ကိုယ်အလေးချိန်ကို လျော့ချပေး
ရေနဲ့ သံပုရာရည်ဖျော်သောက်ရင် ခန္ဓာကိုယ်ထဲက အဆိပ်အတောက်တွေကို ဖယ်ရှားပေးနိုင်ပြီး ကိုယ်အလေးချိန်ကို လျော့ချပေးပါတယ်။
ကိုယ်ခံအားကို ကောင်းမွန်
သံပုရာသီးမှာ ဗီတာမင် စီနဲ့ ဘက်တီးရီးယားတွေသေစေနိုင်တဲ့ အစွမ်းသတ္တိတွေပါဝင်တာကြောင့် ကိုယ်ခံအားစနစ်ကို မြှင့်တင်ပေးပါတယ်။ အဲ့ဒီအပြင် Free Radicals တွေကိုလည်း လျော့ချပေးပါတယ်။
ရေခဲသေတ္တာထဲက အနံ့ဆိုးတွေ ဖယ်ရှားပေး
ရေခဲသေတ္တာထဲမှာ အစားအစာတွေ စုပုံနေရင် ကြာလာရင် အနံ့ဆိုးတွေထွက်လာတတ်ပါတယ်။ အစားအစာတွေကိုဖယ်ထုတ်လိုက်ပြီး သံပုရာသီးကို ဂွမ်းထဲထည့်ကာ ရေခဲသေတ္တာထဲထည့်ထားပါ။
ပြီးရင် နာရီအနည်းငယ်လောက် ရေခဲသေတ္တာထဲမှာထည့်ထားလိုက်ပါ။ ဒါဆိုရင် သံပုရာသီးအနံ့လည်း မွှေးသွားပါလိမ့်မယ်။
Air Freshener အဖြစ်လည်းသုံးလို့ရ
သင့်အိမ်မှာ အနံ့အသက်ဆိုးတွေရှိနေရင် သံပုရာသီးကို Air Freshener အဖြစ်သုံးလို့ရပါတယ်။
ပါဝင်ပစ္စည်းများ
- သံပုရာသီး ၁လုံး
- ရေ ၃ ခွက်
- ရှာလကာရည် စားပွဲတင်ဇွန်း ၂ ဇွန်း
- Baking Soda စားပွဲတင်ဇွန်း ၄ ဇွန်း
ပြုလုပ်နည်း
သံပုရာသီးအခွံကို ရေထဲထည့်ထားပြီး ဆူပွက်အောင်လုပ်လိုက်ပါ။ ပြီးရင် ရှာလကာရည်ထည့်ပြီး ၅ မိနစ်လောက်ပွက်အောင်လုပ်ပါ။ မီးဖိုပေါ်ကနေ ဖယ်ပြီး အအေးခံလိုက်ပါ။
Baking Soda ကို Spray ဗူးထဲထည့်ပြီး ခုနက ပြုတ်ထားတဲ့အရည်ကိုထည့်ကာ ရောလိုက်ပါ။
ပြီးရင် တစ်အိမ်လုံးကို ဖြန်းလိုက်ပါ။
အိုးခွက်ဆေးတဲ့ အစိမ်းဖက်တွေကို သန့်ရှင်းရေးလုပ်နိုင်
သံပုရာသီးမှာ စွမ်းအားမြင့် Antibacterial ဓာတ်တွေပါဝင်ပါတယ်။
ပါဝင်ပစ္စည်းများ
- သံပုရာသီး ၂လုံး
- Baking Soda စားပွဲတင်ဇွန်း ၁ ဇွန်း
ပြုလုပ်နည်း
သံပုရာသီး ၂လုံးထဲက အရည်နဲ့ Baking Soda နဲ့ ရောပြီး ခွက်တစ်ခွက်ထဲထည့်ပါ။ပြီးရင် အိုးခွက်ဆေးတဲ့ အစိမ်းဖက်ကို အဲ့အရည်နဲ့ဆေးပါ။
