တရုတ်ထမင်းကြော် ကြော်နည်း

မနက်စာ စားသုံးတဲ့အခါ ပေါ့ပေါ့ပါးပါး အစားအစာလေးလည်း ဖြစ်အောင် အာဟာရလည်း ပြည့်ဝပြီး အရသာလည်း ကောင်းမွန်စေမယ့် တရုတ်ထမင်းကြော်လေး ကြော်စားကြည့်ရအောင်။

ပါဝင်ပစ္စည်းများ

• ထမင်း ပန်းကန်လုံး ၆ လုံးစာ
• ကြက်ဥ ၂ လုံး (မွှေခလောက်ထားပါ)
• ဟင်းသီးဟင်းရွက်ဆီ စားပွဲတင်ဇွန်း ၂ ဇွန်း
• ဝက်ပေါင်ခြောက် အနည်းငယ် (အန်စာတုံးငယ် ပုံသဏ္ဍာန် ခပ်သေးသေးတုံးထားပါ)
• ဆားနှင့် ငရုတ်ကောင်းမှုန့် အနည်းငယ်

• ပုစွန် ၈ ကောင် ခန့် (အခွံခွာပြီး ရေစင်အောင် ဆေးထားပါ)
• မုန်လာဥနီ ၂ လုံး (အန်စာတုံးငယ် ခပ်သေးသေးတုံးထားပါ)
• ရွှေပဲသီး အနည်းငယ်
• ပဲငံပြာရည်အကြည် စားပွဲတင်ဇွန်း ၁ ဇွန်း
• ကြက်သွန်မြိတ် ၂ ပင် (ပါးပါးလှီးထားပါ)

ပြုလုပ်နည်း အဆင့်ဆင့်

၁။ ဒယ်အိုးကို အပူပေးပြီး ဆီ စားပွဲတင်ဇွန်း ၁ ဇွန်းထည့်ပါ။ ဆီပူလာပါက ရွှေပဲသီးနှင့် မုန်လာဥနီတို့ကို ထည့်ကြော်လိုက်ပါ။ ဟင်းသီးဟင်းရွက်များ နူးညံ့ပျော့ပျောင်းသွားပါက ပန်းကန်လုံးထဲပြာင်းထည့်လိုက်ပါ။

၂။ ဒယ်အိုးထဲသို့ ဆီ စားပွဲတင်ဇွန်း ၁ ဇွန်း ထပ်ထည့်လိုက်ပါ။ ထို့နောက် ပုစွန်များ ထည့်ကြော်လိုက်ပါ။ ပုစွန်များ ရွှေညိုရောင်ပြောင်းသွားပါက ပန်းကန်ထဲပြောင်းထည့်လိုက်ပါ။

၃။ ထိုဒယ်အိုးထဲသို့ပင် ထမင်းများထည့်ပြီး ကြော်လိုက်ပါ။ ထမင်းများကို အလယ်တည့်တည့်တွင် အပေါက်လေးဖောက်ထားလိုက်ပါ။ ထိုအလယ်ဗဟိုတည့်တည့်သို့ ဆီ စားပွဲတင်ဇွန်း ၁ ဇွန်းထည့်ပြီး မွှေခလောက်ထားသော ကြက်ဥများ ထည့်လိုက်ပါ။ ထို့နောက် ကြက်ဥနှင့် ထမင်းများကို သမအောင် ရောကြော်လိုက်ပါ။

၄။ နောက်တစ်ဆင့်အနေနဲ့ ရွှေပဲသီး၊ မုန်လာဥနီ၊ ဝက်ပေါက်ခြောက်၊ ပုစွန်၊ ပဲငံပြာရည်အကြည်၊ ဆားနျင့် ငရုတ်ကောင်းမှုန့်တို့ထည့်ပြီး သမအောင် ရောကြော်လိုက်ပါ။ အရသာ အပေါ့အငန်မြည်းကြည့်ပြီးနောက်မှာတော့ ကြက်သွန်မြိတ်လေးများထည့်ပြီး စက္ကန့် ၃၀ ခန့် ကြော်ပေးလိုက်ပါ။