ကျန်းမာပျော်ရွှင် အရွက်စုံသုပ်

ကျန်းမာလျှင် ပျော်ရွှင်ခြင်းဆိုတာ သူ့အလိုလို ဖြစ်ပေါ်လာမြဲပါ။ ကျန်းမာ ညီညွတ်သော အစားအစားကို သင့်လျော်စွာ စားသုံးလျှင်လည်း တင်းတိမ် ပျော်ရွှင်ခြင်း ဆိုတာကို ဖြစ်စေပါတယ်။ ဒါကြောင့် လတ်လတ် ဆတ်ဆတ် လျင်မြန် လုပ်စားလို့ ရမယ့် ဗီတာမင် အစုံလည်း ပါတယ်။ ကာလာလည်း စုံတယ်။ အရသာလည်း တင်းတိမ်စေသော အသီးအရွက်စုံလေးကို မျှဝေလိုက်ပါတယ်။

ပါဝင်ပစ္စည်းများ

သံလွင်ဆီ – စားပွဲဇွန်း ၁ ဇွန်း ခွဲ

Red Head Lettuce – ၁ ထုပ် (ရေဆေး ရေစစ် တစ်လုပ်စာလေးတွေ လှီးထာပါ)

ဖရဲသီးအလုံးသေး – တစ်ဝက် (အခွံခွာ အံစာတုံးပုံ တစ်လုပ်စာလေးတွေ တုံးထားပါ)

ငရုတ်ပွအဝါရောင် – ၁ ခု ( အစေ့ထုတ် အမြောင်းလိုက်လေးတွေ လှီးထားပါ)

သံလွင်သီး အနက် – ၁ဝ လုံး (အလုံးလိုက်ထည့်ပါ)

သံလွင်သီး အစိမ်း – ၁ဝ လုံး (အလုံးလိုက်ထည့်ပါ)

အီတလီနံနံပင် – ၂ ပင် (ခပ်ကြမ်းကြမ်းလေး လှီးထည့်ပါ)

ချယ်ရီခရမ်းချဉ်သီး – ၁ဝ လုံး (ထက်ခြမ်းခြမ်းထားပါ)

သခွားသီးအလုံးသေး – ၁ လုံး (ပါးပါး အဝိုင်းလေးတွေ လှီးထားပါ)

Balsamico ဗီနီကာ – လိုသလောက် (ကိုယ့်စိတ်ကြိုက် ဆမ်းနိုင်ပါတယ်)

ပြုလုပ်နည်း