အားလုံးပဲမင်္ဂလာပါနော်။ ဒီတခါမှာတော့ တမူအရသာရှိလှတဲ့ အာလူး ကြော်ပြုလုပ်နည်းကို မျှဝေပေးချင်ပါတယ်။
လုပ်ရတာလည်း လွယ်ကူလျှင်မြန်ပါတယ်။
အာလူးကို လှီးပြီး ပြုတ်လိုက်ပါ။ ပြီးရင် အိန္ဒိယဟင်းခတ်အမွှေးအကြိုင်တွေနဲ့ ကြော်ပေးရမှာဖြစ်ပါတယ်။
စားချင်စရာလည်းကောင်းလို့ ဘယ်လိုလုပ်ရမလဲဆိုတာ ကြည့်လိုက်ရအောင်နော်။
ပါဝင်ပစ္စည်း
- အာလူး (၄) လုံး
- ငရုတ်သီးမှုန့် အနည်းငယ်
- နနွှင်းမှုန့်အနည်းငယ်
- နံနံ စေ့မှုန့် အနည်းငယ်
- မာဆလာမှုန့်အနည်းငယ်
- နံနံပင်အနည်းငယ်
- ဆီ
- ဆား
ပြုလုပ်နည်း
အရင်ဆုံး အာလူးကို အခွံနွှာလိုက်ပြီး ထက်ခြမ်းခြမ်းပါ။ ပြီးရင်အတုံးလေးတွေ အရှည်လိုက် ထပ်ခြမ်းပေးလိုက်ပါ။
ရေသေချာဆေးပြီး ပြုတ်ပေးလိုက်ပါ။ ဆားနည်းနည်းထည့်ပြုတ်ပါ။ တစ်ဝက်လောက်ကျပ်ပြီဆိုရင် ဆည်ပေးထားလိုက်ပါ။
ပြီးရင်တော့ ဆီကိုအပူပေးလိုက်ပါ။ အာလူးကိုထည့်ကြော်လိုက်ပါ။ အာလူးညိုလာရင် ဆယ်ယူလိုက်ပြီး ဆီဆစ်ထားလိုက်ပါ။
ပြီးရင်တော့ နောက်ထပ်အိုးအသစ်တစ်ခုကိုအပူပေးပါ။ ဆီမထည့်ဘဲ ဟင်းခတ်အမွှေးအကြိုက်တွေနဲ့ထပ်လှော်ပေးလိုက်ပါ။
အနံ့လေးမွှေးလာပြီး အညိုရောင်သန်းလာရင် ရပါပြီနော်။
ပြီးရင် နံနံပင်အပေါ်ကနေ ဖြူးပေးလိုက်ပါ။
Source: www.tasty-india-recipes.com
By: MyFood Myanmar
