ချိစ်အရသာ ပန်းဂေါ်ဖီကြော်

ဗီတာမင်နဲ့ သတ္တုဓာတ်များ ကြွယ်ဝစွာပါဝင်တဲ့ ပန်းဂေါ်ဖီကို မှန်မှန်စားသုံးပေးခြင်းအားဖြင့် ရောဂါဘယများကို ကာကွယ်ပေးနိုင်သလို အသားအရေလည်း လှပစေပါတယ်။

ထိုဟင်းသီးဟင်းရွက်ကို ချိစ်အရသာလေးနဲ့ လိုက်ဖက်အောင် ဘယ်လိုကြော်လှော်ပြင်ဆင်နိုင်မလဲဆိုတာကို MyFood Myanmar ရဲ့စာဖတ်သူများအတွက် ဝေမျှပေးချင်ပါတယ်။

ပါဝင်ပစ္စည်းများ

ပန်းဂေါ်ဖီ ၂ ပွင့် (အနေတော်အတုံး တုံးထားပါ)
Heavy ခရင်မ် ၂၄၀ မီလီလီတာ
Cheddar ချိစ် ၁၅၀ ဂရမ် (ခြစ်ပြားဖြင့် အချောင်းများဖြစ်သွားအောင် ခြစ်ထားလိုက်ပါ)
ဆား လက်ဖက်ရည်ဇွန်း ၄ ပုံ ၁ ပုံ
ငရုတ်ကောင်းမှုန့် လက်ဖက်ရည်ဇွန်းတစ်ဝက်

ပါးပါးလှီးထားေးသာ နံနံပင် စားပွဲတင်ဇွန်း ၁ ဇွန်း

ပြုလုပ်နည်း အဆင့်ဆင့်

၁။ Oven ကို ၂၀၀ ဒီဂရီစင်တီဂရိတ် (၄၀၀ ဒီဂရီဖာရင်ဟိုက်) ဖြင့် ကြိုတင်အပူပေးထားလိုက်ပါ။

၂။ အိုးတစ်လုံးထဲသို့ ရေထည့်ပြီး ဆူပွက်လာအောင် တည်ထားလိုက်ပါ။ ဆူပွက်လာပါက ပန်းဂေါ်ဖီများထည့်ကာ အဖုံးအုပ်ပြီး ၅ မိနစ်ခန့် ပြုတ်လိုက်ပါ။

၃။ ထို့နောက် ပန်းဂေါ်ဖီများကို ဆယ်ယူပြီး ရေဆေးချလိုက်ပါ။

၄။ ဒယ်အိုးထဲသို့ ခရင်မ် စားပွဲတင်ဇွန်း ၂ ဇွန်းထည့်ပါ။ ထို့နောက် ချိစ် စားပွဲတင်ဇွန်း ၂ ဇွန်းခန့် ထည့်ပါ။ ပန်းဂေါ်ဖီ တစ်ဝက်ခန့်ထည့်ပါ။ ထို့နောက် ပန်းဂေါ်ဖီပေါ်သို့ ကျန်ရှိနေသော ခရင်မ်များ ဆမ်းထည့်လိုက်ပါ။ ထို့နောက် ကျန်ရှိနေသောချိစ် ၄ ပုံ ၁ ပုံခန့်ထည့်လိုက်ပါ။ ဆားနှင့် ငရုတ်ကောင်းမှုန့်များ ဖြူးထည့်လိုက်ပါ။

၅။ နောက်တစ်ဆင့်အနေနဲ့ ကျန်ရှိနေသော ပန်းဂေါ်ဖီများ ထပ်ထည့်ပြီးနောက် ကျန်ရှိနေသော ခရင်မ်များ ထပ်ဆမ်းလိုက်ပါ။ ကျန်ရှိနေသော ချိစ်များထည့်ပါ။ ဆားနှင့် ငရုတ်ကောင်းဖြူးထည့်ပါ။

၆။ ထို့နောက် ထိုဒယ်အိုးကို Oven ထဲထည့်ကာ ၁၅ မိနစ်၊ မိနစ် ၂၀ ခန့် အပူပေးလိုက်ပါ။