ဂျင်းမုန်လာဥနီဖျော်ရည်က ကယ်လိုရီပါဝင်မှုနည်းတဲ့အပြင် အာဟာရဓာတ်တွေလည်း အများကြီးရှိပါတယ်။
အမျှင်ဓာတ်ပါဝင်မှုများပြီး Antioxidant တွေနဲ့ ရောင်ရမ်းတာတွေကိုလျော့ကျစေတဲ့ ကွန်ပေါင်းဓာတ်တွေလည်းပါဝင်ပါတယ်။ ဇီဝကမ္မဖြစ်စဉ်တွေကို အားကောင်းစေပြီး ကိုယ်ခံအားစနစ်ကိုလည်း မြှင့်တင်ပေးပါတယ်။
အစာခြေစနစ်ကိုလည်း ထောက်ပံ့ပေးပါတယ်။
ပါဝင်ပစ္စည်းများ
အလယ်အလတ် ဆိုဒ် မုန်လာဥနီ ၅ ခု
လိမ္မော်သီး ၃ လုံးရဲ့ အရည်တွေ
ပါးပါးလှီးထားတဲ့ ဂျင်းလက်ဖက်ရည်ဇွန်း ၁ ဇွန်း
နနွင်း လက်ဖက်ရည်ဇွန်း ၁ဇွန်းရဲ့တစ်ဝက်
ပျားရည် စားပွဲတင်ဇွန်း ၂ ဇွန်း
ပြုလုပ်နည်း
မုန်လာဥနီကို အခွံခွာပြီး အရည်သက်သက်အဖက်သက်သက် ထွက်တဲ့စက်နဲ့အရည်ကို ယူလိုက်ပါ။
-အဲ့ဒီအရည်ကို၊ လိမ္မော်ရည်၊ ဂျင်းနဲ့ နနွင်းတို့နဲ့ အတူ ဖျော်စက်ထဲထည့်ပါ။
ပြီးမှ သေချာ မွှေပြီး အချိုကြိုက်ရင် ပျားရည်ထည့်ပါ။
ဘယ်လိုသောက်သုံးရမလဲ
ဖျော်ရည်ကို မနက်ပိုင်းမှာ သောက်သုံးသင့်ပါတယ်။ တစ်ပတ်ကို ၃ ကြိမ်လောက်သောက်သင့်ပါတယ်။
နှလုံးကျန်းမာရေးကို အထောက်အကူပြု
ဖျော်ရည်မှာ သဘာဝအမျှင်ဓာတ်တွေ၊ Antioxidants နဲ့ သတ္တုဓာတ်တွေပါဝင်တာကြောင့် နှလုံးကျန်းမာရေးကို အထောက်အကူပြုပါတယ်။
ကိုလက်စထရောဓာတ်ကို ကျဆင်းစေပြီး သွေးကြောထဲမှာ အနယ်တွေမဖြစ်အောင်ကူညီပေးပါတယ်။ အဲ့ဒီအပြင် သွေးလည်ပတ်မှုကိုလည်းကောင်းစေပါတယ်။
အစာခြေစနစ်ကို မြှင့်တင်ပေး
ဒီဖျော်ရည်ကိုသောက်ရင် ဝမ်းပိတ်တာ၊ အစာမကြေတာတို့ အစာအိမ်အချဉ်တက်တာ ( Heartburn) တို့ကို ကာကွယ်ပေးနိုင်ပါတယ်။
အစာအိမ်ဟောင်းထဲက စွန့်ပစ်ပစ္စည်းတွေကိုကုန်အောင် စွန့်ပစ်နိုင်ဖို့ ကူညီပေးပါတယ်။
အသားအရေ ကျန်းမာရေးအတွက်ကောင်းမွန်
ဗီတာမင် A, C စသည့် ဓာတ်တွေပါဝင်တာကြောင့် အရွယ်မတိုင်ခင်အိုမင်းရင့်ရော်မှုကို ကာကွယ်ပေးပါတယ်။
သွေးလည်ပတ်မှုကို ကောင်းစေပြီး အသားအရေအတွင်း အောက်စီဂျင်နဲ့ အာဟာရဓာတ်တွေရောက်ရှိအောင် ကူညီပပေးနိုင်ပါတယ်။
ဝက်ခြံနဲ့ အသားအရေမညီတာတွေကို ကာကွယ်ပေးနိုင်ပြီး နေရောင်ခြည်ဒဏ်ကြောင့် အသားအရေ ပျက်စီးမှုကိုလည်း လျော့ချပေးနိုင်ပါတယ်။
ဖျားနာခြင်းကနေ ကာကွယ်ပေး
ဗီတာမင် A,C နဲ့ E တို့ပါဝင်တာကြောင့် ဖျားနာခြင်းကနေ ကာကွယ်ပေးနိုင်ပါတယ်။
ကိုယ်အလေးချိန်လျော့ချရာမှာ ကူညီပေး
ဂျင်း မုန်လာဥနီဖျော်ရည်က မလိုအပ်တဲ့ အဆီတွေကိုလောင်ကျွမ်းစေပြီး ကိုယ်အလေးချိန်ကို လျော့အောင်ကူညီပေးနိုင်ပါတယ်။
