အားလုံးပဲ မင်္ဂလာပါ။ MyFood Myanmar ရဲ့ စာဖတ်ချစ်ပရိတ်သတ်ကြီးတွေထဲမှာ အာလူးကြိုက်တဲ့လူတွေပါလားမသိဘူးရှင့်။ အာလူးဆိုရင် ကြော်ကြော်၊ ပြုတ်ပြုတ်၊ မီးဖုတ်တာဖြစ်ဖြစ်၊ ကင်တာဖြစ်ဖြစ် ဘယ်လိုချက်ချက် ကြိုက်ကြပါတယ်နော်။

အာလူးတွေဟာ ဟင်းချက်တဲ့အခါ တစ်မျိုးတစ်လေမှာ ထည့်သွင်းလေ့ရှိတဲ့ ဟင်းသီးဟင်းရွက်ဖြစ်သည့်အတွက် လူအများစုက များများဝယ်ကာ သိမ်းထားလေ့ရှိပါတယ်။

သိမ်းဆည်းရာမှာလည်း နည်းလမ်းတကျ မသိမ်းတတ်ဘူးဆိုရင်တော့ မစားလိုက်ရသေးခင်မှာပဲ ပုပ်သိုးဆွေးမြည့်သွားနိုင်ပါတယ်။ ဒါကြောင့် အချိန်ကြာကြာ အထားခံဖို့အတွက် ဘယ်လိုမျိုးသိမ်းဆည်းရမလဲ။

ပိုက်ကွန်အိတ်

အာလူးတွေကို ပိုက်ကွန်အိတ်ထဲထည့်ကာ အထုံးချည်လိုက်ပါ။ ပြီးရင် အေးမြပြီး မှောင်မိုက်တဲ့နေရာမှာ သိမ်းထားပါ။

သတင်းစာပတ်ခြင်း

အလယ်အလတ်အရွယ်အစားရှိတဲ့ အာလူး လေးငါးလုံးကို သတင်းစာတစ်ရွက်ထဲထည့်ပတ်ပါ။

သတင်းစာပတ်ထားတဲ့ အာလူးတွေကို ကော်ဘူးထဲထည့်ကာ အပူမရှိတဲ့ မှောင်တဲ့နေရာမှာထားပေးပါ။

Credit: Fabhow.com