တရုတ်စတိုင်လ် ခရမ်းသီးသုပ်

အားလုံးပဲ မင်္ဂလာပါ။ ဟင်းသီးဟင်းရွက်သုပ်လေးကိုမှ အရသာရှိရှိစားသုံးချင်သူများအတွက် ဒီတစ်ခါမှာတော့ တရုတ်စတိုင်လ် ခရမ်းသီးသုပ် ပြုလုပ်နည်းလေးကို ဝေမျှပေးချင်ပါတယ်။

ပါဝင်ပစ္စည်းများ

• ခရမ်းသီး ၂ လုံး
• ငရုတ်သီးအရှည် ၁၁ တောင့် (ပါးပါးလှီးထားပါ)
• ကြက်သွန်ဖြူ ၃ မြွှာ (ဓားဖြင့် ပြားနေအောင် ဖိလိုက်ပြီးနောက် နုပ်နုပ်စဉ်းလိုက်ပါ)
• တရုတ်နံနံ ၁ စည်း (ပါးပါးလှီးထားပါ)
• ဟင်းသီးဟင်းရွက်ဆီ စားပွဲတင်ဇွန်း ၁ ဇွန်း

အချဉ်ဆော့စ် ပြုလုပ်ရန် လိုအပ်သောပါဝင်ပစ္စည်းများ

• ပဲငံပြာရည် အကြည် စားပွဲတင်ဇွန်း တစ်ဇွန်း
• နှမ်းဆီ စားပွဲတင်ဇွန်း တစ်ဇွန်း
• ရှာလကာရည် လက်ဖက်ရည်ဇွန်း ၂ ဇွန်း
• ဆား လက်ဖက်ရည်ဇွန်းတစ်ဇွန်း
• ရေနွေး စားပွဲတင်ဇွန်း ၃ ဇွန်း

ပြုလုပ်နည်း အဆင့်ဆင့်

၁။ ခရမ်းသီးရဲ့ ထိပ်ပိုင်းနှစ်ဖက်ကို လှီးဖြတ်ပြီးနောက် ၈ စင်တီမီတာအရှည် အစိပ်များ စိပ်လိုက်ပါ။

၂။ ထို့နောက် ခရမ်းသီးများနူးအိသွားဖို့ရန်အတွက် ပေါင်းအိုးထဲမှာ ၁၅ မိနစ်ခန့် ထည့်ပေးလိုက်ပါ။

၃။ အချိန်ပြည့်သွားပါက ခရမ်းသီးများကို ပေါင်းအိုးထဲမှ ထုတ်ပြီး အအေးခံလိုက်ပါ။

၄။ ဒယ်အိုးကို အပူပေးပြီး ဟင်းသီးဟင်းရွက်ဆီ စားပွဲတင်ဇွန်း တစ်ဇွန်းထည့်ပါ။ ဆီပူလာပါက ငရုတ်သီးများထည့်ကာ ၁ မိနစ်ခန့် ဆီသတ်ပါ။ ကြက်သွန်ဖြူ ထည့်ပြီး ၁ မိနစ်ခန့် ထပ်မံဆီသတ်ပေးလိုက်ပါ။

၅။ ရရှိလာတဲ့ ကြက်သွန် ငရုတ်ဆီများကို အချဉ်ပန်းကန်ထဲ ပြောင်းထည့်ပေးလိုက်ပါ။ ထို့နောက် ထိုအချဉ်ပန်းကန်ထဲသို့ ပဲငံပြာရည်၊ နှမ်းဆီ၊ ရှာလကာရည်၊ ဆားနှင့် ရေနွေးတို့ထည့်ပြီး သမအောင် ရောမွှေပေးလိုက်ပါ။