အားလုံးပဲ မင်္ဂလာပါ။ ဒီတစ်ခါမှာတော့ ပြုလုပ်ရလွယ်ကူပြီး ဘယ်နှကြိမ်စားစား ရိုးမသွားတဲ့ အာလူး ကြက်သားဟင်း ပြုလုပ်နည်းလေးကို ဝေမျှပေးချင်ပါတယ်။
ပါဝင်ပစ္စည်းများ
- ကြက်ပေါင် ၁ ပေါင် (အရေခွံနှင့် အရိုးတို့ကို ဖယ်ရှားထားပါ)
- မုန်လာဥနီ တစ်လုံးနှင့် တစ်ဝက် (အနေတော် အတုံးလေး တုံးထားလိုက်ပါ)
- အာလူး တစ်ခြမ်း (အတုံးငယ် တုံးထားလိုက်ပါ)
- တရုတ်နံနံ တစ်ပင် (ပါးပါးလှီးထားပါ)
- ဆီ စားပွဲတင်ဇွန်း ၂ ဇွန်း
- ရေ ၂၅၀ မီလီလီတာ
- ဆားနှင့် ငရုတ်ကောင်းမှုန့်အနည်းငယ်
ပြုလုပ်နည်း အဆင့်ဆင့်
၁။ ဒယ်အိုးကို အပူပေးပြီး ဆီထည့်ထားပါ။ ဆီပူလာပါက မုန်လာဥနီ၊ အာလူးနှင့် တရုတ်နံနံတို့ထည့်ပြီး ၇ မိနစ်ခန့် ကြော်ပေးလိုက်ပါ။
၂။ ဟင်းသီးဟင်းရွက်များ နူးအိသွားပါက ကြက်သားထည့်ကာ ၄ မိနစ်ခန့် ထည့်ချက်ပေးလိုက်ပါ။
၃။ ထို့နောက် ရေ ၂၅၀ မီလီလီတာထည့်ကာ ဆားနှင့် ငရုတ်ကောင်းမှုန့်တို့ထည့်လိုက်ပါ။
၄။ သမအောင် မွှေပြီးတဲ့နောက်မှာတော့ အိုးအဖုံးဖွင့်လျက်သားဖြင့် ၆ မိနစ်ခန့် တည်ထားလိုက်ပါ။
၅။ ဟင်းအရည် ပျစ်သွားပါက အရသာအပေါ့အငန်မြည်းကြည့်လိုက်ပါ။
တရုတ်နံနံထည့်ပြီးတဲ့နောက်မှာတော့ အရသာရှိတဲ့ ကြက်သား အာလူးဟင်းလေး ရရှိသွားပါပြီ။
ထမင်းနဲ့အတူတူ အရသာရှိရှိသုံးဆောင်လိုက်ပါ။
Source: Spicetheplate.com
