ထမင်း မစားဘဲ အာဟာရပြည့်ဝပြီး အရသာရှိတဲ့ အစားအစာတစ်ခုခု စားသုံးချင်သူတွေအတွက် ဒီတစ်ခါမှာတော့ ဂေါ်ဖီထုပ် အာလူး အမဲစွပ်ပြုတ် ပြုလုပ်နည်းလေးကို ဝေမျှပေးချင်ပါတယ်။

ပါဝင်ပစ္စည်းများ

  • အမဲသား ၁၂ အောင်စခန့် (ခပ်ပါးပါးလှီးထားပါ)
  • ဂေါ်ဖီထုပ် ၄ ပုံ ၁ ပုံခန့် (ပါးပါးလှီးထားပါ)
  • ကြက်သွန်နီ ၁ လုံး (ပါးပါးလှီးထားပါ)
  • ကြက်သွန်ဖြူ ၄ မြွှာ (ပြားနေအောင် ထုထောင်းထားပါ)
  • အမဲပြုတ်ရည် ၅၀၀ မီလီလီတာခန့်

  • အာလူး ၁ လုံး (စတုရန်းပုံသဏ္ဍာန် တုံးထားပါ)
  • ဟင်းချက်ဆီ စားပွဲတင်ဇွန်း ၃ ဇွန်း
  • ပါးပါးလှီးထားသော နံနံပင် စားပွဲတင်ဇွန်း ၂ ဇွန်း
  • ဆားနှင့် ငရုတ်ကောင်းမှုန့်

ပြုလုပ်နည်း အဆင့်ဆင့်

၁။ ဒယ်အိုးကို အပူပေးပြီး ဆီထည့်ထားပါ။

၂။ ဆီပူလာပါက ကြက်သွန်ဖြူ၊ ကြက်သွန်နီတို့ ထည့်ပြီး ဆီသတ်လိုက်ပါ။

၃။ အမဲသားများထည့်ပြီး ၃ မိနစ်ခန့် ကြော်လိုက်ပါ။

၎။ ၃ မိနစ်ပြည့်ပါက အမဲပြုတ်ရည်များထည့်ပြီး ဆူပွအောင် တည်လိုက်ပါ။

၅။ အမဲပြုတ်ရည် ဆူပွက်လာပါက အာလူးနှင့် ပန်းဂေါ်ဖီတို့ထည့်ကာ အိုးအဖုံးပိတ်လိုက်ပါ။ ၈ မိနစ်မှ ၁၀ မိနစ်ခန့် တည်ထားရပါတယ်။

၆။ အချိန်ပြည့်ပါက နံနံပင်၊ ဆားနှင့် ငရုတ်ကောင်းမှုန့်တို့ထည့်ပြီး အရသာအပေါ့အငန် မြည်းစမ်းကြည့်လိုက်ပါ။

အပေါ့အငန်မြည်းပြီးတဲ့နောက်မှာ ပန်းကန်လုံးထဲ ပြောင်းထည့်ပေးလိုက်ပါ။ ရရှိလာတဲ့ ဂေါ်ဖီထုပ် အာလူး အမဲစွပ်ပြုတ်ကို အားအင်ပြည့်ဝဖို့အတွက် အရသာရှိရှိသောက်သုံးနိုင်ပါပြီ။

Source: panlasangpinoy.com