အရသာဆိမ့်ဆိမ့်လေးနဲ့ စားလို့ကောင်းတဲ့ ကြက်ဥ အာလူးသုပ်

အားလုံးပဲ မင်္ဂလာပါ။ ဒီတစ်ခါမှာတော့ အရံဟင်းတစ်ခွက်ဖြစ်တဲ့ ကြက်ဥ အာလူးသုပ် ပြုလုပ်နည်းလေးကို ဝေမျှပေးချင်ပါတယ်။

ပါဝင်ပစ္စည်းများ

• အာလူး ၂၀၀ ဂရမ် (အခွံခွာပြီး အနေတော်အတုံး တုံးထားပါ)
• မုန်လာဥနီ ၅၀ ဂရမ် (အဝိုင်းတုံး ခပ်သေးသေး တုံးထားပါ)
• ဆား လက်ဖက်ရည်ဇွန်း ၄ ပုံ ၁ ပုံနှင့် သကြား အနည်းငယ်
• ရှာလကာရည် လက်ဖက်ရည်ဇွန်း တစ်ဝက်နှင့် ငရုတ်ကောင်းမှုန့် အနည်းငယ်
• သခွားသီး ၇၀ ဂရမ် (ပါးပါးလှီးထားပါ)

• ဝက်ပေါင်ခြောက် ၃၀ ဂရမ် (အနေတော် အတုံးလေး တုံးထားလိုက်ပါ)
• ကြက်သွန်နီ ၅၀ ဂရမ် (ပါးပါးလှီးထားပါ)
• ကြက်ဥပြုတ် ၁ လုံး (အခွံခွာပြီး အနေတော် လှီးဖြတ်ထားပါ)
• မိရောနိစ် စားပွဲတင်ဇွန်း ၂ ဇွန်း

ပြုလုပ်နည်း အဆင့်ဆင့်

၁။ အာလူးတုံးနှင့် မုန်လာဥနီအတုံးတို့ကို အိုးထဲထည့်ပြီး ရေထည့်ကာ ပွက်ပွက်ဆူလာအောင် တည်လိုက်ပါ။ အာလူးများ နူးအိသွားပါက ဆန်ကာဖြင့် ရေစစ်ပြီး အာလူး မုန်လာဥတုံးများကို ဆယ်ယူလိုက်ပါ။

၂။ ဆန်ကာထဲက အာလူး မုန်လာဥနီများကို အိုးထဲသို့ပင် ပြန်ထည့်ပြီး အိုးကို အတုံးအခဲများ ကြေမွသွားသည်အထိ အိုးကို လှုပ်ခါပေးလိုက်ပါ။

၃။ ထို့နောက် အာလူး မုန်လာဥနီများကို ပန်းကန်လုံးထဲထည့်ပြီးနောက် ဆား၊ ငရုတ်ကောင်းမှုန့်၊ သကြားနှင့် ရှာလကာရည်တို့ထည့်ပြီး သမအောင် နယ်ဖတ်ပေးလိုက်ပါ။

၄။ ဝက်ပေါင်ခြောက်၊ ကြက်သွန်နီ၊ သခွားသီး၊ မိရောနိစ်နှင့် ငရုတ်ကောင်းမှုန့် အနည်းငယ်တို့ထည့်ပြီး သမအောင် နယ်ပေးလိုက်ပါ။ ကြက်ဥ ထည့်ပြီး သမအောင် ထပ်နယ်ပေးလိုက်ပါ။