မကြာသေးမီက စပိန်နိုင်ငံရဲ့ လေ့လာတွေ့ရှိမှုအရ ဖရုံစေ့ဟာ ကင်ဆာဆဲလ်တွေကို တိုက်ဖျက်နိုင်တယ်လို့ ဆိုပါတယ်။ ဖရုံစေ့မှာ ရောင်ရမ်းမှုကို ဆန့်ကျင်တဲ့ပစ္စည်း Anti-Inflammatory ပါဝင်တာကြောင့် ကင်ဆာဆဲလ်အမျိုးမျိုးကို တိုက်ဖျက်နိုင်ပါတယ်။
သွေးဆုံးပြီး အမျိုးသမီးတွေ စားသင့်တဲ့ ရွှေဖရုံစေ့
သွေးဆုံးပြီး အမျိုးသမီးတွေလည်း ဖရုံစေ့ကိုစားသင့်တယ်လို့ ဂျမနီနိုင်ငံက လေ့လာတွေ့ရှိချက်တစ်ခုကလည်း ဖော်ပြထားပါတယ်။ ဘာလို့လဲဆိုတော့ ရွှေဖရုံစေ့ဟာ ရင်သားကင်ဆာ ဖြစ်ပွားမှုကို ၂၃ % ထိလျှော့ချပေးနိုင်ပါတယ်။
ဖရုံစေ့မှာ ဗီတာမင်နဲ့ သတ္တုဓါတ်တွေ ကြွယ်ဝစွာပါဝင်ပါတယ်။ ဒါ့ကြောင့်လည်း တခြားကျန်းမာရေးဆိုင်ရာ အကျိုးကျေးဇူးတွေလည်း အများအပြားရှိနေပါတယ်။
ရွှေဖရုံစေ့ရဲ့ အကျိုးကျေးဇူးများ
၁။ အိပ်ယာမဝင်ခင် ရွှေဖရုံစေ့အနည်းငယ်ကို စားသုံးပေးတာဟာ ညဖက်မှာ နှစ်နှစ်ခြိုက်ခြိုက်အိပ်ပျော်စေတာကြောင့် အိပ်ရေးဝစေပါတယ်။
၂။ ရွှေဖရုံစေ့မှာ သွပ် (Zinc) ဓါတ်ကြွယ်ဝစွာပါဝင်လို့ ကိုယ်ခံအားစနစ်ကိုကောင်းမွန်စေပြီး အမြင်အာရုံကိုကြည်လင်စေပါတယ်။ ဒါ့အပြင် အသားအရေကိုကြည်လင်စေပြီး စိတ်ခံစားမှုကိုလည်း ကောင်းမွန်စေပါတယ်။
၃။ ရွှေဖရုံစေ့ကို စားပေးတာဟာ ကိုယ်အလေးချိန်လျှော့ချရာမှာ အထောက်အကူဖြစ်စေပါတယ်။
၄။ နောက်ဆုံးအနေနဲ့ကတော့ စိတ်ဖိစီးမှုကို သက်သာစေပြီး စိတ်ကိုပျော်ရွှင်စေပါတယ်။
ဒါ့ကြောင့် ညအိပ်ယာမဝင်ခင် နာရီပိုင်းအလိုမှာ ရွှေဖရုံစေ့ကို စားပေးဖို့ အကြံပြုလိုက်ပါတယ်။
