အားလုံးပဲ မင်္ဂလာပါ။ မဆလာနံ့လေး သင်းနေတဲ့ အာလူးဟင်းကို လူကြီး လူငယ်မရွေး ကြိုက်နှစ်သက်ကြပါတယ်။ ဒီလိုလူမျိုးမရွေး ဘာသာမရွေး စားသုံးနိုင်တဲ့ အာလူးဟင်းကို ရိုးရှင်းလွယ်ကူတဲ့ နည်းလမ်းလေးနဲ့ အရသာရှိအောင် ဘယ်လိုချက်ပြုတ်မလဲဆိုတာကို လေ့လာကြည့်လိုက်ရအောင်။
ပါဝင်ပစ္စည်းများ
- ဟင်းသီးဟင်းရွက်ဆီ စားပွဲတင်ဇွန်း ၂ ဇွန်း
- ကြက်သွန်နီအသေး တစ်လုံး (ပါးပါးလှီးထားပါ)
- ငရုတ်ပွအစိမ်း တစ်ဝက် (ပါးပါးလှီးထားပါ)၊ ငရုတ်သီးမှုန့် လက်ဖက်ရည်ဇွန်းတစ်ဝက်နှင့် ငရုတ်သီး တစ်တောင့် (ပါးပါးလှီးထားပါ)
- ထောင်းထားေးသာ ဂျင်း စားပွဲတင်ဇွန်း ၁ ဇွန်း
- နနွင်းမှုန့် လက်ဖက်ရည်ဇွန်း တစ်ဝက်
- အာလူး ၃ လုံး (အနေတော်အတုံး တုံးထားပါ)
- ဆား လက်ဖက်ရည်ဇွန်း တစ်ဇွန်း
- ရေနွေး ၂၀၀ မီလီလီတာ
- ပါးပါးလှီးထားသော တရုတ်နံနံ စားပွဲတင်ဇွန်း ၁ ဇွန်း
- မဆလာ လက်ဖက်ရည်ဇွန်းတစ်ဝက်
ပြုလုပ်နည်း အဆင့်ဆင့်
၁။ ဒယ်အိုးကို အပူပေးပြီး ဆီထည့်ပါ။ ဆီပူလာပါက ကြက်သွန်နီထည့်ကာ ၂ မိနစ်၊ ၃ မိနစ်ခန့် ဆီသတ်ပေးလိုက်ပါ။
၂။ ငရုတ်ပွထည့်ပြီး ၂ မိနစ်ခန့် ထပ်မွှေပေးလိုက်ပါ။ ထို့နောက် ထောင်းထားသော ဂျင်းအဖတ်များထည့်ပြီးနောက် သမအောင် ထပ်မွှေပေးလိုက်ပါ။
၃။ နောက်တစ်ဆင့်အနေနဲ့ အဓိကပါဝင်ပစ္စည်းတစ်မျိုးဖြစ်တဲ့ အာလူးတုံးများထည့်ရပါမယ်။ သမအောင် နယ်ပြီးတဲ့နောက်မှာ ငရုတ်သီးမှုန့်၊ ငရုတ်သီးတောင့်နှင့် ဆားတိုပထည့်ပြီး ၂ မိနစ်ခန့် မွှေပေးလိုက်ပါ။
၄။ ထို့နောက် ရေနွေးထည့်ကာ ၁၀ မိနစ်ခန့် ဆူပွက်လာအောင် တည်ထားလိုက်ပါ။
၅။ ရေ ပွက်ပွက်ဆူလာပြီး အာလူးများ နူးအိသွားပြီဆိုရင်တော့ တရုတ်နံနံနှင့် မဆလာလေး ထည့်ပေးလိုက်ပါ။ သမအောင် နယ်ပြီးတဲ့နောက်မှာတော့ မီးဖိုပေါ်က ချလိုက်လို့ရပါပြီ။
ဒါဆိုရင်တော့ အနံ့မွှေးမွှေးလေးနဲ့ အရသာရှိတဲ့ အာလူးဟင်းလေး ရရှိသွားပါပြီ။ ထမင်းနဲ့အတူတူ အရသာရှိရှိ သုံးဆောင်လိုက်ပါ။
Source: Neilshealthymeals.com
