အုန်းပင်ရဲ့ လူသိနည်းတဲ့ အသုံးဝင်ပုံများ

အုန်းပင်ကို နယ်ဖက်တွေနဲ့ ပင်လယ်ကမ်းခြေတွေမှာ အတွေ့များပါတယ်။ ရန်ကုန်မှာဆိုရင်တော့ အလှစိုက်တဲ့ အုန်းပင်တွေက လွဲရင် သိပ်မရှိလှပါဘူး။ အုန်းပင်မှာ အုန်းသီးတစ်မျိုးကိုပဲ စားစရာအဖြစ်အသုံးပြုလို့ရမယ်လို့ ထင်ကြပါတယ်။ အုန်းပင်တစ်ပင်လုံးဟာ လူတွေအတွက် အသုံးဝင်လှပါတယ်။

အုန်းပင်ရဲ့ အသုံးဝင်ပုံ

Source: shopforclipart.com

အမြစ် – အမြစ်ကို သွားတိုက်တဲ့ ဆေးဖက်ဝင်အတံအဖြစ် သုံးကြပါတယ်။ တမာခေါက်လိုပါပဲ။ သွားတွေကို ခိုင်မာစေတဲ့ ဆိုတဲ့ ရှေးဟောင်းနည်းပါ။

အရွက် – အချို့နယ်ဖက်မှာ အုန်းလက်ကို အိမ်ခေါင်မိုး မိုးကြပါတယ်။ မောလ်ဒိုက်လို နေရာမျိုးတွေမှာလည် းအုန်းလက်မိုး အိမ်လေးတွေ တွေ့ရမှာပါ။ ခြောက်သွားတဲ့ အခါ မီးစိုက်စရာ အဖြစ် သုံးကြပါတယ်။

Source: picturesoftrees.org

ပင်စည် – ပင်စည်ကို လှေတွေလုပ်တဲ့အခါ၊ အိမ်ဆောက်တဲ့အခါ၊ ပရိဘောဂတွေ လုပ်တဲ့ အခါ၊ ဗုံလုပ်တဲ့ အခါတွေမှာ သုံးပါတယ်။

အုန်းသီးအသုံးပြုပုံ

အုန်းသီးရဲ့ အခွံပေါ်က အမြှေးတွေကို အုန်းဆံကြိုးဆိုပြီး ကြိုးအဖြစ် အသုံးပြုကြပါတယ်။ အပေါ်အခွံကိုလည်း လောင်စာအဖြစ် သုံးကြပါတယ်။ ငှက်တွေကို အစာကျွေးတဲ့ အရာအဖြစ်လည်း အသုံးပြုကြပါတယ်။ အုန်းသီးအခွံကို ထည့်စရာ ခွက်အဖြစ် အချောထည် အနေနဲ့ အိန္ဒိယမှာ တီထွင်ပြီး အသုံးပြုကြပါတယ်။ ယွန်းကို လက်ဖက်အုပ်အဖြစ် အသုံးပြုကြသလိုပါပဲ။