံးမှာ Antibiotic တွေပါဝင်ပြီး ကိုယ်ခံအားစနစ်ကိုမြင့်တင်ပေးပါတယ်။

1-honey-and-garlic

သွေးလည်ပတ်မှုကိုကောင်းမွန်စေခြင်း

သွေးလည်ပတ်မှုကိုကောင်းမွန်စေပါတယ်။ မနက်ပိုင်းအစာမစားခင် ကြက်သွန်ဖြူကို ပျားရည်နဲ့ တွဲစားပေးရင် Gastric အရည်တွေထုတ်ပေးပြီး သံဓာတ်စုပ်ယူမှုကို အားကောင်းစေပါတယ်။ ဒါ့အပြင် ဗီတာမင်နဲ့ သတ္တုဓါတ်ကြွယ်ဝလို့လည်း သွေးလည်ပတ်မှုကိုကောင်းမွန်စေပါတယ်။

ကြက်သွန်ဖြူကိုဘာလို့စားသင့်လဲ။

အသားအရေအတွက်ကောင်းမွန်ခြင်း

2-healthy-skin

Antioxidant ကြွယ်ဝစွာပါဝင်လို့ ဆဲလ်တွေကို ပြန်လည်နုပျိုစေသလို အသားအရေကိုလည်း ကြည်လင်စေပါတယ်။

ဘက်တီးရီးယားတွေကို ကာကွယ်ပေးခြင်း

ကိုယ်ခံအားစနစ်ကောင်းမွန်စေလို့ မမြင်နိုင်တဲ့ ဘက်တီးရီးယားပိုးမွှားတွေကို ကာကွယ်တိုက်ထုတ်ပေးနိုင်ပါတယ်။

ပျားရည်ဘာလို့စားသင့်လဲ။

ကိုယ်အလေးချိန်လျှော့ချပေးပါတယ်။

3-weight-loss

ပျားရည်က ချိုလို့ ကိုယ်အလေးချိန်မလျှော့ချပေးနိုင်ဘူးလို့ မထင်လိုက်ပါနဲ့နော်။ ကြက်သွန်ဖြူနဲ့ တွဲစားလိုက်ရင် သင့်ရဲ့ အစားအလွန် အကျွံ စားချင်တဲ့စိတ်ကို ထိန်းပေးပြီး ဗိုက်ကိုရောင့်ရဲ တင်းတိမ်စေပါတယ်။ စိတ်ဖိစီးမှုကိုလည်း လျှော့ကျစေပြီး ဟော်မုန်းကိုညီမျှစေပါတယ်။

နာကျင်ကိုက်ခဲမှုကို သက်သာစေခြင်း

4-headache

ခေါက်တစ်ခြမ်းကိုက်ခြင်း (သို့) နာတာရှည်ကိုက်ကဲခြင်းတွေကို ပျားရည်က သက်သာစေပါတယ်။ ပျားရည်မှာ နာကျင်ကိုက်ခဲမှုကို သက်သာစေတဲ့ ဂုဏ်သတ္တိတွေပါဝင်လို့ သင်ရွေးချယ်သင့်တဲ့ အစားအစာတစ်ခုပါပဲ။

အားပြည့်စေတယ်။

တစ်နေ့တာလုံးအတွက်လိုအပ်တဲ့ အားအင်တွေကို ပေးစွမ်းနိုင်ပါတယ်။ ပင်ပန်းနွမ်းနယ်ခြင်းတွေကို သက်သာစေပါတယ်။ ဒါ့ကြောင့်ဘာလို့ အားဖြည့်အချိုရည်တွေ သောက်နေဦးမှာလဲ။

ပျားရည်နဲ့ ကြက်သွန်ဖြူကို ဘယ်လိုစားမလဲ

GarlicHoneyFinished-e1484833205984

ပါဝင်ပစ္စည်း

ကြက်သွန်ဖြူ ၁၂ မွှာ

ပျားရည် ၁ ခွက်

အဖုံးပါတဲ့ ဘူးတစ်ဘူး

ပြင်ဆင်ခြင်း

ကြက်သွန်ဖြူကို တောက်တောက်စဉ်းလိုက်ပါ။ (သို့) ဓါးနဲ့ ပြားသွားအောင် ရိုက်ပေးလိုက်ပါ။ ပြီးရင် ဘူးထဲထည့်လိုက်ပြီး ပျားရည်ထည့်လိုက်ပါ။ ပြီးရင်သေချာရောလိုက်ပြီး ဘူးကိုအဖုံးပိတ်လိုက်ကာ မှောင်တဲ့နေရာမှာ ထားပါ။ ပြီးရင် မနက်စာမစားခင် စားပွဲတင်ဇွန်း ၁ ဇွန်းသောက်ပေးပါ။

Featured Image Source: BRAINY DOSE