အားလုံးပဲ မင်္ဂလာပါ။ ဒီတစ်ခါမှာတော့ အရသာရှိတဲ့ ကြက်သား ကညွှတ်ကြော် ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကညွှတ် တစ်စည်း (အနေတော် အရှည်လှီးဖြတ်ထားပါ)
- မှို ၂ ပွင့်၊ ၃ ပွင့် ခန့် (ပါးပါးလှီးထားပါ)
- ငရုတ်ပွအနီ တစ်တောင့် (ပါးပါးလှီးထားပါ)
- ဆီ စားပွဲတင်ဇွန်း တစ်ဝက်
- ဟင်းချက်ဝိုင် စားပွဲတင်ဇွန်း ၁ ဇွန်း
- ကြက်သား ဝ.၅ ပေါင် (အနေတော် အတုံး လှီးထားပါ)
- ပဲငံပြာရည်အနှောက် လက်ဖက်ရည်ဇွန်း တစ်ဝက်
- ဆားနှင့် ငရုတ်ကောင်းမှုန့် လက်ဖက်ရည်ဇွန်း တစ်ဝက်
အချဉ်ဆော့ပြုလုပ်ရန် လိုအပ်သော ပါဝင်ပစ္စည်းများ
- ခရုဆီ စားပွဲတင်ဇွန်း ၁ ဇွန်း
- ပဲငံပြာရည် စားပွဲတင်ဇွန်း ၁ ဇွန်း
- ရေ စားပွဲတင်ဇွန်း ၁ ဇွန်း
- သကြား လက်ဖက်ရည်ဇွန်း ၄ ပုံ ၁ ပုံ
ပြုလုပ်နည်း အဆင့်ဆင့်
၁။ ကြက်သားတုံးများကို ဆီ၊ ဟင်းချက်ဝိုင်၊ ပဲငံပြာရည်အနှောက်၊ ဆားနှင့် ငရုတ်ကောင်းမှုန့်တို့ဖြင့် သမအောင် နယ်ဖတ်ထားလိုက်ပါ။ ထို့နောက် ၁၀ မိနစ်ခန့် နှပ်ထားလိုက်ပါ။
၂။ ဒယ်အိုးကို အပူပေးပြီး ဆီထည့်ထားပါ။ ဆီပူလာပါက ကြက်သားများကို ၃ မိနစ်ခန့် ကြော်ပေးလိုက်ပါ။
၃။ ကြက်သားတုံးများ ရွှေညိုရောင်ပြောင်းသွားပါက ကညွှတ်များကို ၂ မိနစ်ခန့် ထည့်ကြော်ပေးရပါမယ်။ ထို့နောက် ငရုတ်ပွအနီများ ထည့်ကြော်ပေးလိုက်ပါ။
၄။ ခရုဆီ၊ ပဲငံပြာရည်၊ ရေနှင့် သကြားတို့ကို ပန်းကန်လုံးတစ်လုံးထဲထည့်ပြီး သမအောင် ရောမွှေပေးလိုက်ပါ။ ပြီးရင်တော့ ကြက်သားဒယ်အိုးထဲ လောင်းထည့်ပြီး သမအောင် ရောကြော်ပေးလိုက်ပါ။
အရသာအပေါ့အငန်မြည်းစမ်းကြည့်ပြီးတဲ့နောက်မှာတော့ အရသာရှိတဲ့ ကြက်သား ကညွှတ်ကြော်ဟင်းလျာလေး ရရှိသွားပါပြီ။
Source: Spicetheplate.com
