တစ်နေ့ကို ပန်းသီးတစ်လုံးစားရင် ဆရာဝန်ဆီသွားစရာမလိုဘူး ဆိုတဲ့ စကားကိုသင်ကြားဖူးမှာပါ။ ပန်းသီးတစ်ခုလုံးမှာ ကျန်းမာရေးအတွက်သင့်တော်တဲ့ အာဟာရဓာတ်တွေအများကြီးပါဝင်ပါတယ်။
ပန်းသီးအခွံမှာတောင် ကိုယ်အလေးချိန် လျော့နည်းစေတဲ့ဓာတ်တွေပါဝင်နေပါတယ်။
ပန်းသီးအခွံရဲ့ အကျိုးကျေးဇူး
ပန်းသီးအခွံမှာ ကြွက်သားတည်ဆောက်ရေး၊ ကိုယ်အလေးချိန်လျော့ချရေးနဲ့ အလေးချိန်ထိန်းသိမ်းရေးဆိုင်ရာ ဓာတ်တွေပါဝင်ပါတယ်။
ပန်းသီးအခွံမှာ Ursolic အက်ဆစ်ပါဝင်ပြီး ကြွက်သားနာတာတွေကို ကာကွယ်ပေးနိုင်ပြီး ကိုလက်စထရောအဆင့်နဲ့သကြားဓာတ်တွေကို ထိန်းချုပ်ပေးနိုင်ပါတယ်။
အမေရိကန်ပြည်ထောင်စုမှာရှိတဲ့ ဒေါက်တာ အက်ဒမ် (Adams) က ပန်းသီးအခွံကို သုတေသနလုပ်ခဲ့ပြီး ပန်းသီးအခွံရဲ့ အကျိုးကျေးဇူးတွေကို သိရှိခဲ့ပါတယ်။
ကြွက်သားတွေ တွဲချတာ၊ အားနည်းတာက အသက်အရွယ်ကြီးမြင့်မှုနဲ့ ဖျားနာမှုနဲ့ သက်ဆိုင်နေပါတယ်။
ကြွက်သားအားနည်းတာနဲ့ပတ်သက်ပြီး ထိရောက်ကုသနိုင်တဲ့ဆေးဝါးမရှိသေးပါဘူး။ ဒါ့ကြောင့် ဒေါက်တာ အက်ဒမ်က ဒီရောဂါနဲ့ပတ်သက်တာကို သုတေသနလုပ်ခဲ့တာပါ။
ကြွက်တွေကို ပန်းသီးအခွံကျွေးပြီး စမ်းသပ်ခဲ့ရာ ပန်းသီးအခွံစားထားတဲ့ကြွက်တွေရဲ့ ကြွက်သားက ပိုသန်စွမ်းလာတာကို တွေ့ရှိခဲ့ရပါတယ်။ အဲ့ဒီအပြင် သွေးအတွင်း ကိုလက်စထရောဓာတ်တွေ ကျဆင်းစေပြီး သွေးလွှတ်ကြောထဲမှာအဆီရှိတာတွေ နည်းပါးလာပြီး နှလုံးရောဂါကို ကာကွယ်ပေးနိုင်လာပါတယ်။
ပန်းသီးအခွံကိုစားပေးရင် အညိုရောင်အဆီတွေ ခန္ဓာကိုယ်ထဲမှာ ပိုရောက်လာပြီး အဲ့ဒီအဆီတွေက ကယ်လိုရီပိုလောင်ကျွမ်းအောင်လုပ်ဆောင်ပေးနိုင်တာကြောင့် ကိုယ်အလေးချိန် လျော့ကျစေပါတယ်။
ဒါ့ကြောင့် ပန်းသီးစားရင် အခွံပါ ထည့်စားသင့်ပါတယ်။
